Isai 7:3 - Bible azumeina

³ Ata yi máma Ma didina mi de mi Isai ala: Ang ve gorongâ Seyar-Jasup, ang i ngaf Ahas avun yima b’irlim ma mbina nga tchola kuana, avun lovot ta i kur asine ma suma a mbus buruna kuana.

Isai 7:3 Iomraidhean Croise

2 Amuleina 16:1

Kur biza d’a dogo yam kid’iziya d’a Peka Remaliya goroma amul ma Israel-lâ nga mi tamulid’a, Ahas Jotam goroma mi kak amula yam suma Juda-na.

2 Amuleina 18:17

Wani kid’a amul ma Asiri-na mi nga Lakis-sa, mi geï ma ngolâ hi azigar mama ki ma kama zlapa ki ma avunama, zlapa ki azigarâ ablaud’a á i Jerusalem. Kid’a azi mba avun azinid’a, a mba tchol avun yima b’irlim ma mbina nga tchola kuana avun lovot ta i kur asine ma suma a mbus baruna kuana.

2 Amuleina 20:20

Sunda hi Ezekiyas sa ara kad’eng mam mba dur ayîna ki min nda mam min yima ve mbina ki djugot ta mi djugot ir yima djang mbina ei avo Jerusalem-mba mi, a b’irizi nga kä kur Mbaktum mba de zlad’a yam Sunda hAmulei suma Juda-nid’a.

Nehemi 3:16

Sama go ki sed’ema ni Nehemi Asbuk gorom ma te yam abo andaga d’a Bet-Sur-rina, mi min gulumun ma ngagad’a yam asud’a hi David-tina gak mi mbaza ata apo d’a a djugud’ota, gak a mbaza ata azina hi suma gangrangîna.

Buzuk ka Abud’a 7:15

Yorogo tcholol ang i gen Faron. Ata yima mi nde á i avun mbinina, ang mba ngavam avun alum ma a yum ala Nil-lâ na, ang hle totogo d’a mbut guguinid’a abongû.

Isai 10:21

Suma a arâ a mba mba; gagazi, suma hi Jakob suma a arâ a mba mba ata Alo ma ad’engêm kal petna.

Isai 22:10

Agi ndumugi gongîyo suma Jerusalem-ma, agi togi gongîyo suma dingâ kä woi á fe lovota á min gulumun ma ad’eng ma ngunguna.

Isai 22:11

Agi wagagi yima ve mbina aduk gulumun ma mbàna yam mbiyo ma nga kä kur yima ve mbina ma adjeuna, wani agi tinigi nga djib’er magid’a yam Ma mi lahle ndazinina d’i, agi tinigi nga iragi yam Ma mi min ahle ndazina adjeu dedeina d’uo mi.

Isai 36:2

Kid’a amul ma Asiri-na mi nga kaka Lakis-sa, mi sunï ma avunama ata amulâ Ezekiyas avo Jerusalem zlapa ki azigar suma dur ayîna ablaud’a. Mi mba, mi tchol avun b’irlim ma mbina nga tchol kuana avun lovot ta i kur asine ma suma mbus baruna kuana.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Jeremi 22:1

Ma didina mi de mi Jeremi ala: Ang i avo hamul ma Juda-na, ang dum zla ndata.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.