Jean 11:4 - Bible azumeina

⁴ Kid’a Jesus mi hum zla ndatid’a, mi dazi ala: Tugud’ei mamba ndak á tchum mbi, wani ná tak subura hAlonid’a tala á suburun an Alona Goroma d’a.

Jean 11:4 Iomraidhean Croise

Buzuk ka Abud’a 16:7

Avin yorogo agi mba wagi subura hi Ma didinid’a, kayam mi hum gureî d’a agi nga guruyôgi kamba, kayam ami ni nge ko ba, agi guruyôgi kami ge?

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

Jean 11:40

Jesus mi dat ala: An dak ala: Le ndak he gagazid’a ni, ndak mba d’i we subura hAlonid’a d’uo zu?

Jean 12:28

Abunu, ang subur simiyêngû. Kayam ndata, dela ti tcholï akulo ti dala: An suburum wa da’, an mba hulong suburum kua d’ei.

Jean 17:1

Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Jean 17:10

Sum mana pet ni mangâ, sum mangâ pet ni mana, a suburun wa kazi mi.

Jean 17:5

Abunu, ki tchetchemba, ang suburun avorong ki subur ra an nga ki sed’et avorong avok dei bei led’a hi duniyad’id’a.

Jean 2:11

Wana ni vama simat ma avok kikidji ma Jesus mi lum kur Kana d’a Galile-d’ina. Mi tak subur mamba woyo, mam suma hata a he gagazid’a kam mi.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 8:54

Jesus mi hulong dazi ala: Le an subur tanu ni, subur manda ni hawa yak. Ma suburuna nAbunu, ni mam ma agi nga dagi ala mam nAlo magina na.

Jean 9:24

Kayam ndata, Fariziyêna a hulong yi ma duka adjeuna yazi á mbàd’a, a dum ala: Ang de ni zla d’a gagazid’a avok Alona. Ami wami sa máma ni sama tchona.

Jean 9:3

Jesus mi hulong dazi ala: Ni yam tcho mamba d’oze ni yamba hi simiyêmba d’uo mi, wani ni kayam á nde ki sunda hAlonid’a woi abu kamu.

Romê-na 11:11

An nga ni djop ala: Ata yima Juif-fâ a dap asezina, a pu’î kä ki irazi fafad’u zu? Nga na d’i! Wani ni yam tchila mazid’a ba, suma dingâ a fe ki suta, kayam Juif-fâ a le yungôra kaziya.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Filip-ma 1:20

Kayam an nga ni djuba, an tin hurun ala an mba ni mbut zulona yam va tu d’i. Wani bei mandarâ ba, ki tchetchemba, d’igi an nga ni le teteu na, le an nga ki iran ndoze le an mit pî, ar suma a subur Christ kanu.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.