Jean 15:16 - Bible azumeina

¹⁶ Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Jean 15:16 Iomraidhean Croise

Ad’u Tinda 18:18

Kayam Abraham mba mi mbut nandjaf ma ngol ma ad’engâ; andjaf suma yam andagad’ina pet, an mba ni b’e vunan kazi ni kamu.

Sawal la giled’a 145:4

Ar suma kur atchogoi d’a lara ge petna a suburung sun manga, ar a de woi yam sun nda ad’eng nga ang lata.

Sawal la giled’a 71:18

Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

Zla d’a d’ogolâ 11:30

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Matiye 21:22

Ahlena pet vama agi tchenegi kam ki he gagazid’ina, agi mba fumu.

Matiye 7:7

Jesus mi had’azi kua ala: Agi tchenegi Alona, mba mi hagiya; agi halagi va, agi mba fagiziya; agi dabagi vun gonga, a mba malagiziya.

Wana ni Zla d’a Djivi d’a Luc mi b’irita 6:13

Kid’a yina fo dad’a, mi yi mam suma hata, mi man adigazi dogo yam mbà, mi tinizi simiyêzi ala suma a sunuzina:

Jean 13:18

An de ni kagi pet ti, an we suma an manazina. Ni kayam zla d’a a b’irit kur mbaktumba hAlonid’a ala: Mam ma nga mi te tena ki sed’ena, mi mbut iram mi kak djangûna ki sed’enu d’a ndak memet.

Jean 15:19

Ladjï agi ni suma hi duniyad’ina ni, suma kur duniyad’ina a mba le kagi d’igi sum matna na. Wani agi ni suma hi duniyad’ina d’i, kayam an managi woi aduk sum matna. Kayam ndata, suma kur duniyad’ina a nga noyôgiya.

Jean 15:5

An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.

Jean 6:70

Jesus mi hulong dazi ala: Ni an ba ni managi dogo yam mbà d’uo zu? Wani ma dingâ tu nga adigagiya ni diable.

Sunda hi suma a sunuzinid’a 1:24

A tchen Alona kazi ala: Salad’a, ang ma we hur suma petna, ang tagami aduk suma mbà ndazina sama ang manama,

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Sunda hi suma a sunuzinid’a 10:41

wani nga ni ir suma pet ti, wani ni mi ami suma Alona mi manami avok dei á le glangâsâ kama. Bugol la Alona mi tcholom akulo aduk suma matnid’a, ami tami ki sed’emu, ami tchami ki sed’em mi.

Sunda hi suma a sunuzinid’a 22:14

Mi dan ala: Alona habuyoi ngolona mi manang avok á we min mamba, á we mam Ma d’ingêrâ, á hum zla d’a tcholï avunamba mi.

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Romê-na 1:13

B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i.

Romê-na 1:5

Kayam ndata, Alona mi mbud’un ma a sunuma yam subura hi Christ-sa, kayam an mba kandjaf suma pet á hum gagazid’a, á ge yazi kä ad’um mi.

Romê-na 15:4

Ahlena pet suma a b’irizi kur mbaktumba hAlonid’a adjeuna ná had’eya, kayam ei tini huri kam ki ve tad’a, zlapa ki b’leng hur ma mbaktumba hAlonid’a ti b’lengeîzina.

Romê-na 9:21

Sama min deina mi nga kad’enga yam lubuna ki mbuk ka tud’a á min dei ma djivina, á min ma tchona mi d’uo zu?

1 Korente-na 10:11

Ahle ndazina a mba kazi hina, ni vama taka mi suma dingâ. A b’irizi kur mbaktumba hAlonid’a á gad’ei ei suma atchogoi d’a dabid’a ti mba keina.

Galat-na 1:15

Wani yam sumad’a hAlonid’a, mi manan avok bei a vud’unu, mi yan á lum sunda.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.

Kolos-sâ 1:6

Zla ndata ti mba hatagi d’igi ti b’rau yam andagad’a pet na, nga d’i vud’a, nga d’i zul avogovogo, d’igi nga d’i ladigagi na mi. Ata yima agi humugizina, agi wagi ala ni suma d’a gagazid’a hAlonid’a,

1 Timote 2:7

Kayam ndata, mi yan á tchi wala, mi tinin ma a sunuma á hat andjaf suma dingâ kur he gagazid’a, kur zla d’a irata mi. An nga ni de ni zla d’a gagazi d’a bei ka zlad’a ba d’a.

2 Timote 1:11

Alona mi tinin á tchi wal Zla d’a Djivi ndata, mi mbud’un ma a sunuma á hat suma mi.

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

Wana ni mbaktum mba Paul mi b’irit mi Tit-ta 1:5

Kayam ndata, an arang kur til la Kret-ta á min ahle suma ar bei mindina, á tin suma nglo suma gol Toka kur azì ma nglo ma lara ge pet d’igi an had’ang na mi.

Hebre-na 11:4

Ni yam he gagazid’a ba, Abel mi he vama ngat buzu ma djivina kal ma hi Kain-na. Kayam ndata, Alona mi le glangâs ma djivina kam ala ni sama d’ingêrâ. Mi le glangâsâ yam he d’a hawa mamba mi. Kayam he gagazi mamba, mi mit pî, a nga dum zlam ini.

Jacques 3:18

Suma a nga min b’leng nga halasina, a nga zarî b’leng nga halasa, a mba dut ni d’ingêra mi.

1 Pierre 3:15

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,

1 Pierre 3:2

kayam azi mba gol tit magi d’a d’ingêra ki ge d’a agi gagi yagi kä d’a.

1 Jean 4:10

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.

1 Jean 4:19

Ei nga lei od’a, ni kayamba Alona mi le kei adjeud’a.