Isai 66:14 - Bible azumeina

¹⁴ Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Isai 66:14 Iomraidhean Croise

Esdras 7:9

Mi tcholï Babilon á i Jerusalem mî kur bur ma tuna hi til ma avo’â, mi mba Jerusalem mî kur bur ma tuna hi til ma vahlâ, kayam Alo mam ma djivina iram nga tinda kamu.

Esdras 8:18

D’igi Alo meina iram nga tinda kami na, a mbami ki sama ned’a Serebiya Mali gorom ma ad’u andjafâ hi Levi ma Israel goromina zlapa ki groma ki b’oziyoma, azi ni dogo yam klavandi.

Esdras 8:22

Ni vama zulona iran á de mamulâ tala mi hami azigarâ ki suma djang akulumeina á ngomomi kur tita abo suma djangûna d’a, kayam ami dami mamulâ ala: Alo mamina iram nga tinda kamiya, yam suma pet suma a nga halama. Wani ad’eng mamba kayî mama a nga yam suma a nga noyôm mbeina.

Esdras 8:31

Ami tcholomi avun alum ma Ahava-na kur bur ma dogo yam mbàna hi til ma avo’â á i Jerusalem. Alo meina iram nga tinda kami á ngomomi abo mami suma djangûna, abo suma pet suma a nga burumi kä glovotna mi.

Sawal la giled’a 107:42

Suma d’ingêrâ a we hina, a le furîd’a; suma bei d’engzengâ vunazi mi seng silil mi.

Zla d’a d’ogolâ 17:22

Kak kä ki hur ma hapmid’a ni kuma ma djivina, wani kak kä ki hur ma wuranid’a ti id’ingî id’a.

Zla d’a d’ogolâ 3:8

Ahle ndazina a mba mbut ni lafiya d’a yam hliwinga, ni b’leng nga halas sa yam asogonga mi.

Isai 10:5

Ma didina mi dala: Ni zla d’a hohoud’a yam suma Asiri sumala ni totogo man nda hurun le mi zala ba, an to ki suma d’a. Azi ni tatagam man ma an to ki sumina mi.

Isai 13:5

Azi tcholï ni yam ambas sa deid’a, a tcholï navun dabid’a handagad’id’a. Ma didina ki mam suma dur ayîna yam hur mam ma zalina a mba b’lak ambas ndata woi pet.

Isai 26:19

Magi suma matna a mba hulong zlit akulo, mad’a sum mana a mba tchol akulo. Suma a nga kaka kä aduk andaga d’a gugud’upina, a mba hulong zlit akulo, a mba er ad’uzi akulo ki furîd’a. D’igi mbad’ï magid’a ti d’idje andagad’a ahlena a gra na, andagad’a mba d’i hulong tchol ki suma a bona akulo hina mi.

Isai 26:20

Sum mana, agi igiya, agi tchugugi klavi hatagiya, agi dugugi vun gonga blogogiya, agi ngeyegi tagi ndjö gak ayî mama mi kal lei tua.

Isai 30:27

Gola! Ma didina mi tcholï ata yima deina, nga mi djïya, nga mi vat tei kayîna tutunuk, vunam mi nga tchurota woi kayîna, zla d’a nga d’i ndavunamba ni d’igi aku d’a ti ngal yinid’a na.

Isai 33:20

Ang mba we Siyon azì mei ma ngol ma lü vun tilâ, ang mba we Jerusalem kur bur ma halasâ ni d’igi zlub’u d’a a mba djogot tei d’uo d’a tcheble matna a mba pad’am mbei d’oze ziyo matna a mba bud’um mbei d’uo mi d’a na.

Isai 34:2

Kayam Ma didina hurum mi zal yam andjaf suma pet, hur mam ma zal ma gugulu’â mi nga yam azigar mazina mi. Mi nga hurum á dabazi woyo, mba mi tchimizi woi ngingidjip mi.

Isai 35:2

B’od’a mba d’i nguyum kä, mba mi le furîd’a, mba mi hle sawal la bangâna ki hur ma hapma. Ma didina mba mi hum subura hi Liban-nda, mba mi hum djifâ hi Karmel-lâ ki ma hi Saron-na. Suma a mba we subura hi Ma didinid’a ki wiled’a hAlo meinid’a mi.

Isai 41:20

kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 58:11

Ma didina mba mi ndjunugi teteu, mam mba mi hobogi ata yima so ma gangrasâ, mam mba mi hulong mi hagi ad’enga atagiya. Agi mba mbud’ugi ni d’igi asine ma a rabam mbinina na, d’igi golong nga mbiyo matna nga mi so d’uo d’a na mi.

Isai 59:18

Mba mi wurak nge nge pî ndak yam sun mamba, mba mi wurak mam suma huneîd’a kayî mama ndak yam sun mazid’a, mba mi wurak mam suma djangûna ndak yam sun mazid’a, mba mi wurak suma a nga kaka yam tilina ndak yam sun mazid’a mi.

Isai 66:5

Agi suma nga humugi zlad’a hi Ma didinid’a ki mandarâ ki zlakina, agi humugi zla d’a b’oziyogi suma a noyôgi a aragi woi yam simiyêna a nga data. A nga dala: Ar Ma didina mi tak subur mamba woyo, ami wami furî magid’a mi. Wani ni azi ba, a mba mbut zulona.

Zakari 10:7

Suma Efraim-ma a mba mbut ni grang suma durâ, a mba le furîd’a kuruzi krovo d’igi suma a le furîd’a ki süm guguzlud’a na. Grozina a mba we, a mba le furîd’a, a mba le furîd’a kuruzi krovo yam an Ma didina.

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Hebre-na 10:27

Wani vama arâ ba wana: Ei nga djubi ki mandarâ sariya d’a nga d’i mbad’a hAlonid’a kaku d’a bibiliu d’a mba d’i ngal suma bei hum vun Alonina woid’a.