Jean 12:42 - Bible azumeina

⁴² Hina pî, suma ablaud’a aduk suma nglona a he gagazid’a kamu, wani a de nga woi pid’ak kuo kayam azi le ni mandara Fariziyêna tala azi digizi woi abu kur gong mazi d’a toka d’uo d’a.

Jean 12:42 Iomraidhean Croise

Zla d’a d’ogolâ 29:25

Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Jeremi 38:19

Amulâ Sedekiyas mi hulong de mi Jeremi ala: An nga ki djib’era yam Juif suma a i aduk suma Babilon-nina, an nga ki mandarâ tala azi mba han abozi á lazan zi ge d’a.

Matiye 10:32

Jesus mi had’azi kua ala: Kayam ndata, sama lara ma mi dan zlan ndei avok sumina, an mba ni dum zlam mbei avok Abun ma sä akulona mi.

Wana ni Zla d’a Djivi d’a Luc mi b’irita 12:8

Jesus mi had’azi kua ala: An nga ni dagiya, nge nge pî ma mi dan zlan ndei avok sumina, an Gor Sana mba ni dum zlam mbei avok malaikana hAlonina mi.

Wana ni Zla d’a Djivi d’a Luc mi b’irita 23:13

Pilat mi yi nglo suma ngat buzuna azi ki suma te yamba ki suma gevemu,

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Jean 11:45

Ablau Juif suma a mba gen Marie-na, a wahle suma mi lazina, a he gagazid’a kamu.

Jean 12:11

kayam ablau Juif a wal lei ki sed’ezi ni kayam mamu, a he gagazid’a yam Jesus.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Jean 19:38

Bugol ahle ndazina, Josef ma Arimate-na, ni ma hata hi Jesus-na, wani ni kur ngeid’a kayam mandarâ hi Juif-fîna, mi djop Pilat kayam mi i mi pat mad’a Jesus. Pilat mi humumu. Josef mi mba, mi pad’am mad’amu.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Jean 7:13

Wani sama de zla ndata woi pid’ak ir sumina nga d’i, kayam a nga le mandara Juif-fâ.

Jean 7:31

Wani suma ngola aduk ablau suma a he gagazid’a kamu, a dala: Fata Mesi mi mbad’a, mba mi lahle suma ndandalâ kal sama wana zu?

Jean 9:22

Simiyêm a de hina ni kayamba azi nga le mandara Juif-fâ, kayam Juif-fâ a ndjak vunazi avok ala le sama de woi ala Jesus ni Mesi-yu na ni, a mba digim mbei kur gong mazi d’a toka.

Jean 9:34

Azi hulong dum ala: Ang ma vud’ung kur tchod’ina, ang ndak á had’ami zu? A digim mbei abu kur gong mazi d’a toka.

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Romê-na 10:10

Le sana mi he gagazid’a kurumu ni, Alona mi mbud’um ma d’ingêrâ avoromu; le mi de woi ki vunam mi ni, Alona mi sud’um mi.

1 Jean 4:15

Sama lara pî ma mi de woi ala: Jesus nAlona Goroma na, Alona mi nga kaka kurumu, mam mi nga kaka zlapa tu kAlona mi.

1 Jean 4:2

Lovot ta agi wagi ki Muzu’â hAlonina ba wana: Muzuk ma lara pî ma nga mi de woi ala: Jesus Christ mi mbut sana na, ni muzuk ma tcholï gen Alonina.