Isai 8:20 - Bible azumeina

²⁰ agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Isai 8:20 Iomraidhean Croise

Esdras 10:3

Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi.

Sawal la giled’a 119:130

Ndäd’u zla mang nga woid’a nga d’i b’o yina, nga d’i he d’alâ mi suma bei wäd’u zlad’ina mi.

Sawal la giled’a 78:5

Mi tin glangâsâ aduk sum mama, mi tin gata aduk Israel-lâ, mi he vuna mabuyoi ngolo ala a hat zla ndata mi grozina.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Isai 1:10

Agi suma nglo suma b’lagagi woi d’igi suma Sodom-ma na na, ar agi humugi zlad’a hi Ma didinid’a. Agi suma yagi nga kagi d’uo d’igi suma Gomor-râ na na, agi tinigi humagi yam gata hAlo meinid’a!

Isai 8:16

An ngom zla d’a mam dandjid’a kä, an b’al vun vama mi ndandji woina kä aduk man suma hata.

Isai 8:22

Bugola, a mba gol irazi kä andaga, a mba we ni hur ma wurana ki nduvunda ki djop vun ma kalâ, a mba zud’uzi kä kur nduvun nda i’îlika.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Matiye 22:29

Jesus mi hulong dazi ala: Agi vid’igi woi ni kayamba agi nga wagi mbaktumba hAlonid’a kad’eng mamba d’uo d’a.

Matiye 6:23

Wani le irang nga lafiya d’uo ni, tang pet ni nduvunda mi. Le b’o d’a kurunga ti mbut nduvunda ni, angî kur nduvunda i’îlika.

Marik 10:3

Mi hulong dazi ala: Moise mi hagi vuna nana d’ö?

Wana ni Zla d’a Djivi d’a Luc mi b’irita 10:26

Jesus mi dum ala: A b’ir kur gat meid’a nana ge? Ang ndumut ni nana?

Jean 5:39

Agi nga fegegi kur mbaktumba hAlonid’a, agi nga djib’eregi ala ni kurut ba, agi nga kari d’a didinda. Ni ndat ba, nga d’i le glangâsâ kanu.

Sunda hi suma a sunuzinid’a 17:11

Sum ndazina djib’er mazid’a djivid’a kal Juif suma Tasaloni’â, kayam a ve zla ndata kabozi ma mbàna. A nga hal kur mbaktumba hAlonid’a burâ ki burâ á wahle suma Paul mi dazina ni gagazi zu?

Romê-na 1:22

A nga subur tazi ala azi ni suma ned’a, wani a mbut ni suma lilid’a.

2 Pierre 1:19

Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.

2 Pierre 1:9

Wani sama mi nga kahle ndazina d’uo na, mam mi sama duka, mi we nahle suma gogona hawa, kayam mi mar yam mbus sa Alona mi mbuzum mbei yed’et kur tcho mam mba adjeud’a.