Jean 1:34 - Bible azumeina

³⁴ Jean mi dala: An we, an nga ni le glangâsâ kam ala: Mam mi Alona Goroma.

Jean 1:34 Iomraidhean Croise

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Matiye 27:40

A dum ala: Ang ma ala ang to gong nga kud’ora hAlonid’a kä ang minit akulo kur bur ma hindina na, ang sut tangû. Le angî Alona Goroma ni, ang tchugï aseng kä woi ata agu ma b’ala.

Matiye 27:43

Mi tin hurum yam Alona; le mi le kamu ni, ar mi sud’um ka tchetchem, kayam mi dala: An nAlona Goroma.

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Matiye 4:3

Diable mi mba atamu, mi dum ala: Ang le nAlona Goroma ni, ang he vuna mahuniyô suma wana a mbut avuna.

Matiye 4:6

Ang le nAlona Goroma ni, ang geï tang kä, kayam a b’ir kur mbaktumba hAlonid’a ala: Alona mba mi he vuna mi malaika mama kangû. A mba vang akulo kabozi kayambala ahinad’a ti dabang kang aseng nguo d’a.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Marik 1:1

Wana nad’u tinda hi Zla d’a Djivid’a yam Jesus Christ Alona Goroma.

Marik 1:11

Ata yi máma dela ti tcholï akulo ti dala: Angî Goron ma an hurun vang heîna; tan ndi lan djivid’a heî kangû.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Wana ni Zla d’a Djivi d’a Luc mi b’irita 3:22

Muzuk ma bei tchod’a ba na mi surop kamu, mi hle tam d’igi gugud’a na. Dela ti tcholï akulo, ti dala: Angî Goron ma an hurun vang heîna; tan ndi lan djivid’a heî kangû.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 10:30

Ami kAbun ni tu.

Jean 10:36

ni nana ba, agi nga dagi yam an ma Abun mi manan mi sununï kur duniyad’ina ala: Ang nga las Alona, ni kayamba an dala: An nAlona Goroma d’a zu?

Jean 11:27

Ti dum ala: Â, Salana, an he wa gagazid’a ala angî Mesi Alona Gorom ma nga mi mba kur duniyad’ina.

Jean 19:7

Juif-fâ a hulong dum ala: Ami nga ki gata. Kur gat ndata djivid’a mi mid’a, kayam mam mbut tam ala mam mi Alona Goroma.

Jean 20:28

Toma mi hulong dum ala: Angî Salana, Alo mana.

Jean 20:31

A b’ir ahle ndazina ni kayambala agi hagi gagazid’a ala Jesus ni Mesi Alona Goroma d’a, ni yam he gagazid’a ba, agi mba fagi arid’a ki simiyêmu.

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

2 Korente-na 1:19

Kayam Jesus Christ Alona Gorom ma an ki Silas ki Timote tchagizi walama, mam mi  ki Hawa d’a d’i, wani mam mi  d’a hAlonid’a teteu.

Hebre-na 7:3

Mam mi ma abum nga d’i, asum nga d’i, ad’u andjavam nga d’i, bur mam ma vuta nga d’i, nga mi mit tuo mi na. Mi hle tamî d’igi Alona Goroma na, mam mi Ma ngat buzuna gak didin.

1 Jean 2:23

Sama tin vunam yam Alona Goromina, mi nga kAbum mbi, wani sama de woi yam Alona Goromina, mi nga kAbum mi.

1 Jean 3:8

Sama nga mi le tchod’ina ni ma hi Diable-na, kayam Diable nga mi le tchod’a ni kad’u tinda dei. Alona Goroma mi nde tam mbei ná b’lak sunda hi Diable-d’a woyo.

1 Jean 4:9

Wana ni od’a hAlona d’a mi tageizi woid’a: Alona mi sunï Gorom ma tu gid’engâ kur duniyad’a, kayam ei kagei karid’a kamu.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

2 Jean 1:9

Nge nge pî ma nga kaka kur hata hi Christ-sa d’uo wani mi d’es seina, mi nga kAlona d’i. Sama nga kaka kur hata hi Christ-sina, mi nga kAbui Alona ki Goroma mi.

Vama ndum mbeina 2:18

Ang b’ir mbaktumba mi malaika ma nga yam Tok ka Tiyatir-rina. Wana nahle suma Alona Gorom ma iram mba gola d’igi sin akud’a na ma asem mi wile d’igi kawei ma hleu ma a gum aduk aku d’a tchafa na na mi dazina: