Jean 14:27 - Bible azumeina

²⁷ An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Jean 14:27 Iomraidhean Croise

2 Sunda Hamuleinid’a 20:30

Leud’a hi Josafat-ta ti kak ki halasa, Alo mama mi hum tuk tad’a ata yima lara ge pet mi.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

Sawal la giled’a 11:1

Ni sawal la David mi hlat mi hat mi ma ngolâ hi suma hle sawalina. Ma didina ni ma an ngei tan atama. Ni nana ba, agi dan ala: Ang pir i yam ahuniyô mangâ d’igi aleina na ge?

Sawal la giled’a 112:7

Vunadigam nga d’i tumum yam zla d’a tcho d’a mi humuta d’i, hurum ade’esa, mi tin hurum mi yam Ma didina mi.

Sawal la giled’a 27:1

Ni sawal la David mi hlata. Ma didina ni b’o manda ni ma sud’una; ni nge ba, an mba ni lum mandaram nge? Ma didina ni ma ngomona; ni nge ba, an mba ni zlak abom nge?

Sawal la giled’a 28:3

Ang zlaban doglod’a ki suma asa’at suma a le sunda tchod’ina d’i. Azi ni suma a nga de zla d’a djivid’a mi ndrozina ki vunazina, wani huruzi ma krovona ni oîd’a kasa’ata.

Sawal la giled’a 29:11

Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Sawal la giled’a 56:11

Alona, an nga ni gileng yam zla d’a ang data. Gagazi, Ma didina, an nga ni gileng yam zla ndata.

Sawal la giled’a 56:3

Burâ ki burâ man suma djangûna a nga digin ad’unu, azi nablaud’a a nga durun ayîna ki subur tad’a.

Sawal la giled’a 72:2

Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.

Sawal la giled’a 72:7

Kur atchogoi mamba, suma d’ingêrâ a mba zul avogovogo. Suma a mba kak ki b’leng nga halasa gak dabid’a hatchogoid’id’a.

Sawal la giled’a 85:10

Gagazi, sut mamba ti nga go ki suma a nga lum mandarama tala subur mamba mba d’i kak yam ambas meid’a d’a.

Sawal la giled’a 91:5

Ang mba ring mandara vama lang andjegena d’oze yeû d’a djang faleid’a

Zla d’a d’ogolâ 3:25

Ang le mandara ndak ka mba kang dumuzid’a d’oze nde d’a suma asa’atna a nde kanga d’i.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Isai 55:12

Agi mba buzugugï woi kur Babilon ki furîd’a, agi mba mbagi avo hatagi ki b’leng nga halasa, ahuniyôna ki yima ndingâ a mba er ad’uzi akulo avorogi ki furîd’a, agu ma abageina pet mba mi tum abom ki furîd’a mi.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 1:8

Ma didina mi dan kua ala: Ar ang lazi mandarazi d’i, kayam an nga zlapa ki sed’eng á sud’ung ngeyo.

Hor ma tchina 3:17

Mi walan ndei ki b’leng nga halasa, an mar rei yam ahle suma djivina.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Daniel 4:1

Amulâ Nebukanezar mi sun mbaktumba mandjaf suma pet, mi suma ad’u vun ma ded’a tetengâ pet, mi suma a nga kaka yam andagad’ina pet, mi dazi ala: Ar agi kagagi ki halasa ngola!

Daniel 6:25

Bugol ahle ndazina, amulâ Dariyus mi b’ir mbaktumba mandjaf suma pet, mi suma ad’u vun ma ded’a tetengâ pet, mi suma a nga kaka yam andagad’ina pet ala: Ar agi kagagi ki halasa ngola!

Zakari 6:13

Mba mi min gong man nda kud’ora akulo, mba mi tchuk ahle suma subura atamu, mba mi kak yam zlam mam mba amula á tamula. Ma ngat buzuna tu mba mi tchol gevemu, azi djak darigï d’a gagazid’a mba d’i kak adigaziya.

Ndumba 6:26

Ar Ma didina mi tagagi djivi mamba, ar mi hagi b’leng nga halasa mi!

Matiye 10:26

Jesus mi had’azi kua ala: Ar agi lagi mandara suma d’i, kayam vama nga ngeid’a kä ma a mba ba bei ndum mbei pid’a’â nga d’i, d’oze vama nga gumun kä ma a mba ba bei wuma nga d’uo mi.

Wana ni Zla d’a Djivi d’a Luc mi b’irita 1:79

á b’o yam suma a nga kaka kur nduvunda ad’u angus matnina, á tini asei kur lovot ta b’leng nga halasa mi.

