Jean 15:20 - Bible azumeina

²⁰ Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi.

Jean 15:20 Iomraidhean Croise

Ezekiyel 3:7

Wani Israel-lâ a min humung ngi, kayam azi min humun nduo mi, kayam Israel-lâ pet ni suma yam mba ad’enga, ni suma huruzi b’ala kiki na.

Matiye 10:24

Ma hata nga mi kal ma mi had’ama d’i, azongâ nga mi kal salama d’uo mi.

Marik 10:39

Azi hulong dum ala: Ami ndagamiya. Jesus mi dazi ala: Gagazi, agi mba tchagi ki kop ma kid’eî ir ma an mba ni tchuma, agi mba lagi batem mba ndak ka an mba ni lata mi.

Wana ni Zla d’a Djivi d’a Luc mi b’irita 2:34

Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema,

Wana ni Zla d’a Djivi d’a Luc mi b’irita 6:40

Ma hata nga mi kal ma had’ama d’i, wani sama lara ma ndak vun hat mambina, mba mi mbut ni d’igi ma had’ama na.

Jean 10:31

Juif-fâ a yo ahinad’a kua á durumu.

Jean 11:57

Nglo suma ngat buzuna azi ki Fariziyêna a he vuna ala le sa mi we yima mi nga kuana ni, mi daziya, kayam azi i vumu.

Jean 13:16

Gagazi, an nga ni dagiya, azongâ nga mi kal salama ki ngola d’i. Ma a sunuma nga mi kal salam ma sunuma ki ngola d’uo mi.

Jean 5:16

Kayam ndata, Juif-fâ a nde hal Jesus ki zlad’a, kayam mi lahle ndazina ni kur bur ma sabatna.

Jean 7:32

Fariziyêna a hum ablau suma a nga kud’us tazi yam zla mamba. Kayam ndata, nglo suma ngat buzuna azi ki Fariziyêna a sun azigarâ ala a vumu.

Jean 8:51

Gagazi, an nga ni dagiya, le sama ngom zla manda ni, mba mi mit ti gak didin.

Jean 8:52

Juif-fâ a dum ala: Ki tchetchemba, ami wami tetet ala ang nga ki muzuk ma tchona kurungû. Abraham mi mid’a, suma djok vun Alona a bo mi, wani ang dala: Le sama ngom zla manda ni, mba mi mit ti gak didin.

Jean 8:59

Kayam ndata, azi yo ahuniyôna á durumu, wani Jesus mi ngei tamu, mi nde woi kur gong nga kud’ora hAlonid’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

1 Korente-na 4:12

Ami nga kawami ki sunda á fe te mamina. Ata yima azi nga ngulumina, ami nga b’ami vuna kaziya. Ata yima azi nga djobomi vunamina, ami nga vami tamiya.

2 Korente-na 4:9

Azi nga djobomi vunamiya, wani Alona arami nga woi d’i; a nga mired’emi kä andaga, wani ami bomi nga d’uo mi.

1 Tasaloni’â 2:15

Juif-fâ ni suma tchi Salad’a Jesus azi ki suma djok vun Alonina, a djobomi vuna mi. A nga le Alona tam djivi d’i, a nga kak djangûna ki suma pet mi.

2 Timote 3:12

Wani suma pet suma a min tit bugol Alona zlapa ki Jesus Christ-sâ, a mba djobozi vunazi mi.

1 Samuel 8:7

Ma didina mi de mi Samuel ala: Ang hum zlad’a hi Israel-lîd’a, ang lahlena pet suma azi dangzina. Azi noyôngî ang ngi, a noyôn ni anu. Azi min ala an tamula kazi d’uo d’a.