Jean 15:22 - Bible azumeina

²² Ladjï an mba á dazi zlad’a d’uo ni, azi nga ki tchod’a d’i, wani ki tchetchemba, azi nga ki vun ma tinda yam tcho mazid’a d’uo d’a.

Jean 15:22 Iomraidhean Croise

Ezekiyel 2:5

Le azi hum mboze le azi hum mbuo pî, azi nandjaf ma bei hum vuna ba na, azi mba wala ma djok vun Alona mi nga adigaziya.

Wana ni Zla d’a Djivi d’a Luc mi b’irita 12:46

sala azong máma mba mi mba kur bur ma mam nga mi djubum mbuo na, ata yima mam we d’uo na mi. Salama mba mi tom ki blafâ ngola, mba mi wuragam ki suma batrangâ.

Jean 12:48

Sama noyôn ndei ma ve zla manda d’uo na, ma mba mi kam sariyad’a kama mi nga. Zla d’a an data, ni ndat ba, mba d’i kam sariyad’a kam kur bur ma dabid’a.

Jean 15:23

Sama noyôna, mi noî nAbun mi.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 16:9

Mba mi malazi irazi woi yam tcho mazid’a kayamba azi nga he gagazid’a kan nduo d’a,

Jean 19:11

Jesus mi hulong dum ala: Ladjï Alona mi hangzi ni mam mbuo ni, ang nga kad’enga kan ndi. Kayam ndata, sama han abongâ, mi kalang ki tchod’a.

Jean 9:41

Jesus mi dazi ala: Ladjï agi ni duka ni, agi nga ki tchod’a d’i. Wani ki tchetchemba agi nga dagi ala: Ami nga wamiya. Kayam ndata, tcho magid’a nga kak kä kagiya.

Sunda hi suma a sunuzinid’a 17:30

Kur atchogoi d’a bei wed’a, Alona mi gol suma ta, wani ki tchetchemba, mi he vuna ata yina pet ala suma a mbut huruzi yam tcho mazid’a.

Romê-na 1:20

Kad’u tinda kid’a Alona mi le duniyad’a dei d’a gak tchetchem, suma a ndak á wahlena hAlona suma a ndak á wazi d’uo na, nala, ad’eng mam mba didinda ki kak mam mba ala nAlona d’a. Suma a nga wahle ndazina nata sun nda mam lata. Hina, suma a ndak á waziya. Kayam ndata, azi ndak á tin vunazi avok Alona d’i.

Romê-na 2:1

Kayam ndata, ang sana, ang ma nga ka sariyad’a yam suma dingîna, ang ndak á tin vunang ngi. Kayam ata yima ang nga ka sariyad’a yam suma dingâ ang nga lahle ndazina mi na, ang kat ni yam ang tanga.

Jacques 4:17

Wani sama we vama djivina á led’a ko ba mi lum mbuo na, mi le ni tchod’a.

1 Pierre 2:16

Agi ni gro vuta, wani agi mbud’ugi gro vut magid’a d’igi baru d’a zlup yam tcho d’a agi lata na d’i, wani agi lagi d’igi azungeîna hAlonina na.