Jean 1:29 - Bible azumeina

²⁹ Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Jean 1:29 Iomraidhean Croise

Buzuk ka Abud’a 28:38

Aron mba mi zi lor ra bebed’e ndata avorom akulo burâ ki burâ ata yima mi tchol avogon an Ma didinina. Kayam ndata, an mba ni ve he d’a hawa d’a a mba tinindji irat vata aboziya. Le azi he nga he d’a hawad’a ata lovod’ot tuo pî, an mba ni wazi hohowoziya.

Isai 53:10

Ma didina tam lum djivid’a á tom ki ndaka. Bugol la mi he tam vama ngat buzuna yam tchod’id’a, mba mi we andjavamu, burum mba mi i avogovogo, mba mi i ki minda hi Ma didinid’a avogovok mi.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Isai 53:7

A kid’eyêm iramu, wani mi ge yam kä, mi mal nga vunam mbi. Mi hle tamî d’igi gor timi ma a im ata yima ngatina na, d’igi timi ma nga tchola mudjuk avok suma tchawama na, bei mi mal vunam ba.

Wana ni mbaktumba hi Oze-d’a 14:2

Agi mbeyegï ki zla d’a avunagid’a gen Ma didina, agi dum ala: Ang vat hurung ngei yam tchila mamid’a pet, ang vami atang ki djivid’a. Ami mba suburung ki vunami kal la ami hang amuhlîd’a.

Sunda hi suma hi Levi-nid’a 10:17

Ni kayam me ba, agi mud’ugi vama a tchum á zlup yam tchod’ina ata yima a tinim iram vama d’uo ge? Ni vama a tinim iram vam ma kal tegles ma Ma didina mi hagizina, kayam agi zigi tchod’a hablau sumid’a á zlubuzi yam tcho mazid’a avogomu.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Ndumba 18:1

Ma didina mi de mi Aron ala: Ang ki grongâ ki b’oziyong suma ad’u andjafâ hi Levi-nina, agi zigi aneka hi tchod’a pet ta suma a mba lat ata yima kud’orid’a. Ang ki grongâ agi zigi aneka hi tcho d’a suma ngat buzuna a mba lata pet mi.

Ndumba 18:23

Suma hi Levi-na a mba le sunda kur zlub’u d’a ngaf tad’a, a mba zi aneka hi tcho mazid’a mi. Zla ndata arî gat ta didinda kagi kur atchogoi magi d’a lara ge pet. Azi mba fe djo ma ted’a aduk Israel-lâ d’i.

Ndumba 21:9

Moise mi yor kawei ma hleuna guguina, mi gabam akulo avun aguna. Le guguina mi et sana ba, mi gol gugui ma kawei máma ni, mi sud’a.

Matiye 1:21

Mba d’i vut gorâ, ang mba tinim simiyêm ala Jesus, kayam mam mba mi sut sum mama woi kur tcho mazid’a.

Matiye 20:28

Hina mi, an Gor Sana ni mba nala suma a lan sunda d’i, wani an tanda ni mba ná le sunda mi suma, ná he tan á matna á wurak yam suma ablaud’a mi.

Jean 1:35

Tcha ndjivinda Jean mi nga tchola kua ki mam suma hata mbà.

Jean 1:36

Mi we Jesus nga mi kala, mi dazi ala: Agi gologi Gor timina hAlonina.

Jean 1:43

Tcha ndjivinda Jesus mi min ala mi i yam ambas sa Galile-d’a. Mi fe Filip, mi dum ala: Ang mbeï ad’unu.

Jean 2:1

Kur bur ma hindina, tela nga avo Kana d’a Galile-d’a, Jesus asum nga kua mi.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 4:42

Azi de matcha ndata ala: Ki tchetchemba, ami hami gagazid’a ni yam de maka hol li, wani ami tami humumiya, ami wami gagazi mam mi Ma sut suma kur duniyad’ina.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Sunda hi suma a sunuzinid’a 13:39

Ni kayam mam ba, sama lara pî ma he gagazid’a kama, mi nde woi kur tcho d’a lara ge pet ta gata hi Moise-sa ndak á buzugugi woi kur ruo d’a.

