Jean 12:1 - Bible azumeina

¹ Bur ma vun til ma Pa’â ar karagaya, Jesus mi mba Betani ata yima Lazar ma mam tcholom akulo aduk suma matnina mi nga kuana.

Jean 12:1 Iomraidhean Croise

Matiye 21:17

Mi araziya, mi nde woi kur azì ma ngolâ, mi i Betani, mi bur sä kua.

Marik 11:11

Jesus mi kal avo Jerusalem, mi i kur gong nga kud’ora hAlonid’a. Kid’a mi pret tam mi gol ahlena peta, mi nde mi i Betani ki suma hat suma dogo yam mbàna, kayam yina mbut fladege da’.

Wana ni Zla d’a Djivi d’a Luc mi b’irita 24:50

Bugola, Jesus mi i ki sum mama woi bugol azina gak go ki Betani, mi yo abom akulo, mi b’e vunam kaziya.

Wana ni Zla d’a Djivi d’a Luc mi b’irita 7:37

Atcha d’a tchod’a nga kur ambas ndata. Kid’a ti we Jesus nga mi te tena avo hi Fariziyê mámid’a, ti mba kagel la albatred’a oîd’a ki mbul ma his ma afufuîna.

Jean 11:1

Sana tu, simiyêm ala Lazar mi nga tugud’eid’a. Mi ni kur azì ma Betani-na zlapa ki b’oziyom suma aropma Marie azi ki Marta.

Jean 11:43

Kid’a mi de zla ndata dad’a, mi de ki delem akulo ala: Lazar, ang nde woyo.

Jean 11:44

Sama mitna mi nde woyo, abom kasem d’uta ki baktana ki barud’a djinda kam mi. Jesus mi dazi ala: Agi bud’um mbeyo, agi aram mi iya.

Jean 11:55

Vun til ma Pa’â hi Juif-fâ ar go. Suma ablaud’a kur ambasa teteng a i Jerusalem á mbut tazi yed’et avok vun til ma Pa’â.

Jean 12:12

Tcha ndjivinda ablau suma ngola a mba vun tilâ a hum ala Jesus nga mi mba Jerusalem.

Jean 12:20

Grek suma dingâ a nga aduk suma a i á kud’or Alona ata yima vun tilâ na.

Jean 12:9

Kid’a ablau suma ngola aduk Juif-fâ a hum ala Jesus mi nga avo Betani-d’a, a mba, wani a mba ná we Jesus hol li, wani ná gol Lazar ma mam tcholom akulo aduk suma matnina mi.