Jean 13:1 - Bible azumeina

¹ Avok vun til ma Pa’â, ata yima Jesus mi we ler mam mba mba go á ar duniyad’a á hulong gen Abuma, mi le yam mam suma kur duniyad’ina le d’a kal papad’a.

Jean 13:1 Iomraidhean Croise

Zla d’a d’ogolâ 8:31

An nga ni lü yam andaga mamba, tan nga d’i lan djivid’a aduk suma yam andagad’ina mi.

Jeremi 31:3

Ma didina mi tagan tam adjeu dei mi dan ala: An le ka’î ki o d’a bei dabid’a. Kayam ndata, an nga ni tagak we hohou manda.

Matiye 26:45

Mi hulong mi mba gen mam suma hata, mi dazi ala: Ki tchetchemba, agi nga burugi sena, agi tugugi tagi tua! Gola! Yina mba wa, a nga han an Gor Sana abo suma tchona.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Wana ni Zla d’a Djivi d’a Luc mi b’irita 22:53

Burâ ki burâ an nga ki sed’egi kur gong nga kud’ora hAlonid’a, agi halan nga á ved’a d’i. Wani ki tchetchemba ni yi magina, nad’enga hi nduvundid’a mi.

Wana ni Zla d’a Djivi d’a Luc mi b’irita 9:51

Ata yima burâ mba go á hle Jesus sä akulona, mi ve tam á i Jerusalem.

Jean 11:55

Vun til ma Pa’â hi Juif-fâ ar go. Suma ablaud’a kur ambasa teteng a i Jerusalem á mbut tazi yed’et avok vun til ma Pa’â.

Jean 12:23

Jesus mi hulong dazi ala: Yina ndak wa kayam Alona mi suburun an Gor Sana.

Jean 13:29

Kayam Judas ni sama bid’im mba gurzud’a nga aboma, suma hiuna a djib’er ala Jesus mi dum ala: Ang i guzî ahle suma ei minizi á vun tilîna, d’oze, Ang i he ni va mi suma hohoud’a kla ge.

Jean 13:3

Jesus mi wala Abum mi hum wa ahlena pet abomu, mam tcholï ni gevemu, nga mi hulong gevem mi d’a,

Jean 13:34

An nga ni hagi vun ma he ma awilina ala: Ar agi lagi yam tagiya. D’igi an le kagi na, ar agi lagi yam tagi na mi.

Jean 14:28

Agi humugi wa an dagi ala: An nga ni iya, an mba ni hulongî gevegiya. Ladjï agi lagi kanu ni, agi mba lagi ni furîd’a kayambala an nga ni i gen Abunu d’a, kayam Abun mi kalan ki ngola.

Jean 14:31

wani mbeî suma kur duniyad’ina a wala an nga ni le yam Abunu, an nga ni le d’igi Abun mi han vuna na mi. Agi fagagi akulo, ei i sä hî.

Jean 16:28

An tcholï ni gen Abunu, ni mba kur duniyad’a ka hî. Ki tchetchemba, an nga ni ar duniyad’a, an nga ni i gevemu.

Jean 17:1

Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Jean 17:16

Azi ni suma hi duniyad’ina d’i, d’igi an ni hi duniyad’ina d’uo na mi.

Jean 17:26

An tagizi simiyêngû, an mba tagazizi kua, kayam o d’a ang lat kanda, ti kak kuruziya, an kak kuruzi mi.

Jean 17:5

Abunu, ki tchetchemba, ang suburun avorong ki subur ra an nga ki sed’et avorong avok dei bei led’a hi duniyad’id’a.

Jean 18:4

Jesus mi wahlena pet suma a nga mba kama. Kayam ndata, mi nde tam mbei iraziya, mi dazi ala: Agi halagi ni nge ge?

Jean 19:28

Bugol ahle ndazina, Jesus mi wala ki tchetchemba ahlena pet a ndak wa memet. Kayam mi min ndak zla d’a a b’irit kur mbaktumba hAlonid’a, mi dala: Vunan so.

Jean 2:13

Vun til ma Pa’â hi Juif-fîna mi mba go. Kayam ndata, Jesus mi djak i Jerusalem.

Jean 6:4

Ata yi máma, vun til ma Pa’â hi Juif-fîna mi ar go.

Jean 7:30

Kayam ndata, azi halam á ved’a, wani sa mi tin abom atam mbi, kayam yi máma ndak nga biya d’i.

Jean 7:6

Kayam ndata, Jesus mi dazi ala: Yi mana mba nga biya d’i, wani yi magina nga teteu.

Jean 8:20

Jesus mi de zla ndata nata yima a tchuk bege d’a he d’a hawad’a kuana kid’a nga mi hat suma kur gong nga kud’ora hAlonid’a, wani sa tin nga abom atam mbi, kayam yi máma mi ndak nga biya d’i.

Romê-na 8:37

Wani ei kuzi yam ahle ndazina pet ni kayam mam ma mi le od’a keina.

1 Korente-na 1:8

Ni mam ma mba mi hagi ad’enga gak bur ma dabid’a, tala agi kagagi suma bei zlad’a kagi ba kur bur ma mbad’a hi Saleina Jesus Christ-sâ na.

Hebre-na 3:14

Kayam ndata, le ei vei tei ad’enga yam hur mei ma tin ma avo’â ngingring gak bur ma dabid’a ni, ei ni Jesus ndroma.

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Jean 4:19

Ei nga lei od’a, ni kayamba Alona mi le kei adjeud’a.