Jean 1:45 - Bible azumeina

⁴⁵ Filip mi fe Natanayel, mi dum ala: Ami fami wa ma Moise mi b’irim zlam kur gatina, ni ma suma djok vun Alona a b’ir kama. Mam mi Jesus ma Nazarat-na, Josef goroma.

Jean 1:45 Iomraidhean Croise

Ad’u Tinda 22:18

Ni kayam andjavang ba, an mba ni b’e vunan yam suma yam andagad’ina pet, kayam ang humun vunanu.

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Ad’u Tinda 49:10

Juda, totogo d’a amula mba d’i prut abong ngi; totogo d’a te leud’a mba d’i wal ki sed’eng nguo mi, gak mbad’a hi Sala totogo ndata. Ni ma suma a mba ge yazi kä avoroma.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Mise 5:2

Ma didina mba mi ar sum mama woi gak bur ma atcha d’a ti vut gorîd’a ti vud’um tua, suma a mba ar kur magombina a mba hulongî a zlap ki b’oziyozi Israel-lâ.

Zakari 6:12

Ang dum ala: Ma didin ma ad’engêm kal petna mi dala: Sana simiyêm ala Agu ma hud’ura mba mi hud’urï ata yamu, mba mi min gong nga kud’ora hi an Ma didinid’a akulo.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Matiye 10:3

Filip ki Bartelemi, Toma ki Matiye ma ve lombod’a, Jacques Alfe goroma ki Tade,

Matiye 13:55

Ni ma tchet aguna goroma d’uo zu? A yi asum ala Marie d’uo zu? Jacques azi ki Josef ki Simon ki Jude a ni b’oziyoma d’uo zu?

Matiye 2:23

Mi i kak kur azì ma a yum ala Nazarat-na, kayam zla d’a suma djok vun Alona a dat ala: A mba yum ala Ma Nazarat-na d’a, ti ndak memet.

Matiye 21:11

Ablau suma a hulong dazi ala: Ni Jesus ma Nazarat ma djok vun Alona ma tcholï yam andaga d’a Galile-d’ina.

Marik 14:67

Ti we Pierre nga mi hol akud’a, ti golom baba, ti dum ala: An wangû. Ang nga tit ki Jesus ma Nazarat máma mi.

Marik 6:3

Ni sama tchet aguna, Marie gorotna; Jacques, Jose, Jude ki Simon ni b’oziyoma d’i? B’oziyom suma aropma a nga adigei ka hî mi d’uo zu? Kayam ndata, a golom is.

Wana ni Zla d’a Djivi d’a Luc mi b’irita 18:37

A dum ala: Ni Jesus ma Nazarat-na kalî mamu.

Wana ni Zla d’a Djivi d’a Luc mi b’irita 2:4

Josef mi tcholï kur azì ma ngol ma Nazarat ma Galile-na, mi i yam andaga d’a Jude-d’a kur azì ma ngol ma a yum ala Betelehem ma ni yima a vut amul ma ngolâ David kuana, kayam Josef tamba nandjafâ hi David-na.

Wana ni Zla d’a Djivi d’a Luc mi b’irita 2:48

Kid’a simiyêm a wumba, a le atchap. Asum mbi dum ala: Gorona, ni kayam me ba, ang lami hina ge? Ami kabung ami nga halang ki vunadik ka tumba.

Wana ni Zla d’a Djivi d’a Luc mi b’irita 24:27

Jesus mi tin ad’ud’a kur mbaktumba hi Moise-sa ki d’a hi suma djok vun Alonid’a pet, nga mi vazi ad’ud’a kur mbaktumba hAlonid’a pet yam ahle suma a dazi kama.

Wana ni Zla d’a Djivi d’a Luc mi b’irita 24:44

Mi dazi kua ala: Wana ni zla d’a an dagizi kid’a an nga ki sed’egi tua d’a. An dagi ala: Mbeî ahlena pet suma a b’irizi kan kur gata hi Moise-sa, kur mbaktumba hi suma djok vun Alonid’a, kur Sawal la Giled’a mi na, a mba ndaga.

Wana ni Zla d’a Djivi d’a Luc mi b’irita 3:23

Ata yima Jesus mi tin ad’u le sun mambina, bizamî go ki dok hindi. Suma a nga djib’er ala ni Josef ma Heli goromina goroma,

Wana ni Zla d’a Djivi d’a Luc mi b’irita 4:22

Azi pet tazi lazi djivid’a kamu, a le atchap yam zla d’a suma d’a nga d’i ndavunamba, a dala: Mam mi Josef goroma d’uo zu?

Jean 1:44

Filip ni ma Betsaida-na. Betsaida nazina hi Andre azi ki Pierre-râ.

Jean 12:21

Azi i gen Filip ma Betsaida ma Galile-na, a djobom ala: Sama ngolâ, ami min wami Jesus.

Jean 14:8

Filip mi dum ala: Salamina, ang tagami Abungû. Hina wani, ndagamiya.

Jean 18:5

Azi hulong dum ala: Jesus ma Nazarat-na. Jesus mi dazi ala: An wana! Judas ma hum abo sumina, mi nga tchola ki sed’ezi mi.

Jean 18:7

Kayam ndata, mi djobozi kua ala: Agi halagi ni nge ge? Azi dum ala: Jesus ma Nazarat-na.

Jean 19:19

Pilat mi he vuna á b’ir kam akulo ata agu ma b’ala ala: Wana ni Jesus ma Nazarat-na, amulâ hi Juif-fîna.

Jean 21:2

Simon Pierre, Toma ma a yum ala Ngoneîna na, Natanayel ma Kana d’a Galile-d’ina, Zebede groma ki suma hata hi Jesus suma dingâ mbà, a nga zlapa ata yima tuna.

Jean 6:42

Azi dala: Wana ni Jesus Josef goroma d’uo zu? Ni ma ei wum abum azi kasuma d’uo zu? Ni nana ba, mi dala: An tcholï nakulo ge?

Jean 6:5

Jesus mi hle iram akulo, mi wablau suma a nga djï gevemu, mi de mi Filip ala: Ei guzi tena ni lara ba, sum ndazina a ted’a ge?

Jean 6:7

Filip mi hulong dum ala: Le a gus tena ni ir bege hapa kikis mbà pî, ndak kala nge nge pî mi fe avunam nde nde d’a d’i.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Sunda hi suma a sunuzinid’a 22:8

An djobom ala: Salana, angî nge ge? Mam dan ala: Ni an Jesus ma Nazarat ma ang nga djobom vunama.

Sunda hi suma a sunuzinid’a 26:9

Adjeu an tan nga hurun ala an le simiyê Jesus ma Nazarat-na tchod’a ngola.

Sunda hi suma a sunuzinid’a 3:6

Wani Pierre mi dum ala: An nga ki bege d’a hapa d’oze lora d’i, wani vama an nga ki na, an nga ni hangziya. Nala, ki simiyê Jesus Christ ma Nazarat-na, ang fagakulo, ang tid’a!