Jean 12:27 - Bible azumeina

²⁷ Jesus mi dala: Ki tchetchemba, vunadigan ndi pat fek, an mba ni de nana ge? An mba ni dala: Abunu, ang sud’un ndei ata ler ra wanda zu? Hawa, ni kayam ndata ba, an mba á fe ndaka kur ler ra wanda.

Jean 12:27 Iomraidhean Croise

Sawal la giled’a 6:3

Ma didina, ang wan hohowonu, kayam an ni ma bei ad’enga; Ma didina, ang sud’unu, kayam an nga ni zlaga.

Sawal la giled’a 88:3

Ang hum tchen manda, ang tin humang hum tchi mana.

Isai 38:15

An de nana dei ge? Ni mam ba, mi lahle ndazina. An mba ni tit ni yan ged’a kä hina gak ni dap biza manda abo hurun ma mi b’la’â.

Isai 53:3

Ni ma a golom is a noyôm mbeina mi. Ni sama kur pupulukina, ni ma hat kur ndakina mi. Mi hle tamî d’igi sama suma a hle yazi woi kam á golom mbuo na na. A golom is, ei golomî va d’uo mi.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Matiye 11:26

Gagazi, Abunu, ang le hina ni min manga á lang tang djivid’a.

Matiye 26:42

Mi i yam á mbàd’a, mi tchen ala: Abunu, le kop ma wana ndak á kal lei kan bei an tchumu ni, ang le nata min manga.

Matiye 26:45

Mi hulong mi mba gen mam suma hata, mi dazi ala: Ki tchetchemba, agi nga burugi sena, agi tugugi tagi tua! Gola! Yina mba wa, a nga han an Gor Sana abo suma tchona.

Wana ni Zla d’a Djivi d’a Luc mi b’irita 22:44

Kayam mi nga kur a’alîd’a, mi tchen Alona ki so tad’a, zumal la kamba nga d’i tol kä d’igi buzuna na mi.]

Wana ni Zla d’a Djivi d’a Luc mi b’irita 22:53

Burâ ki burâ an nga ki sed’egi kur gong nga kud’ora hAlonid’a, agi halan nga á ved’a d’i. Wani ki tchetchemba ni yi magina, nad’enga hi nduvundid’a mi.

Jean 11:41

Kayam ndata, azi ligat ahina ndata woyo. Jesus mi hle iram akulo, mi dala: Abunu, an lang mersi kayamba ang humunda.

Jean 12:23

Jesus mi hulong dazi ala: Yina ndak wa kayam Alona mi suburun an Gor Sana.

Jean 13:21

Kid’a Jesus mi de zla ndata dad’a, hurum hat ngola, mi lazi glangâsâ woi ala: Gagazi, an nga ni dagiya, ma dingâ tu adigagi mba mi han abo suma.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

1 Timote 1:15

Zla ndata ni zla d’a d’engzeng nga ndak á suma vat ata yina peta, nala, Jesus Christ mi mba kur duniyad’a á sut suma tchona. Adigazi an ni ma ngol mazina,

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.