Isai 9:5 - Bible azumeina

⁵ Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Isai 9:5 Iomraidhean Croise

Ad’u Tinda 32:30

Jakob mi yi yi máma ala Peniyel, kayam mi dala: An wAlona ki iranu, an nga karid’a mi.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Sawal la giled’a 72:3

Ar ahuniyô suma Israel-lâ a mba ki duzîd’a, ar yi mat ma ndingâ mi zul ahlena yam d’ingêra.

Buzuk ka Abud’a 23:21

Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

Isai 13:4

Agi humugi siwel la yam ahuniyôna ndata, ni d’igi ablau suma a to’â na. Agi humugi sora handjaf suma a tcholï kur leud’a teteng a tok ndazina. Ma didin ma ad’engêm kal petna nga mi kal á gol b’rang nga nga d’i i á dur ayînid’a.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 4:4

Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na.

Isai 9:4

Kayam atuguru ma lara ma mazi suma djangûna a tchugum azezi á dur ayînina, ki baru d’a nglo d’a tib’ak ki buzunid’a pet, a mba tchuguzi aduk akud’a á ngalazi woyo.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Jeremi 47:3

A hum siwela hasem akulumei mam suma sib’ika, a hum siwela hasem pus mam ma dur ayîna. Abuyod’a nga d’i mbut irat ir grod’a d’i, kayam a mbut amangeîd’a.

Joel 2:5

Ang ala ni siwela hi pus ma dur ayî ma nga mi pir akulo yam ahuniyônina na, d’igi siwela hi sin aku d’a nga d’i ngal kuzad’id’a na, d’igi andjaf suma ad’eng suma a ndjar á dur ayînina na mi.

Sunda hi suma hi Levi-nid’a 3:11

Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi mi an Ma didinina.

Sunda hi suma hi Levi-nid’a 3:16

Ma ngat buzuna mi ngalazi akulo yam yima ngal ahle suma ngat buzuna. Wana nahle suma te suma a ngalazi suma his suma afufuî suma avogon an Ma didinina. Yima mbulâ pet, a tinim iram vam mi an Ma didina.

Mise 5:1

Ang azì ma Betelehem ma Efrat-na, ang ma akid’eid’a aduk azì ma dudubu ma Juda-nina, man ma mba mi te yam Israel-lîna mba mi ndeï ni kurungû, ni ma andjavam tcholï adjeu dedeina.

Nahum 3:2

Gola! A nga hum tchina hi blafîna, a nga hum tchina habo pusîna, a nga hum tchina habo akulumei suma djangîna, a nga hum djangâ hi pus ma dur ayîna mi.

Zakari 6:13

Mba mi min gong man nda kud’ora akulo, mba mi tchuk ahle suma subura atamu, mba mi kak yam zlam mam mba amula á tamula. Ma ngat buzuna tu mba mi tchol gevemu, azi djak darigï d’a gagazid’a mba d’i kak adigaziya.

Matiye 3:11

Anu, an nga ni lagi batemba kayambala agi mbud’ugi hurugiya d’a, wani ma nga mi djï blogona, mi kalan kad’enga. An ndak á zi atuguru mama d’i. Ni mam ma mba mi lagi batemba ki Muzuk ma bei tchod’a ba na kakud’a mi na.

Sunda hi suma a sunuzinid’a 2:19

An mba lahle suma atchapma kur akulod’a, an mba lahle suma ndandalâ kä yam andagad’a. Suma a mba we buzuna kakud’a, andosâ mba mi tin d’ugula mi.

Sunda hi suma a sunuzinid’a 2:3

A we vana d’igi sin akud’a na mba kaziya, mi b’rau kak yam nge nge pî adigaziya.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Suma ka sariyad’a 13:18

Malaikana hi Ma didinina mi hulong dum ala: Ni kayam me ba, ang djobon yam simiyên nge? Simi máma ni simi ma atchapma.

1 Samuel 14:19

Kid’a Saul nga mi de zlad’a mi ma ngat buzuna tua d’a, siwel la kur kangâ hi Filistê-nid’a nga d’i i avogovogo. Kayam ndata, Saul mi de mi Ahiya ala mi djop Alona deï d’i.