Jean 1:14 - Bible azumeina

¹⁴ Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:14 Iomraidhean Croise

Sawal la giled’a 2:7

An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Sawal la giled’a 45:2

Hurun nga oîd’a ki zla d’a djivid’a. An nga ni dala: Sun man nda an nga ni lata ná subur amulâ! Ar sinan ka’î d’igi sama d’al ma b’ir djivid’a heîna na!

Sawal la giled’a 85:9

An min hum zla d’a Ma didina Alo mana mi data. Nga mi de zla d’a halasa mi mam suma d’engzeng suma iratna, kayam azi hulong kur lili mazid’a d’uo d’a.

Isai 40:5

Subura hi Ma didinid’a mba d’i nde woyo, suma pet a mba wad’u, kayam Ma didina mi de zlad’a ki vunam da’.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

Ezekiyel 37:27

An mba ni min yan ma kaka nadigaziya. An mba ni ka’î Alo mazina, azi mba ka’î sum mana mi.

Matiye 1:16

Jakob mi vut Josef Marie ndjuvud’u, ni d’a vut Jesus ma a yum ala Mesi-na.

Wana ni Zla d’a Djivi d’a Luc mi b’irita 2:11

Kayam a vud’ugiya wa Ma Suta ini kur azina hi David-na, ni Christ, Salad’a.

Wana ni Zla d’a Djivi d’a Luc mi b’irita 2:7

Ti vut gorot ma avo’â, ti d’ud’um ki barud’a, ti gum kur kup ma tena hi d’uwarîna, kayam yima burâ nga kazi kur gong nga akoid’a d’i.

Wana ni Zla d’a Djivi d’a Luc mi b’irita 9:32

Pierre azi ki suma ki sed’ema, irazi nga d’i lazi sena, wani kid’a azi zlit akulod’a, a we subur mamba ki suma mbà suma a nga tchola ki sed’ema.

Jean 1:1

Avok ka Alona mi le nga va tu d’uo tua d’a, Zlad’a nga. Zla ndata ti nga zlapa kAlona, Zla ndata tata nAlona.

Jean 11:40

Jesus mi dat ala: An dak ala: Le ndak he gagazid’a ni, ndak mba d’i we subura hAlonid’a d’uo zu?

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Jean 14:9

Jesus mi dum ala: Filip, an kak ki sed’egi dei gak ini, ang wan nga d’uo? Sama wana, mi wAbun mi. Ni nana ba, ang dala: Ang tagami Abung nge?

Jean 17:22

Subur ra ang suburun ki d’a, an suburuzi ki wa, kayam azi kak tu d’igi ei tu na mi.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 18:37

Kayam ndata, Pilat mi dum ala: Ang doli namulâ? Jesus mi hulong dum ala: Ang de wa, an namulâ. Ni kayam ndata ba, a vud’unu, an mba kur duniyad’a ná le glangâsâ yam gagazid’a. Sama lara pî ma nga kur gagazid’ina, nga mi humun zla manda.

Jean 2:11

Wana ni vama simat ma avok kikidji ma Jesus mi lum kur Kana d’a Galile-d’ina. Mi tak subur mamba woyo, mam suma hata a he gagazid’a kam mi.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 3:18

Sama he gagazid’a kama, sariyad’a nga d’i vum mbi, wani sama he gagazid’a kam mbuo na, sariyad’a ti vum wa da’, kayam me mi he nga gagazid’a yam Alona Gorom ma tu gid’engâ d’i.

Jean 6:51

An ni te ma hari ma tcholï akulona. Sama lara pî ma te te mámina, mba mi kak karid’a gak didin. Te ma an mba ni humzina ni hliwinu, ni ma an mba ni hum yam arid’a hi suma kur duniyad’ina.

Jean 8:32

agi mba wagi gagazid’a, gagazi ndata mba d’i mbud’ugi gro vuta.

Sunda hi suma a sunuzinid’a 13:33

Kid’a Alona mi tchol Jesus akulo aduk suma matnid’a, mi ndagat vunat mi ei grozi ngolona. D’igi a b’ir kur Sawal la Gile d’a mbàd’a na ala: Angî Gorona, an vud’ung wa ini.

Romê-na 8:3

Alona mi le vama gata hi Moise-sa ti ndak á lum mbuo na, kayam hliwi ma tchona mi mbud’ut amangeîd’a. Kayam ndata, Alona mi ka sariyad’a yam tchod’a yam sa mei ma adjeuna ata yima mi sunï Gorom ma mi hle tam dedege d’igi sama tchona na á pat tchod’a woina.

Romê-na 9:5

Abraham azi ki Isak ki Jakob nabuyozi ngolo. Nad’u andjavazi ba, Christ mi ndeï kua d’igi sana na. Mam nAlo ma te yam ahlena petna, ni ma ndak á gilem gak didina. Amin!

1 Korente-na 15:47

Adam ma avo’â, Alona mi lumî kandaga d’a gugud’upa, wani Adam ma mbàna mi tcholï nakulo.

2 Korente-na 12:9

Wani mi hulong dan ala: Suma manda ti ndagangû, kayam ata yima ad’engêng nga d’uo na, ad’eng manda ti ndak memet. Kayam ndata, an nga ki furî d’a ngola á subur tan yam amangeî manda, kayam ad’enga hi Christ-sa ti kak kanu.

Galat-na 4:4

Wani kid’a yina ndaka, Alona mi sunï Gorom ma atchad’a ti vud’um ad’u gata hi Juif-fîd’a,

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Kolos-sâ 1:19

Wana ni minda hAlonid’a, kayam ndak memet mamba ti kak kur Christ.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

Kolos-sâ 2:9

Kayam ndak ka memeta hAlonid’a tata ti nga nata Christ.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 1:5

Ni malaika ma lara ba, Alona mi dum yam tu ala: Angî Gorona, an vud’ung ini ge? Mi de nga mi malaikana ala: An mba ni ka’î Abumu, mam mba mi ka’î Gorona d’i?

Hebre-na 10:5

Kayam ndata, ata yima Christ mi mba yam andagad’ina, mi de mAlona ala: Ang min nga vama ngat buzuna ki he d’a hawad’a hi d’uwarîd’a d’i, wani ang minin wa tanu.

Hebre-na 2:11

Kayam Jesus ma mi mbut suma woi yed’et kur tcho mazid’ina ki suma mi mbud’uzi yed’etna, Abuzi ni tu. Kayam ndata, Jesus nga ki zulona á yazi b’oziyoma d’i.

Hebre-na 5:5

Hina mi, Christ mi subur nga tam á mbut ma ngol ma ngat buzuna yam tam mbi, wani Alona mi de woi kam ala: Angî Gorona, an vud’ung ini.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

1 Jean 4:9

Wana ni od’a hAlona d’a mi tageizi woid’a: Alona mi sunï Gorom ma tu gid’engâ kur duniyad’a, kayam ei kagei karid’a kamu.

2 Jean 1:7

Suma ka zlad’a ablaud’a a b’rau wa woi kur duniyad’a; ni suma a nga de woi ala: Jesus Christ mi mbut nga sana d’uo na. Sama hina na ni ma ka zlad’a, ni ma djangûna hi Christ-sâ mi.

Vama ndum mbeina 19:13

Mi tchuk baru d’a fiyak ka ti tib’ak ki buzunid’a atamu. A yum ala Zlad’a hAlonid’a.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.