Isai 7:18 - Bible azumeina

¹⁸ Fata bur máma mbad’a, Ma didina mba mi yi aro ma avun alum ma Nil-lîna taud’a kayum ma yam ambas sa Asiri-d’ina mi.

Isai 7:18 Iomraidhean Croise

Sawal la giled’a 105:31

Alona mi he vuna; aro ma tchona mi mba, vurutna mi oî yam andaga mazid’a pet mi.

Sawal la giled’a 118:12

Azi ngruvun d’igi ayuma mi ngruf yam sana na; azi nga mit tei d’igi aku d’a ti ngal aweid’id’a na, ki simiyê Ma didina an pleyêzi woi yayak.

Buzuk ka Abud’a 8:21

Faron mi yï Moise azi ki Aron, mi dazi ala: Agi i hagi ahle suma ngat buzuna mAlo magina, kur ambasa ka hî.

Buzuk ka Abud’a 8:24

Faron mi dum ala: Djiviya! An aragiya, agi i hagi ahle suma ngat buzuna mi Ma didina Alo magina nabagei hur fulâ go. Wani agi igi dei d’uo, agi tchenegi kan mi.

Isai 13:5

Azi tcholï ni yam ambas sa deid’a, a tcholï navun dabid’a handagad’id’a. Ma didina ki mam suma dur ayîna yam hur mam ma zalina a mba b’lak ambas ndata woi pet.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 5:26

Ma didina mi hle drapo d’a taka akulo mandjaf suma sä dedeina, nga mi yi andjaf suma dedeina taud’a. Gola! Azi nga b’at tazi á mbad’a atogo zazak.

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Zakari 10:8

An mba ni yazi ki feta, an mba ni togoziya, kayam an nga ni tchuguzi akulo, azi mba zul d’igi azi zul adjeu na.

Gat ta a hat á mbàd’id’a 1:44

Ata yi máma suma Amor suma a nga kaka yam ahina ndatina a buzuk atagiya, a durugi yam ahina d’a Seir-ra, a digigi d’igi ayuma mi dik suma na gak a tchugugi sä Horma.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.

Gat ta a hat á mbàd’id’a 7:20

Ma didina Alo magina mba mi sun azlanguru ma ahlogahlo’â atazi gak mba mi dap suma a ar suma a mba ngei kä avorogina woyo.

Josue 24:12

An sun azlanguru ma ahlogahlo’â ata amulei suma Amor suma mbà ndazina avorogiya, mi digizi woi avorogi dei; nga ni ki mbigeu magi d’a fiyak kuo mi na, nga ni ki yeû magi d’uo mi.