Jacques 2:8 - Bible azumeina

⁸ Gagazi, le agi nga tid’igi yam vun ma hed’a hamulîna memet d’igi vun ma he máma mi de na ala: Ang le yam ndrangâ d’igi ang tanga na ni, agi lagi djiviya.

Jacques 2:8 Iomraidhean Croise

1 Amuleina 8:18

Wani Ma didina mi de mabun David ala: Ang nga hurung á minin gonga gagazi.

2 Amuleina 7:9

Wani suma libi ndazina a nga de tazi ala: Ei lei nga djivi d’i. Ei weya, ini ni zla d’a djivid’a keya. Le ei djubi bei de zlad’a gak yina mi foya ni, Alona mba mi kei sariyad’a keya. Ki tchetchemba, ei ï dei zla ndata mi suma avo hamulîna.

Sunda hi suma hi Levi-nid’a 19:18

Ang hlatchugul li, ang ve sum mangâ grozina kurung ngi, ang le yam ndrangâ d’igi ang tanga na, kayam an ni Ma didina.

Sunda hi suma hi Levi-nid’a 19:34

Agi vagi angei ma nga kaka adigagina atagi d’igi gor vuta na, agi lagi kam d’igi agi tagid’a na, kayam agi tagid’a kagagï angoyogeina yam ambas sa Ezipte-d’a mi. An ni Ma didina Alo magina.

Jonas 4:4

Ma didina mi hulong dum ala: Hur mang ma zal máma nata yat tchu?

Jonas 4:9

Alona mi de mi Jonas ala: Hur mang ma zal ma yam terer ndatina nata yat tchu? Jonas mi hulong dum ala: Nata yad’u! An zal hurun gak matna!

Matiye 22:39

Ma mbà ma d’igi mam nana ba wana: Ang le yam ndrangâ d’igi ang tanga na.

Matiye 25:21

Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Matiye 25:23

Salama mi dum ala: Djivi heî, ang azong ma djivi ma d’engzengâ, ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Matiye 7:12

Kayam ndata, ahlena pet suma agi min suma lagizina, agi lazi mi suma dingâ na mi. Wana agi ndagagi ni vun gata hi Moise-sa ki hata hi suma djok vun Alonid’a.

Romê-na 13:10

Sama nga mi le od’ina nga mi le ndrama tcho d’i. Kayam ndata, od’a nga d’i ndak vun gata memet.

Galat-na 5:14

Kayam gata tok ahlena pet ni kur vun ma he ma tu máma ala: Ang le yam ndrangâ d’igi ang tanga na.

Galat-na 6:2

Ar agi ndjunugi tagiya, agi hlagi aneka woi yam tagiya. Hina wani, agi oyôgi ni vun gata hi Christ-sa.

Filip-ma 4:14

Wani ata yima agi ndjunun kur ndak mandina, agi lagi djiviya.

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

Jacques 1:25

Le sama gol gat ta ndak memet ta pad’ei woi kur magombid’a, le nga mi le sunda kad’u, le mi ni sama humut nga mi marat tuo wani mi ni sama le sunda katna ni, sa máma, Alona mba mi b’e vunam kam kur sun mam mba led’a.

Jacques 2:12

Agi dagi zlad’a, agi lagi d’igi suma a ka sariyad’a ata minda hi gat ta pad’ei woid’a na mi.

Jacques 2:19

Ang he gagazid’a ala Alona ni tu nata yad’u. Muzuk ma tchona pî mi he gagazid’a hina mi, nga mi zlak ki mandarâ mi.

Jacques 4:11

B’oziyona, ar agi dagi zla d’a tchod’a yam tagi d’i. Le sana mi de zla d’a tchod’a yam wiyema d’oze mi ka sariyad’a kamu ni, mi ka’î djangûna ki gata, mi ka ni sariyad’a yam gata mi. Le angî sama ka sariyad’a yam gatina ni, angî sama nga mi tit yam gatina d’i, wani angî ma ka sariyad’a katna.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.