Jean 11:11 - Bible azumeina

¹¹ Bugol zla ndata mi dazi ala: Baneina Lazar, mi bur wa sena, wani an i ni zlid’im akulo.

Jean 11:11 Iomraidhean Croise

2 Amuleina 4:31

Wani Gehazi mi mbaza avoroziya, mi d’igal totogod’a hi Elise-d’a avok gorâ, wani va le tu d’i, gorâ mi mbuzuk nga tam mbuo ko. Wani mam hulong mi ngaf Elise, mi dum ala: Gorâ mi zlit nga d’i!

2 Sunda Hamuleinid’a 20:7

Ni ang Alo mamina ba, dik suma a nga kaka yam ambas sa wandina woi avok mang suma Israel-lâ, ang hat mandjafâ hi Abraham ma mi le kang heîna gak didin nduo zu?

Buzuk ka Abud’a 33:11

Ma didina mi de zlad’a ki Moise avun tazi d’igi sana mi de zlad’a ki banama na. Bugola, Moise mi hulong kur kangâ, wani azong mama Josue Nun goroma mi ar kaka krovo kur zlub’ud’a.

Isai 41:8

Ma didina mi de kua ala: Agi Israel-lâ azungeî mana, agi suma hi Jakob ma an manama, agi andjafâ hi banana Abraham-ma,

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Matiye 27:52

Vun asud’a ti mal leyo, ablau suma hAlona suma a bo adjeuna a tchol akulo.

Matiye 9:24

Mi dazi ala: Agi hud’ugi tagi woyo, kayam gora ti mit nga d’i, wani ti burî sena. Azi nde lazamu.

Marik 5:39

Ata yima mi kal avona, mi dazi ala: Ni kayam me ba, agi siwelegi ki tchina hina gandjau ge? Gora ti mit nga d’i, wani ti burî sena.

Jean 11:10

Wani le sana nga mi tit andjege ni, va mba mi dabam asemu, kayam b’od’a nga avorom mbi.

Jean 11:12

Kayam ndata, mam suma hata a dum ala: Salamina, le mi burî sena ni, mba mi tchol akulo.

Jean 11:13

Jesus mi de ni zla mad’amu, wani a djib’er ala mi de ni yam sen ma hawana.

Jean 11:3

Kayam ndata, b’oziyoma a sun yam Jesus, a dum ala: Salamina, gola! Ma ang le kam heîna, mi nga tugud’eid’a.

Jean 3:29

Sama vatchad’ina, mam mi sala tela, wani sala tela banam ma nga tchola ma nga mi humum delema, mi nga ki furîd’a ngola á humum delemu. Kayam ndata, furî manda ndak wa memet.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

1 Korente-na 15:18

Le ni na, suma a he gagazid’a yam Christ suma a bona, a ba ni woyo.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

1 Korente-na 15:51

Gola! An nga ni dagi zla d’a mudurid’a: Ei mba boi pet ti, wani fata adif fa dananda ti tchid’a, ei mba mbud’i pet atogo zak d’igi ir ra tchemba na. Kayam ata yima ti tchina, suma matna a mba tchol akulo ki ta d’a bei matna, ei mba mbud’i pet mi.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Gat ta a hat á mbàd’id’a 31:16

Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi.

1 Tasaloni’â 5:10

ma mit keina. Kayam ndata, le ei nga ki irei d’oze le ei boi pî, ei mba kagei karid’a zlapa ki mamu.

Jacques 2:23

Hina na ndak vun mbaktumba hAlona d’a ti dala: Abraham mi he gagazid’a yam Alona; ni kayam ndata ba, Alona mi ndumum sama d’ingêrâ avoromu, mi yum ala Banama.