Jean 1:16 - Bible azumeina

¹⁶ Ni yam ndak memet mamba ba, ei pet fei sumad’a yam ndrat sumad’a.

Jean 1:16 Iomraidhean Croise

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Zakari 4:7

Ma didina mi de kua ala: Ndak ahina d’a ngola, nda’î nge ba, mba d’i tchol avok Zorobabel ge? Mam mba mi blazak kä woyo, mam mba mi tin ahina d’a kal teglesa akulo kak ki furîd’a, a mba de kat ala: Ti djif heî! Ti djif heî!

Matiye 13:12

Kayam sama mi nga ki va aboma, Alona mba mi hum kam kua, mba mi kak kur duzîd’a mi. Wani sama nga ki va abom mbuo na, vama nga abom nde na pî, Alona mba mi hlumzi woi abomu.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Matiye 3:14

Wani Jean mi min ndi, mi dum ala: Ni an ba ni min ala ang lan batemba. Ni nana ba, ang mba ala an ni lang batemba ge?

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Jean 3:34

Mam ma Alona sunumïna, mi de ni zlad’a hAlonid’a, kayam Alona nga mi hum Muzuk mama ni bei ngad’a.

Romê-na 5:17

Wani le ni yam tchilad’a hi sama tunid’a ba, matna mi te yam suma ped’u ni, kal pet suma Alona mi vazi sumad’a ngola ki he d’a hawa d’a d’ingêrina a mba te leud’a karid’a yam sama tu ma a yum ala Jesus Christ-sâ kal luo zu?

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Romê-na 8:9

Wani le Muzu’â hAlonina mi nga kaka kurugiya ni, agi nga tid’igi bugol minda hi sa magi ma adjeunid’a d’i, wani agi tid’igi ni yam minda hi Muzu’â hAloninid’a. Le sana mi nga ki Muzu’â hi Christ-sâ kurum mbuo ni, mam mi sa mama d’i.

Efes-sâ 1:23

Tok ndata ni hliwimu; ni kat ba, Christ mi ndak memet, mi ndak vun ahlena memet mi.

Efes-sâ 3:19

Hina wani, agi mba fagi ad’enga á we ki od’a hi Christ sa sana mi ndak á wat ad’ut pepet tuo d’a, kayam agi wagi oî d’a memeta hAlonid’a.

Kolos-sâ 1:19

Wana ni minda hAlonid’a, kayam ndak memet mamba ti kak kur Christ.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

1 Pierre 1:11

Muzu’â hi Christ ma nga kuruzina, mi tagazi ndaka hi Christ-sa woi ki subur mam mba mba bugola. Kayam ndata, azi so tazi á wad’ud’a yam atchogoid’a hi mba mambid’a kahle suma a mba le ata yi mamina mi.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.