Jean 10:11 - Bible azumeina

¹¹ An ni Ma pol tumiyô ma djivina. Ma pol tumiyô ma djivina nga mi he tam mbei yam tumiyôna.

Jean 10:11 Iomraidhean Croise

2 Samuel 24:17

Ata yima David mi we malaika ma nga mi tchi sumina, mi de mi Ma didina ala: Gola! Ni an ba ni le tchod’a! Ni an ba ni so vuna! Wani sum ndazina a le ni me ge? Ar ang ngobon ni an ki sum mana.

Sawal la giled’a 23:1

Ni sawal la David mi hlata. Ma didina ni ma polona; va mba kid’agan ndi.

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Isai 40:11

Mam mi d’igi ma pola na. Mi mba mi pol tumiyô mama, mba mi kod’ozi kabomu, mba mi yo suma gureina akulo didigamu, mba mi tit ki suma a nga he grozina aponina lalam mi.

Isai 53:6

Adjeu ei pet ni d’igi tumiyô suma a vit teina na, nge nge pî mi tit ni kur lovot mamba. Ma didina mi tinim tchila meid’a kam pet.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Ezekiyel 34:23

An mba ni tin ma pola kazi ni tu, nazong mana David. Mam mba mi poloziya, mam mba mi arî ma pol ma gagazina.

Ezekiyel 37:24

Azong mana David mba mi kak amul mazina, azi pet a mba kak ki ma pola tu mi. Azi mba tit ad’u gat manda, azi mba ge yazi kä ad’u vun man ma hed’a, azi mba le sunda kazi mi.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Jean 10:2

Wani sama nga mi kal avun kangânina, ni ma pol tumiyôna.

Jean 15:13

Le sana mi he tam mbei yam buniyôma ni, o d’a ngol la kal ndata nga d’i.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

1 Pierre 5:4

Fata Ma ngol ma kal tegles ma pol tumiyôna mi nde woid’a, agi mba fagi avaval la subura bei wile mata dap pei ba d’a.

1 Jean 3:16

Christ mi he tam mbei keya. Kayam ndata, ei wei wa od’a, mbeî ei teid’a hei tei woi yam b’oziyoina na mi.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.