Isai 66:19 - Bible azumeina

¹⁹ Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Isai 66:19 Iomraidhean Croise

Ad’u Tinda 10:13

Misrayim mi vut suma Lut-na, suma Anam-ma, suma Lehap-ma, suma Naftu-na,

Ad’u Tinda 10:2

Jafet groma ba wana: Gomer, Magok, Madai, Javan, Tubal, Mesek ki Tiras.

Ad’u Tinda 10:22

Sem groma ba wana: Elam, Asur, Arpaksat, Lut ki Aram.

Ad’u Tinda 10:4

Javan groma ba wana: Elisa, Tarsis, Kitim ki Dodanim.

Ad’u Tinda 9:27

Ar Alona mi i Jafet avogo, mi kak kur zlub’ud’a hi Sem-mba; ar Kanan mi ka’î magom mama.

1 Sunda Hamuleinid’a 1:11

Misrayim mi vut suma Lut-na, suma Anam-ma, suma Lehap-ma, suma Naftu-na,

1 Sunda Hamuleinid’a 1:7

Javan groma ba wana: Elisa, Tarsis, Kitim ki Rodanim.

1 Sunda Hamuleinid’a 16:24

Agi dagi woi yam subur mamba avok andjaf suma pet, agi tagagi sun mam mba ndandala woi avok suma pet mi.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Isai 11:12

Mba mi pe drapo d’a taka mandjaf suma ala mam mba mi tok Israel suma a b’rau woina gevemu, mba mi tok andjafâ hi Juda ma b’rau woi yam andagad’a abot ma fid’inina ata yima tuna mi.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.

Isai 2:16

ki bato d’a nglo d’a Tarsis-sa pet, ki bato d’a djif fa suma a minita pet mi.

Isai 29:24

Suma djib’er mazid’a vit teina a mba humunu, suma a nga gureîna a mba he tazi á hata mi.

Isai 42:12

Ar suma a nga kaka yam tilina a gile Ma didina, a de woi yam subur mamba mi.

Isai 42:4

Mba mi mbut amangeîd’a d’i, tam mba d’i tchuk lus suo gak mba mi tin sariyad’a yam andagad’a. Suma a nga kaka yam tilina a mba humum gat mamba mi.

Isai 43:6

An mba ni de mi suma abo ma norâ ala: Agi handjiya! An mba ni de mi suma abo ma sutna ala: Agi d’elezi kä d’i! Agi mbeyegï ki gron suma andjof suma sä deina ki gron suma arop suma sä avun dabid’a handagad’ina mi.

Isai 49:1

Agi suma nga kaka yam tilina, agi humundiya. Agi suma sä deina, agi tinigi humagi humugi mi. Ma didina mi yanï ni kur asun dei, mi de zlad’a ki simiyên ni kid’a an nde woi kur asunda dei mi.

Isai 49:12

Gola! Suma sä deina a nga djïya. Gola! Suma dingâ ni suma abo ma norâ, suma dingâ ni suma abo ma fladegena, suma dingâ ni suma a tcholï yam ambas sa Sinim-mbina mi.

Isai 49:22

Salad’a Ma didina mi dala: Gola! An nga ni hlabon akulo mandjaf suma, an mba mi pe drapod’a akulo mi suma. Azi mba yoï grok suma andjofâ akulo ahlabaziya, azi mba yoï grok suma aropma akulo kelezi mi.

Isai 51:5

D’ingêr manda ti mba go, sut manda nga d’i nde woyo. An mba ni ka sariyad’a kad’eng manda. Suma a nga kaka yam tilina a mba tin huruzi kanu, a mba deng tazi yam ad’eng manda mi.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 52:15

Andjaf suma ablaud’a a mba le atchap kamu, amuleina a mba duk vunazi yam zla mamba, kayam azi mba wäd’u vama a dazizi nga zlam yam tu d’uo na, a mba hum vama azi humum nga yazi tu d’uo na mi.

Isai 55:5

Gola! Ang mba yi andjaf suma ang wazi nga yang tu d’uo na; andjaf suma a wang nga yazi tu d’uo na a mba ring geveng zuzuk, yam an Ma didina Alo mang ma tin tan irat vat yam Israel-lâ ma ni hang ngolîna.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Isai 62:10

Agi suma Jerusalem-ma, agi buzugugi woyo, agi buzugugi woi atogo kur azì ma ngolâ, agi malagi lovota mi suma a nga djïna, agi tozogi zul la kur lovot ta titid’a woyo, agi yogi ahuniyôna woyo, agi pagi drapod’a akulo mandjaf suma mi.

Isai 65:1

Ma didina mi dala: Suma a djobon nga zlan nduo na, an humuziya. Suma a halan nga d’uo na, a fanu. An de mandjaf ma nga mi yan simiyên nduo na ala: An wana! An wana!

Jeremi 46:9

Agi akulumeina, agi igiya! Agi pus ma dur ayîna, agi djangâgi atogo zazak! Ar suma gangrangâ a buzuga! Agi suma Etiyopi-na ki suma Put suma wagi mbareid’a durîna, agi suma Lut suma wagi yet yeûd’ina, agi igiya!

Ezekiyel 27:10

Suma Perse-na ki suma Lut-na ki suma Put-na, azi ni azigar mangâ, a nandjuvei mang suma dur ayîna, a gap mbareid’a ki djumba akulo kurungû, ni azi ba, a nga suburungû.

Ezekiyel 27:13

Suma Javan-na ki suma Tubal-lâ ki suma Mese’â a mbut abozi ni ki sed’engû, a hang magumeina kahle suma a lazi ki kawei ma hleunina á mbut kahle mang suma a nga guzuzi woina.

Ezekiyel 30:5

Suma Etiyopi-na ki suma Put-na ki suma Lut-na ki suma Arabi-na ki suma Libi-na pet, zlapa ki suma a djin vunazi ki sed’ezina, a mba tchazi woi avun ayîna.

Ezekiyel 32:26

Amul ma Mese’â kamul ma Tubal-lâ a nga kua ki azigar mazina. Asud’a hi azigar mazinid’a ti nguyuziya. Suma bei ngat bayâ ndazina pet a tchazi navun ayîna, azi ni suma a mbut suma a nga kaka ki irazi yam andagad’ina mandarâ adjeuna.

Ezekiyel 39:1

Ma didina mi dan ala: Ang gor sana, ang djok vuna mi Gok. Ang dum ala: Salad’a Ma didina mi dala: Gola! Ang Gok, amulâ hi suma Ros-sâ hi suma Mese’â hi suma Tubal-lâ, an nga ni iza atang á durâ.

Ezekiyel 39:6

An mba ni gakud’a yam Magok, yam suma a nga kaka kur tila ki halasina mi. Ata yi máma sum ndazina a mba wala an ni Ma didina.

Daniel 11:18

Bugola, mba mi mbut iram yam suma kur tilina, mba mi yo andagad’a ablaud’a, gak grangâ hi suma dingîna mba mi d’elem avun sun mam mba zulo ndata; sun mam mba zulo ndata mba d’i hulong kamu.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Sofoni 3:10

Suma a kud’urona ki man suma a ndjoyôzi woina, a mba tcholï abo alum ma Etiyopi-na woi hî, a mba mban he d’a hawad’a.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Marik 16:15

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Wana ni Zla d’a Djivi d’a Luc mi b’irita 2:34

Simeon mi dazi kua ala: Ar Salad’a mi ndjunugiya. Mi de mi Marie Jesus asum ala: Alona mi man gor máma ni yam puka ki tchola hi suma ablaud’a aduk Israel-lâ. Mam mba mi mbut ni vama simata hAlonina mi suma kak djangûna ki sed’ema,

Romê-na 15:21

Wani d’igi mbaktumba hAlonid’a ti de na ala: Suma a tchazi nga wal zla mamba d’uo na a mba wat ad’ud’u, suma a hum nga zla mamba d’uo na a mba humut ad’ut mi.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,