Isai 66:11 - Bible azumeina

¹¹ Hina wani, agi mba hobogi ki b’leng hur ma ndat ti b’lengêgizina d’igi gogor ma asum mbi hum apona mi tchum ki furîd’a adigatna na.

Isai 66:11 Iomraidhean Croise

Sawal la giled’a 36:8

Alo mana, djivi mang nga kal teglesa ti ngola heî. Suma a ngei tazi nad’u gigingângû.

Isai 49:23

Amuleina a mba mbut nabuyok suma a wulu’â, amulei suma aropma a mba mbut nasuyok suma a wulu’â, a mba grif kä avorok ki irazi andaga, a mba trâk gugum ma huyok ase’â woyo. Ndak mba d’i wala an ni Ma didina. Suma a tin huruzi kana a mba mbut zulona d’i.

Isai 60:1

Ndak Jerusalem, ndak tchol akulo, ndak wile kayam b’o maka nga d’i nde woyo, subura hi Ma didinid’a nga d’i tchol akulo kagu, nga d’i b’o kak d’igi afat ta ti deî d’a na.

Isai 60:16

Andjaf suma kamulei mazina a mba wulugu. Ata yi máma ndak mba d’i wala an Ma didina ni ma sud’u’â, an ni ma sib’ika hi Jakob-ma, an ni ma wurak ka’â mi.

Isai 60:2

Gola! Nduvunda ti duk wa yam andagad’a, yima wurana mi duk wa yam andjaf suma mi. Wani Ma didina mba mi tchol akulo á b’o woi kagu, subur mamba mba d’i b’o woi kak mi.

Isai 60:5

Ndak mba d’i we, hina wani, tak mba d’i lak djivid’a, huruk mba mi oî ki furîd’a, tak mba d’i lak djivid’a mi. Kayam ndjondjoî d’a kur alum ma ngolîd’a mba d’i mba avo hatagu, ndjondjoîd’a handjaf sumid’a mba d’i mba avo hatak mi.

Isai 62:2

Ata yi máma andjaf suma a mba we sut ta Ma didina mi sud’uka, amuleina pet a mba we subur maka, a mba yak ki simi ma awili ma Ma didina mba mi yakina.

Joel 3:18

Kur bur máma süm guguzlud’a mba mi djangî kä yam ahuniyôna, ambira mba d’i djangî kä akulo yam yima ndingâ, toliyon nda Juda-d’a pet mba d’i lau mbina, mbina mba mi lawï kur gong nga kud’ora hi Ma didinid’a, mba mi rap yam hor ra Sitim-mba.

1 Pierre 2:2

Ar agi had’agi hurugi yam apo ma djivina d’igi gugurei suma vut awilina na, nala, yam zlad’a hAlonid’a, kayam agi wulugi akulo kur sut magid’a.