Jean 15:24 - Bible azumeina

²⁴ Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 15:24 Iomraidhean Croise

Sawal la giled’a 81:15

an hulongôzi wa mazi suma djangûna yazi kä ad’uzi atogo zak, an mbut wa iran á dur ki suma a nga lazi ndakina.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Zla d’a d’ogolâ 8:36

Wani sama mi lan tchod’ina, mi le ni tam tchod’a; suma pet suma a noyôna, a min ni matna.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Matiye 21:32

Kayam Jean ma le suma batemba mi mba atagi á tagagi lovot ta d’ingêra, wani agi hagi nga gagazid’a yam zla mamba d’i. Wani suma ve lombod’a azi karop suma gaulangâ a he gagazid’a yam zla mamba. Wani agi tagi wagi ahle ndazina hina pî, agi mbud’ugi nga hurugi á hagi gagazid’a yam zla mamba d’uo mi.

Matiye 9:33

Kid’a Jesus mi dik muzuk ma tchona woi kurum dad’a, sa máma mi nde de zlad’a. Ablau suma a le atchap, a dala: Ei wei nga vama hina na aduk Israel-lâ yei tu d’i.

Marik 2:12

Sama gugutud’a mi tchol akulo. Atogo hina zak, mi hle zlat mama, mi ndabu avorozi pet. Azi pet a le atchap, a subur Alona, a dala: Ei wei nga vama hina na yei tu d’i.

Wana ni Zla d’a Djivi d’a Luc mi b’irita 24:19

Mi dazi ala: Vama le ni me ge? A dum ala: Ahle suma a le ki Jesus ma Nazarat-na. Mam mi ma djok vun Alona ma ad’eng ma kur sunda ki zla d’a ded’a avok Alona avok suma pet mi na.

Jean 10:32

Jesus mi hulong dazi ala: An tagagi sun nda djivi d’a ngola hAbunda. Ni yam sun me ba, agi min durun kahinad’a ge?

Jean 10:37

Le an nga ni le sunda hAbunda d’uo ni, agi hagi gagazid’a kan ndi.

Jean 12:10

Wani nglo suma ngat buzuna a ndjak vunazi á tchi Lazar woyo,

Jean 12:45

Sama wan ki irama, mi we ni mam ma mi sununïna.

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

Jean 15:21

Wani a mba lagi ahle ndazina pet kayam anu, kayam azi we nga mam ma sununïna d’i.

Jean 15:22

Ladjï an mba á dazi zlad’a d’uo ni, azi nga ki tchod’a d’i, wani ki tchetchemba, azi nga ki vun ma tinda yam tcho mazid’a d’uo d’a.

Jean 15:23

Sama noyôna, mi noî nAbun mi.

Jean 16:9

Mba mi malazi irazi woi yam tcho mazid’a kayamba azi nga he gagazid’a kan nduo d’a,

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 5:36

Wani an nga ki glangâs ma ngol ma kal ma hi Jean-nina, kayam sun nda Abun handjid’a, an nga ni ndagat vunad’u. Sun nda an lata nga d’i le glangâsâ kan ala nAbun ba, mi sununïya.

Jean 6:36

Wani an dagiya, agi wanu, wani agi hagi nga gagazid’a kan ndi.

Jean 7:31

Wani suma ngola aduk ablau suma a he gagazid’a kamu, a dala: Fata Mesi mi mbad’a, mba mi lahle suma ndandalâ kal sama wana zu?

Jean 9:32

Dedei ei humi nga ala sa mi mal ir sama a vud’um ki dukina woyo d’i.

Jean 9:41

Jesus mi dazi ala: Ladjï agi ni duka ni, agi nga ki tchod’a d’i. Wani ki tchetchemba agi nga dagi ala: Ami nga wamiya. Kayam ndata, tcho magid’a nga kak kä kagiya.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Romê-na 1:30

suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi.

Gat ta a hat á mbàd’id’a 5:9

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’a d’oze ma kur atchogoi d’a fid’id’ina.

2 Timote 3:4

Azi ni suma ka hula, suma tchila yam gata, suma subur tad’a kal kazina, suma a le yam furîd’a hi duniyad’id’a kal Alonina.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.