Jean 14:6 - Bible azumeina

⁶ Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 14:6 Iomraidhean Croise

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 1:4

Arid’a nga kurud’u; ari ndata ni b’od’a hi sumid’a.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Jean 10:7

Kayam ndata, Jesus mi dazi kua ala: Gagazi, an nga ni dagiya, an ni vun kangâna hi tumiyônina.

Jean 10:9

An ni vun kangâna. Le sama kal ata vun máma ni, mba mi fe suta, mba mi kal kuru, mba mi ndabua, mba mi fe yima te hatna.

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

Jean 15:1

Jesus mi dazi ala: An ni guguzlu d’a gagazid’a, Abun ni sama ngomotna.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 5:21

D’igi Abun nga mi tchol suma matna akulo nga mi hazi arid’a na, an Goroma nga ni harid’a mi suma an minizina hina mi.

Jean 6:33

Kayam tena hAlonina ni sama tcholï akulona, ni sama he arid’a mi suma kur duniyad’ina.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Jean 6:57

D’igi Abun ma arina mi sununï an nga karid’a yam Abun mi na, sama tana mba mi kak karid’a kan an mi.

Jean 6:68

Simon Pierre mi hulong dum ala: Salamina, ami imi ni gen nge ge? Ni ang ba, nga ki zla d’a ari d’a didinda.

Jean 8:32

agi mba wagi gagazid’a, gagazi ndata mba d’i mbud’ugi gro vuta.

Jean 8:51

Gagazi, an nga ni dagiya, le sama ngom zla manda ni, mba mi mit ti gak didin.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

Sunda hi suma a sunuzinid’a 4:12

Suta nga ata sama ding ngi, kayam simi ma ding ma nga yam andagad’a ka hî ma Alona mi hum aduk suma mala ei fei ki suta atamu na, mi nga d’i.

Sunda hi suma a sunuzinid’a 9:2

mi djobom ala mi hum mbaktumba yam gongîyo suma toka hi Juif suma Damas-sâ, kayam le mi fe suma ding suma a nga tit kur lovota hi Salad’id’a, le ni andjofâ d’oze aropma ni, mi yozï mi mbazi Jerusalem ki djinda.

Romê-na 15:16

á mbud’un ma sunda hi Jesus Christ-sâ yam andjaf suma dingîd’a. Ata yima an nga ni tchi wal Zla d’a Djivid’a hAlonid’ina, an ni d’igi ma ngat buzuna na kayam andjaf suma dingâ a mbut vama ngat buzu ma lAlona tam djivid’ina, kayam azi ni suma Muzuk ma bei tchod’a ba na mi tinizi irazi vazina.

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Romê-na 5:21

D’igi tchod’a ti te leud’a ni yam matna na, hina mi, sumad’a hAlonid’a nga d’i te leud’a ni yam d’ingêra á ï kur ari d’a didinda yam Jesus Christ Saleinid’a na mi.

1 Korente-na 15:45

Kayam mbaktumba hAlonid’a ti dala: Adam mi sama avo’â, Alona mi mbud’um sama arina, wani Adam ma danana ni Muzuk ma mi he arid’a mi sumina.

Efes-sâ 2:18

Ni yam Christ ba, ei pet, Juif-fâ kandjaf suma dingâ djak, ei ndak á kalei avok Alona kad’enga hi Muzuk mam ma tunid’a.

Kolos-sâ 2:17

Ahle ndazina nangus ahle suma djivi suma a nga mbana, wani tazi tata ni Christ.

Kolos-sâ 2:9

Kayam ndak ka memeta hAlonid’a tata ti nga nata Christ.

Kolos-sâ 3:4

Fata Christ ari meid’a nde woid’a, agi mba buzugugi woi zlapa tu ki mam kur subur mamba mi.

Hebre-na 7:25

Kayam ndata, mi ndak memet á sut suma a nga mba gen Alona ki simiyêma gak didin, kayam mam nga karid’a teteu á tchen Alona kaziya.

Hebre-na 9:8

Hina Muzuk ma bei tchod’a ba na, mi tak kei ala ata yima zlub’u d’a avoka nga tua na, lovot ta á kal ata yima Alona mi tinim iram vam ma kal teglesîd’a nga d’i.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Pierre 2:4

Ar agi hud’ugi gen Salad’a, ahina d’a ari d’a suma min gonga a gat teid’a, wani ni d’a guzut kal tegles sa Alona mi manata.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Jean 1:8

Le ei dei ala: Ei nga ki tchod’a d’uo ni, ei lobei ni teya, zla d’a gagazid’a nga kuri d’i.

1 Jean 2:23

Sama tin vunam yam Alona Goromina, mi nga kAbum mbi, wani sama de woi yam Alona Goromina, mi nga kAbum mi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

1 Jean 5:6

Jesus Christ ni ma mba ki mbina hi batem mamba ki buzuna hi mat mamina. Mi mba ni ki mbina hol li, wani ki mbina ki buzuna mi. Muzu’â hAlonina tamba ni ma nga mi le glangâsâ kama, kayam Muzu’â ni ma gagazina.

2 Jean 1:9

Nge nge pî ma nga kaka kur hata hi Christ-sa d’uo wani mi d’es seina, mi nga kAlona d’i. Sama nga kaka kur hata hi Christ-sina, mi nga kAbui Alona ki Goroma mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: