Isai 66:24 - Bible azumeina

²⁴ Ata yima suma a mba buzuk abuna, a mba we mad’a suma a kak djangûna ki sed’ena tchuka kä. Ndjuvul ma atazina nga mi bo d’i, aku mazid’a nga d’i mit tei d’uo mi, a mba mbut ni vama ndjendjed’a ir suma pet mi.

Isai 66:24 Iomraidhean Croise

Sawal la giled’a 110:6

Mba mi ka sariyad’a aduk andjaf suma. Yina pet mba mi oî ki mad’a suma; mba mi tchi amulei suma yam ambas sa ngolina woyo.

Isai 1:28

Wani mba mi b’lak suma tchila yam gata ki suma le tchod’a woi abo tazi tu, suma a aram mbeina a mba ba woi mi.

Isai 1:31

Sama ad’engâ mba mi mbut ni d’igi miyâd’a na, sun mamba mba d’i mbut ni d’igi aku d’a munda na; a mba ngal lei zla tazi djak; sama ndak á tchat teina nga d’uo mi.

Isai 14:11

Subur ta manga ti nde kä azulei zlapa ki tchina hading mangîna; yang ma burâ ni yam ndjuvulâ, ndjuvulâ mi mbut ni borogo ma zlup kangâ mi!

Isai 24:20

Andagad’a mba d’i hle titigir d’igi sama mi hle titigir abo sümina na, mba d’i mbut ni d’igi domina na, tcho mata mba d’i tchat aneka, ti puk kä, mba d’i tchol akulo d’uo d’a.

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Isai 34:10

Andjege ki faleya ti nga d’i mit tei d’i, andozot mba mi d’uzî hina gak didin. Atchogoid’a katchogoid’a mba d’i mbut ni hur fulâ, sa mba mi kal kua d’uo mi.

Isai 34:3

Mad’azi mi nga tchuka kä andaga, mad’azi nga mi his hir, buzuwazi nga mi djangî kä ata ahinad’a mi.

Isai 48:22

Ma didina mi dala: B’leng nga halasa ti nga ni yam suma asa’atna d’i.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Isai 51:8

Ndjuvulâ mba mi tazi hliwizi d’igi mi te baruna na, mba mi tazi hliwizi d’igi mi te tumus tumiyôna na mi, wani d’ingêr manda mba d’i kak didin, sut manda mba d’i i avogovok kur atchogoid’a katchogoid’a.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Zakari 14:12

Wana ni tugud’ei d’a Ma didina mba mi tum kandjaf suma pet suma a mba mba ki azigar mazina á dur Jerusalem-mba: Nge nge pî hliwim mba mi ndjulup pei akulo kasemu, iram mba d’i ndjulup kur aziyad’u, sinam mba d’i ndjulup avunam mi.

Matiye 3:12

Mam nga kangot mam ma sira abomu, mba mi sir awu mama woi yuyung, mba mi togom kur avir mama, wani mba mi ngal brad’a woi kaku d’a bei mit tei ba d’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.