Isai 66:5 - Bible azumeina

⁵ Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Isai 66:5 Iomraidhean Croise

1 Amuleina 21:29

Ang gola! Ahap mi ge wa yam kä avoronu. Kayamba mi ge yam kä d’a, an mba ni mba ndaka yam sum mama kur atchogoi mamba d’i, wani an mba ni mbat ni kur atchogoid’a hi goromid’a.

2 Amuleina 22:10

Safan mi dum kua ala: Ma ngat buzuna Hilkiya mi han mbaktumba tu. Ata yi máma mi ndumut kä avok amulâ.

2 Sunda Hamuleinid’a 34:27

Ang hum zla d’a an dat yam azì ma Jerusalem-ma ki suma a nga kaka kurumid’a woi tetet. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî ni, ni humungû. An Ma didina ni de na.

Esdras 9:4

Ata yi máma suma a le mandara zlad’a hAlona hi Israel-lîna yam tcho d’a suma a tcholï ata yima magomba a latina, a tok gevenu. An ar kaka ata yi máma ki hur ma hata ngola gak ler ra a ngat ahlena buzuna fladeged’a.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 38:20

Wani man suma djangûna a nga kad’enga, va nga mi lazi d’i; suma a noyôn hawa ya’â a nga ablaud’a.

Zla d’a d’ogolâ 13:13

Sama mi gol gata isâ mba fe ndaka, wani sama le mandara vun ma hed’ina, mba mi fe wuraka.

Sawal la kal teglesa 1:6

Ar agi golon tä ala an ni wurad’a d’i, kayam afata ti rumuyun ni ndad’u. B’oziyon suma asuyona, huruzi zal kanu, a tinin á ndjol guguzlud’a, wani an ndjol nga guguzlu manda tata d’i.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 5:19

Sum ndazina a nga dala: Ar Ma didina mi le sun mamba atogo kayam ei wad’u, ar Ma tin tam irat vat yei Israel-lîna mi mbeï ki nga hur máma, mi ndagam vunam kayam ei weiziya.

Isai 60:15

Gagazi, a arak keyo, a noyôk kei mi. Sa nga mi kal avo hatak ki. Wani ki tchetchemba, an nga ni mbud’uk vama subura burâ ki burâ, an nga ni mbud’uk vama furîd’a kur atchogoi d’a lara ge pet mi.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Jeremi 36:16

Kid’a azi hum zla ndata peta, a nde gol ir tazi ki mandarâ, a de mi Baruk ala: Ami i dami zla ndata mamulâ pet.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Matiye 10:22

Suma pet a mba noyôgi woi yam simiyênu, wani sama mi ve tam ad’enga gak dabid’ina, mba mi fe suta.

Wana ni Zla d’a Djivi d’a Luc mi b’irita 13:17

Kid’a nga mi de hina d’a, mam suma djangûna pet a mbut zulona, wani ablau suma a le furîd’a yam ahle suma subura pet suma Jesus mi lazina.

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Jean 9:34

Azi hulong dum ala: Ang ma vud’ung kur tchod’ina, ang ndak á had’ami zu? A digim mbei abu kur gong mazi d’a toka.

2 Tasaloni’â 1:12

Yam sumad’a hAlo meinid’a ki d’a hi Saleina Jesus Christ-sa, agi mba suburugi simiyê Saleina Jesus, mam mba mi suburugi mi.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.

1 Jean 3:13

B’oziyona, le suma duniyad’a a nga noyôgi woyo ni, agi lagi atchap pi.