Isai 7:8 - Bible azumeina

^8-9 kayam Damas nazì ma ngol ma Siri-na, Resin mi te ni kat ndat hol, Samari nazì ma ngol ma Efraim-ma, Peka mi te ni kat ndat hol mi. Ar bizad’a dok karagaya yam vahl, a mba b’lak suma Efraim-ma woyo, a mba ndumuzi andjafâ bugol luo d’a. Le agi tinigi hurugi yam Ma didina d’uo ni, agi ndak á tchologi avorozi d’i.

Isai 7:8 Iomraidhean Croise

Ad’u Tinda 14:15

Abram mi wal ir sum mama teteng á dur ayîna ki sed’ezi andjege. Azi kal kaziya, a digizi gak a tchuguzi kur azì ma Hoba ma nga abo na norâ hi Damas-sîna.

2 Samuel 8:6

David mi min yima kaka hi azigar mama avo Siri d’a Damas-sa. Suma Siri-na a hulong yazi kä ad’u David, a hum tara. Ma didina mi hum ad’enga á kus yam suma pet ata yima lara ma mam nga mi i kuana.

Esdras 4:2

a mba gen Zorobabel ki suma nglo sumazina, a dazi ala: Ar ami minimi gong nga kud’ora ki sed’egiya, kayam ami nga kud’uromi Alo magina d’igi agi nga kud’urom na mi. Ami nga hum he d’a hawad’a ni kur atchogoi d’a Esar-Hadon amul ma Asiri-na mi mbami ka hid’a dei.

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

Isai 9:11

Suma Siri-na abo ma yorogona, ki suma Filistê-na abo ma fladegena, a mba ngo vunazi woi hagak ata Israel-lâ á ted’a. Hina pet pî, hurum mi b’leng nga d’i, abom mi ar nga zid’a akulo kamzi.

Isai 9:9

Derengel ma mi to kä woina, ami mba hulong minim kahina d’a tcheta; diyaga d’a a kat teid’a, ami mba hulong pami agu sedrena blangâd’u!

Jeremi 49:23

Wana ni zla d’a a dat yam Damas-sa: Suma Hamat-na ki suma Arpat-na a mbut zulona, kayam azi hum zla d’a de d’a tchod’a, azi tchuk susub’ok. A nga djulul d’igi alum ma ngol ma nga mi tchol b’et tuo na na.

Ezekiyel 27:18

Suma Damas-sâ a nga mbut abozi ki sed’eng kahle suma ablau suma a nga kurungâ kahle suma djivi suma a zul hatangâ. A nga hang süm guguzlu d’a Helbon-nda ki tumus sa hapa hi tumiyônid’a mi.

Wana ni mbaktumba hi Oze-d’a 13:1

Ata yima suma Efraim-ma a de zlad’ina, suma pet a le mandarâ. A hle yazi akulo yam andaga d’a Israel-la, wani a kud’or Bäl, zlad’a vaziya, a bo.