Jean 15:4 - Bible azumeina

⁴ Kagagi zlapa tu ki sed’enu, an mba kak kurugi mi. Abo guguzlud’a ndak á vut yam tat ti, mbeî nata abuwad’u. Hina mi, agi le kagagi zlapa tu ki sed’en nduo ni, agi ndak á vud’ugi d’uo mi.

Jean 15:4 Iomraidhean Croise

Sawal la kal teglesa 8:5

Ni nge ndata ba, ti djï hur fulâ, ti deng tat ata mat ma ndat le kam heîna na ge? Ti dala: An zlid’ing akulo ad’u agu poma ata yima asung ngi vang wiring kuana, ata yima ti vud’ung kuana mi.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Matiye 12:33

Jesus mi had’azi kua ala: Le aguna mi djivid’a ni, vud’umî djivid’a mi. Wani le aguna mi tchod’a ni, vud’um pî ni tchod’a mi, kayam a waguna ni ki vud’umu.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Jean 14:20

Kur bur máma agi mba wagi ala an nga kur Abunu, agi nga zlapa tu ki anu, an nga kurugi mi.

Jean 17:23

An nga kuruziya, ang nga kurun mi, kayam azi kak tu ndak memet. Hina wani, suma duniyad’a a mba wala ni ang ba sununïya, ang nga le kazi d’igi ang nga le kan na mi.

Jean 6:56

Sama mi tan hliwin mi tchan buzuwan mi na, mi nga karid’a zlapa ki sed’enu, an nga karid’a kurum mi.

Jean 8:31

Kayam ndata, Jesus mi de mi Juif suma a hum gagazid’ina ala: Le agi gagi yagi kä ad’u zla manda ni, gagazi, agi ni man suma hata,

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

2 Korente-na 13:5

Kayam ndata, ar agi gologi tagi djiviya, na ni agi nga hagi gagazid’a gagazi zu? Ar agi kugugi tagiya. Agi wagiya, na ni Christ nga kurugi gagazi zu? D’oze agi mba kid’agagi woi zu?

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 2:6

D’igi agi vagi Jesus Christ Salad’a na, ar agi tid’igi zlapa tu ki mamu.

1 Tasaloni’â 3:5

Wani ata yima an ndak á ve tan nduo na, an sunugi sä Timote atogo zak á wäd’u he gagazi magid’a. An le mandarâ ala dam ma lopma Seitan mi lobogi wa. Hina, sun mamid’a ami lat adigagid’a pet mba d’i mbut ni vama hawa na.

Hebre-na 10:39

Wani ei nga naduk suma a nga hulong bugol á bad’a woina d’i, wani ei naduk suma a he gagazid’a suma a nga kur lovot ta sutina.

1 Jean 2:6

Sama dala mam nga kaka zlapa tu kAlona na, djivid’a mi tit d’igi Jesus tamba na.

2 Jean 1:9

Nge nge pî ma nga kaka kur hata hi Christ-sa d’uo wani mi d’es seina, mi nga kAlona d’i. Sama nga kaka kur hata hi Christ-sina, mi nga kAbui Alona ki Goroma mi.