Jean 14:1 - Bible azumeina

¹ Jesus mi dazi ala: Ar hurugi hat ti. Ar agi hagi gagazid’a yam Alona, ar agi hagi gagazid’a kan an mi.

Jean 14:1 Iomraidhean Croise

Sawal la giled’a 43:5

An nga ni djop tan ala: Ni kayam me ba, an mbut hohoud’a hina ge? Ni kayam me ba, an djib’er hina ge? An tin hurun ni yam Alo mana, an mba ni gilem kua. Mam mi Alo man ma sud’una.

Sawal la giled’a 77:10

Na ni Alona mi marî á vei sumad’a zu? Kur ayî mama mi b’alî hurum kei zu? Tchol ndjö

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Jeremi 8:18

Jeremi mi dala: Hurun b’lak kurun kakazeî, wani kuma ma b’lengên huruna nga d’i.

Jean 11:33

Kid’a Jesus mi wat nga d’i tchiya, Juif suma a mba ki sed’etna a nga tchi mi d’a, mi hlihlik kurum krovo, hurum nga mi had’a,

Jean 12:27

Jesus mi dala: Ki tchetchemba, vunadigan ndi pat fek, an mba ni de nana ge? An mba ni dala: Abunu, ang sud’un ndei ata ler ra wanda zu? Hawa, ni kayam ndata ba, an mba á fe ndaka kur ler ra wanda.

Jean 12:44

Jesus mi de ki delem akulo ala: Sama he gagazid’a kana, mi he ni gagazid’a kan an ndi, wani mi he ni gagazid’a yam mam ma sununïna.

Jean 13:19

Ki tchetchemba, an nga ni dagi avok va máma bei mbad’a, kayam fata mi mbad’a, agi mba hagi gagazid’a ala an ni Ma nga na.

Jean 16:24

Avok dei gak ki tchetchemba, agi tchenem nga va ki simiyên ndi. Agi tchenegiya, agi mba fagiya, kayam furî magid’a ti ndak memet.

Jean 16:3

Azi mba lagi hina kayam azi we nga Abun ndi, a wan nga an nduo mi.

Jean 16:6

Yam zla d’a an dangzid’a, agi hurugi nga mi hat ngola.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 6:40

Wana ni minda hAbunda: Sama lara pî ma wan an Goroma mi he gagazid’a kana, mba mi fe ari d’a didinda, an mba ni tcholom akulo aduk suma matna kur bur ma dabid’a mi.

2 Korente-na 2:7

Wani ki tchetchemba, ar agi vad’agi hurugi woi kamu, ar agi b’lengêm hurum mi, kayam hur ma zala kal kam mbi.

Efes-sâ 1:15

Kid’a an hum zla he gagazi magi d’a yam Salad’a Jesus-d’a ki o magi d’a yam suma hAlonid’a peta,

2 Tasaloni’â 2:2

Ar djib’er magid’a ti mbut atogo zak d’oze vunadigagi d’i pat yam djok vuna hi sa d’oze yam wal la tchid’a d’oze yam mbaktum mba ala ti tcholï ni hatami ala: Burâ hi Salad’ina mi mba wa da d’a d’i.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.