Sunda hi suma a sunuzinid’a 8:32

Zla d’a mam nga mi ndumut ta kur mbaktumbid’a ba wana: Mi hle tamî d’igi timi ma a im ata yima ngatina na, d’igi gor timi ma nga tchola mudjuk avok ma tchawama na, bei mi mal vunam ba.

1 Korente-na 15:3

An hagi ni vama kal tegles ma an vuma: Christ mi mit ni kayam tcho meid’a d’igi mbaktumba hAlonid’a ti de na;

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Galat-na 1:4

Ni Christ ma he tam mbei kei á sud’i woi kur tcho meid’a á pad’ei woi kur atchogoi d’a tcho d’a tchetchem wandina, kur minda hAbui Alo meinid’a.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

1 Timote 2:6

Ni Ma he tam vama wuraka yam suma pet á le glangâs zla ndata ata yima a ngama ala Alona min suma pet a fe suta.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.

1 Pierre 2:24

Christ tamba mi zi tcho meid’a kam akulo ata agu ma b’ala, kayam ei boi woi ata tchod’a á kagei karid’a á le d’ingêra. Ni yam to d’a a tomba ba, agi fagi ki suta.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

1 Jean 3:5

Agi wagi ala Jesus Christ mi nde tam mbei ná hle tchod’a hi sumid’a woyo. Tchod’a nga kurum mbi.

1 Jean 4:10

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Vama ndum mbeina 14:10

mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 19:7

Ei lei furîd’a, ei lei hur ma hapma, ei suburiziya, kayam yima tela hi Gor timinina mi mba wa, amamba ti min wa tat da’.

Vama ndum mbeina 19:9

Malaikana mi dan ala: Ang b’ir kur mbaktumba ala: Suma a yazi kur tela hi Gor timinid’a a le furîd’a. Mi de kua ala: Zla ndata ni zla d’a gagazid’a hAlonid’a.

Vama ndum mbeina 21:14

Gulumuna hi azì mámina a gum ad’umî kahinad’a dogo yam mbà. A b’ir simina hi suma a sunuzi suma dogo yam mbàna hi Gor timinina atad’u.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 21:9

Bugola, ma dingâ tu aduk malaika suma kid’iziya suma a nga ki angulei suma kid’iziya suma a nga oîd’a ki tugud’ei d’a tcho d’a kid’iziya d’a dabid’a abozina, mi mba, mi dan ala: Ang mbeya! An mba ni tagang atcha d’a tela hi Gor timinid’a.

Vama ndum mbeina 5:6

An we Gor timi ma hle tamî d’igi ma tchuma na na mi nga tchola aduk zlam mba amula kahle suma ari suma fid’ina ki suma nglona. Mi nga kadifa kid’iziya ki ira kid’iziya mi, azi ni muzuk ma kid’iziya ma hAlona ma mi sunum mbei yam andagad’a petna.

Vama ndum mbeina 5:8

Ata yima mi hle mbaktum ndatina, ahle suma ari suma fid’i ndazina ki suma nglo suma dok mbà yam fid’i ndazina, a grif kä avok Gor timi máma. Nge nge pî adigazi nga ki adingâ abom ki angulei suma wulak suma a nga oîd’a kahle suma his suma afufuînina, nala ni tchenda hi suma hAlonina.

Vama ndum mbeina 6:1

An we Gor timina mi hô dubang ma avok ma kid’iziyana woyo. Aduk ahle suma ari suma fid’ina, an hum dela hi ma dingâ tu nga d’i siwel d’igi breîd’a halonid’a na ala: Ang mbeya!

Vama ndum mbeina 6:16

A nga de mahuniyô suma nglona ki suma gureina ala: Agi tchugugi tagi kami ngeyemi woi avok mam Ma nga kaka yam zlam mba amulina, avok ayîna hi Gor timinina mi.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.