Jean 15:21 - Bible azumeina

²¹ Wani a mba lagi ahle ndazina pet kayam anu, kayam azi we nga mam ma sununïna d’i.

Jean 15:21 Iomraidhean Croise

Sawal la giled’a 69:7

Salad’a, Ma didin ma ad’engêng kal petna, ar suma a tin huruzi kangâ a mbut zulona kan ndi; Alona hi Israel-lîna, ar suma a nga halangâ a mang ngei kayam an nduo mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Matiye 10:18

Agi mba tchologi avok suma te yamba azi kamuleina yam an á le glangâsâ avoroziya, avok andjaf suma dingâ mi.

Matiye 10:22

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Matiye 10:39

Sama nga mi ngom tama mba mi ba tam mbeyo, wani sama he tam mbei kana mba mi sut tam mi.

Matiye 24:9

Kayam ndata, azi mba hagi abo suma a mba djobogi vunagiya, a mba tchagi mi. Andjaf suma pet a mba noyôgi woi yam simiyên mi.

Matiye 5:11

Le suma a nga ngulugi a nga djobogi vunagiya, le a nga de zla d’a tcho d’a teteng nga kad’a kagi kayambala agi ni man suma hata d’a ni, agi lagi furîd’a.

Marik 13:13

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Wana ni Zla d’a Djivi d’a Luc mi b’irita 21:12

Avok ahle ndazina pet, suma a mba vigigiya, a mba djobogi vunagi ngola, a mba igi avok suma ka sariyad’a kur gongîyo mazi suma toka, a mba tchugugi dangeina mi. A mba igi avok amuleina azi ki suma te yamba yam simiyênu.

Wana ni Zla d’a Djivi d’a Luc mi b’irita 21:17

Suma pet a mba noyôgi woi yam simiyênu.

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Jean 15:24

Ladjï an le sun nda sama ding mi ndak á lat tuo d’a adigazi d’uo ni, azi nga ki tchod’a d’i, wani ki tchetchemba, azi wad’u, azi noyôn ndei kAbun djak.

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

Jean 8:19

Kayam ndata, azi djobom ala: Abung mi nga ni lara ge? Jesus mi hulong dazi ala: Agi wan nga an ndi, agi wagi nga Abun ma sununïna d’uo mi. Ladjï agi wanu ni, agi mba wagi Abun mi.

Jean 8:54

Jesus mi hulong dazi ala: Le an subur tanu ni, subur manda ni hawa yak. Ma suburuna nAbunu, ni mam ma agi nga dagi ala mam nAlo magina na.

Jean 8:55

Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

Sunda hi suma a sunuzinid’a 17:23

Kayam ata yima an nga ni kal kur azì ma ngolîna, an wahle suma agi nga kud’urozina. An fe yima ngal ahle suma ngat buzu ma dingâ, a b’ir atam ala: Ni malo ma bei wuma. Kayam alo ma agi nga kud’urom bei wuma ba na, an nga ni dagi kamu.

Sunda hi suma a sunuzinid’a 26:9

Adjeu an tan nga hurun ala an le simiyê Jesus ma Nazarat-na tchod’a ngola.

Sunda hi suma a sunuzinid’a 3:17

Ki tchetchemba, b’oziyona, an wala agi ki magi suma te yamba, agi lagi hina yam bei wed’a.

Sunda hi suma a sunuzinid’a 4:17

Wani ei ar zla ndata ti i avok aduk suma d’i, ei ngoboziya, ar azi hat sa ki simiyê Jesus d’uo d’a.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Sunda hi suma a sunuzinid’a 9:14

Mi mba nga ka hî ni ki vun ma hed’a hi nglo suma ngat buzunina á djin suma pet suma a nga yang simiyêngâ.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

1 Korente-na 2:8

Sa tu aduk suma te yamba kur duniya d’a wanda ma we ne ndatina nga d’i. Ladjï a wäd’u ni, a ndak á b’al Sala ma subura akulo ata aguna d’i.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

1 Jean 3:1

Agi gologi andjaf o d’a ngol la Abui Alona mi lat kei á yï ala ei ni groma d’a. Ni ei wana. Suma duniyad’a a wei nga d’i, kayam azi wum nga d’i.

3 Jean 1:7

Ni yam simiyê Jesus Christ ba, azi buzuk kei abua, a ve nga va abo andjaf suma bei wAlona d’i.

Vama ndum mbeina 2:3

Ang nga ve tang ad’enga, ang nga fe ndaka kanu, wani ang tang tchuk nga lus si.