Jean 1:49 - Bible azumeina

⁴⁹ Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 1:49 Iomraidhean Croise

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Sofoni 3:15

Ma didina mi ar wa ngop pa mam ngobogi ki d’a woyo, mi hulong wa magi suma djangûna kazigaziya. Ma didina amulâ hi Israel-lîna mi nga adigagiya, agi dok lagi mandara vama tcho d’uo d’a.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 14:33

Suma kur alumbina a kud’or Jesus, a dala: Gagazi, angî Alona Goroma.

Matiye 2:2

A djop ala: Amulâ hi Juif-fâ ma a vud’uma, mi nga ni lara ge? Ami wamï tchitchiu mamba abo ma yorogona, ami mba á kud’uromu.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Matiye 23:7

A min ala suma a gazi depa ad’u su’â, a yazi ala Suma hat suma mi.

Matiye 23:8

Wani agiya, ar a yagi ala Suma hat suma d’i, kayam Ma hata ni tu, agi pet ni b’oziyo tagiya.

Matiye 27:11

Jesus mi nga tchola avok ma te yamba. Ma te yamba mi djobom ala: Angî amulâ hi Juif-fîna zu? Jesus mi hulong dum ala: Ang de wa da’.

Matiye 27:42

Mi sut suma dingâ, wani mi ndak nga á sut tam mbi. Le mam namulâ hi Israel-lîna ni, mi tchugï asem kä tchetchem ata agu ma b’ala, ei mba hei gagazid’a kamu.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Marik 15:32

A dala: Ar Mesi, amulâ hi Israel-lîna, mi tchugï asem ka tchetchem ata agu ma b’ala, kayam ei weya, ei hei gagazid’a kamu. Suma b’alazi ki sed’ema a ngulum mi.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 19:38

A dala: Ar Alona mi b’e vunam yam amul ma ngol ma mi mba ki simiyê Ma didinina. Agi suma sä akulona, agi kagagi ki b’leng nga halasa, agi suburugi Alona mi.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 1:34

Jean mi dala: An we, an nga ni le glangâsâ kam ala: Mam mi Alona Goroma.

Jean 1:38

Jesus mi mbut iramu, mi golozi a nga tid’ï ad’umu, mi djobozi ala: Agi halagi ni me ge? Azi hulong dum ala: Rabi (nala, Ma hat suma), ang kak nga ni lara ge?

Jean 1:50

Jesus mi hulong dum ala: Ni kayamba an dang ala an wang ad’u tuluma d’a ba, ang he gagazid’a? Ang mba we vama ngol ma kal mámina tua.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 4:31

Kid’a atcha ndata ti id’a, suma hata a tchenem ala: Ma hat suma, ang mbeï te nde tua.