Jacques 1:17 - Bible azumeina

¹⁷ He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

Jacques 1:17 Iomraidhean Croise

Ad’u Tinda 41:16

Josef mi hulong dum ala: Nga ni an ndi; nAlona ba, mba mi hulong hum mba djivid’a mi ang Faron.

1 Sunda Hamuleinid’a 22:12

Ar Ma didina mi hang ned’a ki d’alâ á te yam Israel-lâ á ngom gata hi Ma didina Alo mangîd’a.

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

Sawal la giled’a 102:27

Aziya, a mba b’lak kei pet, wani angû, ang mba kak gak didin. Azi mba mbut adjeud’a d’igi baruna na. Ang mba vragazi d’igi baruna na; azi mba mbut ni vama vraka.

Sawal la giled’a 122:6

Agi tchenegi yam halas sa Jerusalem-mba ala: Ar suma huruzi va’â a le furîd’a ki halasa,

Sawal la giled’a 136:7

Mam mi ma lahle suma nglo suma b’o yinina, kayam o mamba nga d’i dap pi.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Sawal la giled’a 85:12

Gagazid’a mba d’i tcholï ka andaga; d’ingêra hAlonid’a mba d’i tcholï nakulo mi.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Isai 28:26

Alo mama mi had’am á tit kaziya, mi had’am gat mamba mi.

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Isai 60:19

Nafata ba, mba d’i b’o kak falei d’i; ni tilâ ba, mba mi b’o kak kuo mi. Ni Ma didina ba, mba mi b’o kak burâ ki burâ, Alo ma’â mba mi mbut ni subur maka.

Malatchi 3:6

Ma didin ma ad’engêm kal petna mi dala: An ni Ma didina, an nga ni mbut ti, agi Jakob groma, agi dabagi nga woi d’uo mi.

Ndumba 11:17

An mba ni tchugï asen kä, an mba ni dang zlad’a ata yi máma, an mba ni hle Muzuk ma nga kaka kangâ, an mba ni tinim kaziya, kayam azi zi aneka hi sumid’a zlapa ki angû, tala ang zit vang tu d’uo d’a.

Ndumba 11:25

Ma didina mi tchugï asem kä kur d’ugula, mi de zlad’a mi Moise, mi hle Muzuk ma nga kaka kama, mi tinim yam suma nglo suma dok kid’iziya ndazina. Ata yima Muzu’â mi kak kazina, a nde djok vuna, wani a i nga avogovok ki.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Matiye 7:11

Le agi suma tchona agi wagi á hahle suma djivina mi grogina na ni, Abugi ma sä akulona mba mi hahle suma djivina mi suma a nga tchenema kal luo zu?

Wana ni Zla d’a Djivi d’a Luc mi b’irita 11:13

Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Jean 1:9

Ndat ni b’o d’a gagazi d’a mba kur duniyad’a á b’o yam suma peta.

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Jean 3:3

Jesus mi hulong dum ala: Gagazi, an nga ni dangû, le a vut nga sana vut ta awilid’a d’uo ni, mi ndak á we leud’a hAlonid’a d’i.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 5:31

Alona mi hlum sä akulo ata bigam mba ndjufa á kak Amul ma sut suma, kayam mi he Israel-lâ lovota á mbut huruzi yam tcho mazid’a, kayam Alona mi vat hurum mbei yam tcho mazid’a mi.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

1 Korente-na 4:7

Sama mbud’ung kal suma dingâ ni nge ge? Ni me ba Alona mi hangzi nga d’uo ge? Le mi hangziya ni, ni kayam me ba ang subur tang d’igi Alona mi hangzi hawa ni mam mbuo na ge?

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

Efes-sâ 2:8

Alona mi sud’ugi ni yam suma mamba ata lovot ta he gagazid’a. Wani nata sun magi d’a led’a d’i, kayam sana mi subur ki tam mbi. Wani ni he d’a hawad’a hAlonid’a.

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.

Filip-ma 1:29

Kayam Alona mi vagi sumad’a zlapa ki Christ ná he gagazid’a kam hol li, wani ná fagi ndaka kam mi.

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Jacques 3:15

Ne d’a hina d’a ti tcholï nakulo d’i; ni ned’a hi duniyad’id’a, ni djib’era hi sanid’a, ti tcholï nata Diable.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

1 Jean 1:5

Wana ni zla d’a ami humumizi avun Jesus Christ sa ami nga dagizi woid’a mi: Nala, Alona ni b’od’a, nduvunda nga kurum mbi.

1 Jean 4:10

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.