Jean 13:34 - Bible azumeina

³⁴ An nga ni hagi vun ma he ma awilina ala: Ar agi lagi yam tagiya. D’igi an le kagi na, ar agi lagi yam tagi na mi.

Jean 13:34 Iomraidhean Croise

Sawal la giled’a 119:63

An zlap tu ki suma a nga lang mandarang suma a nga ngom gat mangina.

Sawal la giled’a 16:3

Suma d’ingêr suma yam andagad’ina, ki suma d’engzeng suma kal teglesâ ni suma tan lan djivid’a heî kazina.

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

Sunda hi suma hi Levi-nid’a 19:34

Agi vagi angei ma nga kaka adigagina atagi d’igi gor vuta na, agi lagi kam d’igi agi tagid’a na, kayam agi tagid’a kagagï angoyogeina yam ambas sa Ezipte-d’a mi. An ni Ma didina Alo magina.

Matiye 5:44

Wani an nga ni dagiya, agi lagi od’a yam magi suma djangûna, agi b’agi vuna yam suma a nga gagi vunina, agi lagi djivid’a mi suma a nga noyôgina, agi tchenegi Alona yam suma a nga lagi tchod’ina, yam suma a nga djobogi vunagina mi.

Jean 15:17

Wana ni vama an hagi vuna kama: Agi lagi yam tagiya.

Jean 17:21

kayam azi pet a kak tu, d’igi ang Abun nga kuruna, an nga kurung na mi, kayam azi kak zlapa tu ki ei mi. Hina wani, suma duniyad’a a mba he gagazid’a ala ni ang ba sununïya.

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

Romê-na 13:10

Sama nga mi le od’ina nga mi le ndrama tcho d’i. Kayam ndata, od’a nga d’i ndak vun gata memet.

Romê-na 13:8

Agi aragi balâ hi sa kagi d’i, wani ni balâ hi od’ina hol, nala, ar agi lagi yam tagiya. Kayam sama nga mi le yam ndramina, mi nda’î vun gata memet.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Galat-na 6:10

Kayam ndata, le ei fei yina ni, ar ei lei djivid’a mi suma pet, kal pet ni mi b’oziyoi suma a he gagazid’ina.

Galat-na 6:2

Ar agi ndjunugi tagiya, agi hlagi aneka woi yam tagiya. Hina wani, agi oyôgi ni vun gata hi Christ-sa.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Kolos-sâ 1:4

kayam ami humumi zla he gagazi magi d’a yam Jesus Christ-sa ki o d’a agi nga lat yam suma hAlonina peta mi.

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

Hebre-na 13:1

Ar agi lagi yam tagi teteu d’igi b’oziyo tagi na.

Jacques 2:8

Gagazi, le agi nga tid’igi yam vun ma hed’a hamulîna memet d’igi vun ma he máma mi de na ala: Ang le yam ndrangâ d’igi ang tanga na ni, agi lagi djiviya.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

1 Jean 3:11

Wana ni zla d’a agi humugizi avok dei ala: Ei lei yam teya d’a.

1 Jean 3:23

Wana ni vun ma he mama: Ei hei gagazid’a ki simiyê Goroma Jesus Christ, ar ei lei yam tei d’igi Christ mi hei vuna na mi.

1 Jean 4:21

Wana ni vun ma he ma Christ heizina: Nala, sama nga mi le yam Alonina, djivid’a mi le yam wiyema mi.

2 Jean 1:5

Atcha d’a manda, ki tchetchemba, an nga ni tchenek ala ar ei lei yam teya. Zla d’a an b’iriksid’a ni vun ma he ma awilina d’i, wani ni ma ei nga ki sed’em avok deina.