Jean 10:29 - Bible azumeina

²⁹ Abun ma handjina ni Ma kal ahlena petna. Sama ndak á prud’uzi woi abo Abuna nga d’i.

Jean 10:29 Iomraidhean Croise

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Daniel 4:3

Ahle mam suma yoyouna a kal ngola heî! Sun mam mba atchapa ni sun nda sib’ika! Mam mba mi tamula gak didin, leu mam mba ted’a mba d’i dap puo mi!

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Jean 10:28

An hazi ari d’a didinda, azi mba bo d’i, sama mba mi prud’uzi woi abona nga d’i.

Jean 10:30

Ami kAbun ni tu.

Jean 14:28

Agi humugi wa an dagi ala: An nga ni iya, an mba ni hulongî gevegiya. Ladjï agi lagi kanu ni, agi mba lagi ni furîd’a kayambala an nga ni i gen Abunu d’a, kayam Abun mi kalan ki ngola.

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Jean 17:2

Ang han wa ad’enga yam suma pet, kayam an he ari d’a didinda mi suma pet suma ang handjina.

Jean 17:6

An tagang simiyêng ngei mi suma ang handji kur duniyad’a ka hina. Azi ni mangâ; ni ang ba, handjiya, azi nga ngom zla manga mi.

Jean 17:9

An nga ni tcheneng kaziya, an nga ni tchenengî yam suma duniyad’a d’i, wani ni yam suma ang handjina, kayam azi ni mangâ.

Jean 6:37

Suma Abun mi handjina pet a mba mba gevenu. Sama mba gevena, an mba ni gum mbei abu d’i,