Wana ni Zla d’a Djivi d’a Luc mi b’irita 10:5

Azì ma ngol ma lara ma agi kalagi kuana, agi gagi suma kur azì mámina depa ala: Ami gagi depa.

Wana ni Zla d’a Djivi d’a Luc mi b’irita 12:4

Jesus mi had’azi kua ala: Buniyôna, an nga ni dagiya, ar agi lagi mandara suma tchagi hliwigina d’i, kayam azi ndak á le va bugol li.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

Jean 14:1

Jesus mi dazi ala: Ar hurugi hat ti. Ar agi hagi gagazid’a yam Alona, ar agi hagi gagazid’a kan an mi.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Jean 20:19

Kid’a afata nik dad’a, ni bur ma dimas máma, suma hata a duk vun azì ma azi nga kuana, abo mandarâ hi Juif-fîna. Ata yi máma, Jesus mi mba, mi tchol adigaziya, mi dazi ala: An gagi depa.

Jean 20:21

Jesus mi dazi kua ala: An gagi depa. D’igi Abun mi sununï na, an sunugi na mi.

Jean 20:26

Dimas sa mbàd’a, suma hata hi Jesus-na a nga klavi kua, vun azina nga duka mi. Toma mi nga ki sed’eziya. Ata yi máma, Jesus mi mba, mi tchol adigaziya, mi dazi ala: An gagi depa.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Sunda hi suma a sunuzinid’a 18:9

Kur andjeged’a, Salad’a mi nde tam mbei ir Paul, mi dum ala: Ang le mandar ri, ang tchi wala, ang ba d’i,

Romê-na 1:7

An nga ni b’ir mbaktum mba wanda mi agi Romê-na pet suma Alona mi le kagi heî mi yagi á kak sum mama mi na. Ar Alona Abuya ki Salad’a Jesus Christ a vagi sumad’a ki b’leng nga halasa.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Romê-na 5:10

Adjeu ei ni suma djangûna kAlona, wani matna hi Goromina mi zlabei darigïd’a ki mamu. Le Alona mi zlabei darigïd’a ki mam na ni, kal pet, mba mi sud’i woyo, kayam Goroma mi nga karid’a.

Romê-na 8:6

Suma a nga tit yam minda hi sa mazi ma adjeunid’ina a mba bo woyo, wani suma a nga tit yam minda hi Muzu’â hAlonina a mba kak karid’a ki b’leng nga halasa mi.

1 Korente-na 1:3

Ar sumad’a ki b’leng nga halasa hAbui Alonid’a ki d’a hi Saleina Jesus Christ-sa a kak ki sed’egid’a.

Galat-na 1:3

Ar Alona Abuya ki Salad’a Jesus Christ a vagi sumad’a ki b’leng nga halasa.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Galat-na 6:16

Wani suma pet suma a nga tit kur lovot ndatina, b’leng nga halasa ki we hohoud’a hAlonid’a a mba kak kaziya, nala, yam Israel ma gagazina hAlonina.

Filip-ma 4:7

Hina wani, b’leng nga halasa hAlona d’a kal yam wad’ud’a peta, mba d’i ngomogi djib’er magid’a ki muzugagi yam Jesus Christ.

Kolos-sâ 1:2

Ami nga b’irimi mbaktum mba wanda mi agi suma hAlona suma avo Kolos suma d’engzeng suma zlapa tu ki Christ-sâ. Ar Alona Abui mi vagi sumad’a ki b’leng nga halasa.

Kolos-sâ 1:20

Ni kayam ndata ba, Alona mba ki b’leng nga halasa yam buzuna hi Gorom ma djang ngei ata agu ma b’alina. Kayam ndata, Alona mi zlap ahlena pet darigïd’a ki mamu, nala, ahle suma yam andagad’ina kahle suma sä akulona mi.

Kolos-sâ 3:15

Ar b’leng nga halasa hi Christ-sa ti kak kurugiya. Ni kayam ndata ba, mi yagi kur hliu ma tuna. Ar agi lagi mersi mAlona mi.

2 Tasaloni’â 1:2

Ar Alona Abui ki Salad’a Jesus Christ a vagi sumad’a ki b’leng nga halasa.

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

2 Timote 1:7

Kayam Alona mi hei nga ni Muzuk ma mandarâ d’i, wani mi hei ni Muzuk ma mi hei ad’enga ki od’a ki ned’ina.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Hebre-na 7:2

Abraham mi pad’am vun ahlena tutu pet, nala, dogo mam hum tu, dogo mam hum tu. Melkisedek, ad’u simiyêm nala Amul ma d’ingêrâ; kal pet mam namul ma Salem-ma, nala Amul ma b’leng nga halasa.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.