Isai 7:23 - Bible azumeina

²³ Kur bur máma asine ma lara ma a mba fe abu guguzlud’a kua dubu ma guzum ndak ir bege d’a hapa dubuna, mba mi arî aduk kekerezeuna kaweid’a.

Isai 7:23 Iomraidhean Croise

Ad’u Tinda 3:18

Andagad’a mba d’i deyêng aweid’a ki hoholoma; ang mba tahlapma.

Isai 32:10

Ar bizad’a tu ki burâ tcha, agi arop suma nga kaka halasâ, agi mba zlagagiya, kayam sa mba mi dut vud’a guguzlu d’oze awu d’uo d’a.

Isai 5:10

A mba zum palum guguzlud’a hindi, wani vud’ut mba d’i em lidirâ dok vahl hluo ko; a mba zar gemena kä kilona kis, wani mba mi dut ni kilona dogo wü d’a.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Isai 7:24

A mba nduwan kua ki yeûd’a kaguwatna, kayam ambasa pet mba d’i deî ni kekerezeuna kaweid’a.

Jeremi 4:26

An gola, asine ma tub’ad’a mi mbut wa hur fulâ; azì mam ma nglona pet mi to kä woi avok Ma didina abo ayî mam ma bibiliuna.

Ezekiyel 12:20

Azì ma nglo ma suma a nga kaka kurâ mba mi b’lak keyo, ambasa mba d’i ar djona. Hina wani, azi mba wala an ni Ma didina.

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Wana ni mbaktumba hi Oze-d’a 9:6

Fata agi mba ringîgi abo b’lak ka mba d’i mba yam ambasid’a, Ezipte-na a mba yogiya, azì ma Memfis-sâ mba mi mbut ni yima a tozogi kuana. Kekerezeuna mba mi se yam kawei magi ma hap ma djivi ma kal teglesâ, aweid’a mba d’i se kur zlub’u magid’a mi.

Matiye 21:33

Jesus mi dazi kua ala: Agi humugi d’ogol ma dingâ. Sana nga, ni samazina. Mi pe guguzlud’a kur asinemu, mi ge kangâna kamu, mi djugot zula yam ahinad’a á miret guguzlu mamba, mi min gong nga fiyak ka ndjola adugu, mi tchuk suma sunda kur á fe mbiyo mazina kua mi. Mi ge tam mi i yam andaga d’a dinga.

Hebre-na 6:8

Wani le andagad’a nga d’i deî awei-avirina ki himbirâ ni, zlat nga d’i. Ar go Alona mba mi gat vuna, dabi mata ni ngala mi.