Isai 9:19 - Bible azumeina

¹⁹ A nga hurum ahlena abo ma ndjufâ, wani meid’a nga d’i arazi d’i, a nga hurum ahlena abo ma gulana, wani a nga hop pi. Nge nge pî nga mi mut ni hliwim mam tamba.

Isai 9:19 Iomraidhean Croise

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Isai 13:13

Kayam ndata, an mba ni giget akulod’a, andagad’a ad’ut ta ged’a mba d’i giget abo ayîna hi an Ma didin ma ad’engên kal petnina, abo bur man ma ayî ma bibiliuna mi.

Isai 13:18

Azi mba tchi gro azungeîna woi ki yeû mazid’a, a mba we hohowa grozi suma kuruzina d’i, hohowa gogor nga mi lazi d’i.

Isai 13:9

Gola! Burâ hi Ma didinina nga mi mba. Ni bur ma bei we hohowa sa kur ba na, ni bur ma ayî ma bibiliuna. Mba mi b’lak ambasa woi mi mbud’ut fulâ, mba mi dap suma a le tchod’ina woi mi.

Isai 24:6

Kayam ndata, andagad’a ti b’lak kei abo vun ma ged’a hAlonina. Suma a nga kaka kurutna a hlaneka hi tcho mazid’id’a kaziya. Kayam ndata, a dap peyo, a arî akid’eid’a ngiyeû go.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 4:4

Ma didina mba mi mbus ndjendjed’a harop suma Jerusalem-ma woyo, mba mi mbus buzu ma djang ngei kur Siyon-na woi ki simet ma mbud’uzi d’ingêr ma mbud’uzi yed’et mi na.

Isai 42:25

Kayam ndata, mi mba kayî mam ma bibiliuna kaziya, mi mba kayî ma dur ma tchona kazi mi. Nga mi ngalazi ata yima lara ge pet, wani azi min nga á we va tu d’i. Mi nga mi ngalaziya, wani a nga tin humazi kam mbi.

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Isai 5:30

Kur bur máma a mba tchi kazi d’igi alum ma ngolâ vunam mi tchi wü na, a mba gol ambasa a mba we ni nduvunda ki hur ma wurana, b’od’a mba d’i mbut nduvunda abo babarâ mi.

Isai 60:2

Gola! Nduvunda ti duk wa yam andagad’a, yima wurana mi duk wa yam andjaf suma mi. Wani Ma didina mba mi tchol akulo á b’o woi kagu, subur mamba mba d’i b’o woi kak mi.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 13:16

Agi suburugi Ma didina Alo magina avok ka bei mam mba ki nduvundid’a, avok ka bei asegi mi dap kahuniyôna kur yima nduvundid’a. Agi nga djubugi b’od’a, wani mam mba mi mbud’ut nduvunda. Mba mi mbud’ut nduvunda d’igi d’ugul la wura d’a i’îlika na.

Ezekiyel 9:5

Mi de mi suma a ar wana kä iran ala: Agi igi blogom kur azì ma ngolâ, agi tchagi suma woyo. Agi wagi hohowa sa d’i, agi djib’eregi yam sa d’uo mi!

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Joel 2:3

Akud’a nga d’i ngal avoroziya, sin akud’a nga d’i trâ blogozi mi. Andagad’a tavorozi ni d’igi asine ma Eden-na na, ti mbut blogozi ni d’igi hur ful ma d’ad’auna na mi.

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Amos 5:18

Ni zla d’a hohoud’a kagi agi suma tagi nga d’i lagi zlezleû yam bur ma mbad’a hi Ma didinina. Agi mba fagi ni me kur bur ma mbad’a hi Ma didinina ge? Bur máma mba mi mbut ni bur ma nduvunda, nga ni bur ma b’od’a d’i.

Abdiyas 1:18

Suma hi Jakob-ma a mba mbut ni d’igi akud’a na, suma hi Josef-fâ a mba mbut ni d’igi sin akud’a na. A mba ngal suma hi Esau-na woi d’igi akud’a ti ngal kuzad’a na, sa mam tu pî mba mi ar ri, kayam an Ma didina ni de na.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Mise 7:6

Kayam gorâ mba mi ngul abumu, gora mba d’i tchol huneîd’a kasud’u, atchad’a akunot ta hi gorotnid’a mba d’i tchol huneîd’a ki sed’ed’u, nge nge pî suma avo hatama a mba kak djangûna ki sed’emu.

Zakari 11:6

An Ma didina nga ni dagiya: An mba ni we hohowa suma a nga kaka yam ambasina d’uo d’a, an nga ni he nge nge pî abo ndrama, abo amul mazina, a mba b’lak ambasa woi kakazeî, an mba ni prud’uzi woi abozi d’i.

Zakari 11:9

Ata yi máma an de mi tumiyôna ala: An dok ni pologi d’uo d’a. Ma mitna ar mi mid’a, ma ba woina ar mi ba woyo, suma a arâ ar a mut taziya.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Sunda hi suma a sunuzinid’a 2:20

Afata mba d’i mbut nduvunda, tilâ mba mi mbut hleud’a d’igi buzuna na avok mbad’a hi burâ hi Ma didinina, ni bur ma ngol ma subura.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.