Jean 11:19 - Bible azumeina

¹⁹ Juif-fâ ablaud’a a mba gen Marta azi ki Marie á yorozi yam zla matna hi wiyezinina.

Jean 11:19 Iomraidhean Croise

Ad’u Tinda 37:35

Ata yima grom suma andjofâ ki suma aropma pet a mba á hal á b’lengêm huruma, mam min nga d’i, mi dala: An mba ni i gen gorona azulei kä ni ki yor tad’a; nga mi tchi hora goroma.

2 Samuel 10:2

David mi dala: An mba ni le djivid’a ki Hanun Nahas goroma d’igi abum mi lan djivid’a na mi. David mi sun azungeî mama á b’lengêm hurum yam matna habuma. Kid’a azungeîna hi David-na a mbaza yam ambas sa Amon-ndid’a,

1 Sunda Hamuleinid’a 10:12

andjof suma gangrangâ pet a tchol a i yoï mad’a Saul azi ki groma, a mbazi Jabes. A tozizi asogozi ad’u agu ma ngol ma Jabes-sâ, a d’el tazi bei te tena gak burâ kid’iziya.

Wana ni mbaktumba hi Job-pa 2:11

Job buniyôm suma hindina a hum zla ndak ka mba kamba. Nge nge pî mi tcholï yam ambas mamba, nala, Elifas ma Teman-na, Bildat ma Suwa-na ki Sofar ma Näma-na, a mba, a ndjak vunazi tu, a i á yorom á b’lengêm hurum mi.

Wana ni mbaktumba hi Job-pa 42:11

B’oziyom suma andjofâ, b’oziyom suma aropma ki suma mam wazi adjeuna pet, a mbeï gevemu, a nga te ki sed’em avo hur aziyamu, a nga yoromu, a nga b’lengêm hurum yam ndak ka pet ta Alona mi mbamzi kamba. Nge nge pî mi hum kawei ma hapma tutu ki ngangam ma lora tutu he d’a hawad’a.

Ma tchi wala 7:2

Hotei ang i kur azì ma a nga tchi matna kuana, kal la ang i kur azì ma a le te ma luna kuana. Matna ni dabid’a hi suma pet. Ar nge nge pî, mi djib’er yam ndata.

Isai 51:19

Ahle suma a nga mba kak kakap ndazina, nala, hurumba ki b’laka, baktarad’a kayî ma durâ, ni nge mba mi yorok kazi ge? Ni nge ba, mba mi b’lengêk huruk ke?

Hor ma tchina 1:16

Ni kayam ndata ba, an nga ni tchiya, simina nga mi djang iran kä kayam mi wal ma b’leng hur ma mi ndjunun ari mandina woi dei ki sed’enu. Grona a mbut hohoud’a, kayam ma djangûna mi fad’eng nga kala.

Hor ma tchina 1:2

Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Hor ma tchina 1:21

A hum zam ta manda, wani sama b’lengên huruna nga d’i. Man suma djangûna pet a hum zla hohou manda, a le furîd’a yam vama ang luma. Ar ang hulongî ki bur ma ang dum zlam adjeuna, ar azi mbut d’igi an na mi.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

Wana ni Zla d’a Djivi d’a Luc mi b’irita 10:39

Wiyeta nga, simiyêt ala Marie. Marie ti kak kä asem Salad’a á hum zla mamba.

Wana ni Zla d’a Djivi d’a Luc mi b’irita 10:42

Wani vama kal ahlena petna mi nga. Ni vama djivi ma Marie ti manama, ni vama sana ndak á hlum mbei abot tuo na.

Jean 1:19

Wana ni glangâsâ hi Jean-na: Kid’a Juif suma Jerusalem-ma a sunï suma ngat buzuna kandjaf suma hi Levi-na gevem á djobom ala: Angî nge ge d’a,

Jean 11:1

Sana tu, simiyêm ala Lazar mi nga tugud’eid’a. Mi ni kur azì ma Betani-na zlapa ki b’oziyom suma aropma Marie azi ki Marta.

Jean 11:31

Juif suma a nga kak kä gevet avo hatat á yorotna, a wat kid’a ti tchol atogo zak ti ndabud’a, a i ad’ud’u, a djib’er ala: Ti i ni sä hî yam asud’a á tchina.

Jean 11:33

Kid’a Jesus mi wat nga d’i tchiya, Juif suma a mba ki sed’etna a nga tchi mi d’a, mi hlihlik kurum krovo, hurum nga mi had’a,

Jean 11:36

Kayam ndata, Juif-fâ a dala: Gol o d’a nga mi lat kamba.

Jean 11:45

Ablau Juif suma a mba gen Marie-na, a wahle suma mi lazina, a he gagazid’a kamu.

Jean 11:8

Suma hata a dum ala: Ma hat suma, Juif-fâ a halang á durâ kahinad’a ka tchetchem wana. Ang dok hulong kua d’ei?

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

2 Korente-na 1:4

Nga mi b’lengêmi hurumi kur ndak mamid’a pet, kayam ami fami ad’enga á b’lengêmi hur suma a nga kur ndak ka lara ge pet ki b’leng hur ma Alona tamba nga mi b’lengêmi ki hurumina.

1 Tasaloni’â 4:18

Kayam ndata, ar agi b’lengêgi hur tagi ki zla ndata.

1 Tasaloni’â 5:11

Kayam ndata, ar agi gigid’egi tagiya, agi minigi tagi akulo d’igi agi nga lagi na.

1 Samuel 31:13

A yozï asogozi a tozom ad’u atchin nda avo Jabes-sa, a d’el tazi bei te tena burâ kid’iziya.