Isai 9:18 - Bible azumeina

¹⁸ Abo ayîna hi Ma didin ma ad’engêm kal petnina, ambasa ti vakud’a, abo ayîna hi Ma didinina, suma a mbut ni vam tena hakud’ina, sa nga mi keng wiyem mbei d’uo mi.

Isai 9:18 Iomraidhean Croise

1 Amuleina 16:21

Bugol matna hi Zimri-na, Israel-lâ a wal kä ad’u mbà. Suma hiuna a min ala Tipni Ginat goroma mi tamula, suma hiuna a min ala Omri mi tamula.

Sawal la giled’a 37:20

Wani suma asa’atna a mba ba woyo; suma a kak djangûna ki Ma didinina a mba mbut ni d’igi b’od’a hasunid’a na, a mba yak keyo, a mba val lei d’igi andosâ na.

Sawal la giled’a 68:2

Alona mi tchol akulo, mam suma djangûna a ndjoî woi vivreng, suma a noyôma a nga ring ngei avoromu.

Sawal la giled’a 83:14

Alo mana, ang mbud’uzi d’igi mbirlimba na, d’igi hububu ma simetna mi felema na,

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 27:4

An nga ki hur ma zal kurun ndi, wani le an fe aweid’a azi ki kekerezeuna adugu ni, an mba ni tit kaziya, an mba ni ngalazi woi kakud’a.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Isai 33:12

Akud’a mba d’i ngal andjaf suma, mba d’i mbud’uzi d’igi butna na, mba d’i ngalazi woi d’igi awei d’a a kat a ngalat teid’a na mi.

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Isai 5:24

Kayam ndata, a mba mbut ni d’igi asu ma sod’a ki kuzad’a na, sin akud’a mba d’i ngalazi woyo, sideyezi mba mi tchim mbeyo, b’ozi mba d’i galal kä woi andaga mi, kayam azi noî gata hi Ma didin ma ad’engêm kal petnid’a woyo, azi gol zlad’a hi Ma tin tam irat vat yam Israel-lîna is mi.

Isai 50:11

Gola! Agi pet suma vagi akud’ina, agi suma ganagi akud’a abogina, agi igi aduk aku d’a bibiliu d’a agi vata. Ahle ndazina a tcholï nabo an ba, a mba kagi wana, agi mba bogi ni kur ndaka na.

Jeremi 9:3

Ma didina mi dala: Sinazi d’i nga ni ndira woi ata zla d’a kad’a d’igi suma a ndir yeûd’a á yeta na, nga ni ki d’engzenga ba, azi nga fad’enga kur ambasa d’i, a nga i navogovok kasa’ata, a wan nga d’uo mi.

Wana ni mbaktumba hi Oze-d’a 13:3

Kayam ndata, a mba mbut d’igi amborogei d’a yorogod’a na, d’igi mbad’ï d’a ti ge ndjö ti gas seid’a na, d’igi mbirlim mba ti tor hububu ma ata yima to awuna woid’a na, d’igi andos ma mi buzuk kei akulo yam azid’ina na mi.

Joel 2:20

An mba ni dik magi suma djangû suma abo ma norâ woi dei, an mba ni digizi gak ni izi hur fulâ yam andaga d’a so d’a gangrasa. An mba ni dik azigar mazi suma avo’â irazi abo ma ir apo d’a Matnina, an mba ni dik azigar mazi suma bugolâ irazi abo ma ir alum ma ngol ma Mediterane-na mi. Mad’azi mba mi bua, mba mi b’ik hisâ kä b’ib’ik. An mba ni lazi hina, kayamba azi lagi tchod’a ngola heîd’a.

Joel 2:3

Akud’a nga d’i ngal avoroziya, sin akud’a nga d’i trâ blogozi mi. Andagad’a tavorozi ni d’igi asine ma Eden-na na, ti mbut blogozi ni d’igi hur ful ma d’ad’auna na mi.

Amos 7:4

Salad’a Ma didina mi ndan vama dingâ iran ndei kua. Mi yakud’a á ka sariyad’a. Ti ngal zul la ngol la yiyika, ti ngal asinena woi mi.

Abdiyas 1:18

Suma hi Jakob-ma a mba mbut ni d’igi akud’a na, suma hi Josef-fâ a mba mbut ni d’igi sin akud’a na. A mba ngal suma hi Esau-na woi d’igi akud’a ti ngal kuzad’a na, sa mam tu pî mba mi ar ri, kayam an Ma didina ni de na.

Nahum 1:10

Azi le nga hitiud’a ata tazi d’igi aweid’a na, le a nga gurut ni d’igi suma a gurut ki süma hina pî, a mba ngal lei d’igi asu ma sod’a na papana.

Nahum 1:6

Ni nge ba, mba mi tchol avorom ata yima hurum zalâ ge? Ni nge ba, mba mi tchol avok ayî mam ma bibiliuna ge? Hur mam ma zala nga mi ngal d’igi akud’a na, nga mi to ahuniyôna woyo.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Hebre-na 6:8

Wani le andagad’a nga d’i deî awei-avirina ki himbirâ ni, zlat nga d’i. Ar go Alona mba mi gat vuna, dabi mata ni ngala mi.

Vama ndum mbeina 14:11

Andosâ haku d’a nga d’i lazi ndakid’a, nga mi d’us gak didin. Suma a kud’or ambur máma ki vama a yoromzina ki sama lara ge ma a b’irim simiyêm atama, andjege ki faleya tuk ta mazid’a nga d’i.