Isai 65:9 - Bible azumeina

⁹ An mba ni buzugï kandjafâ aduk suma hi Jakob-ma, an mba ni buzugï kandjafâ aduk suma hi Juda-na á tahuniyô mana djona. Suma an manazina a mba tambasa djona, azungeî mana a mba kak kat mi.

Isai 65:9 Iomraidhean Croise

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Isai 30:19

Agi suma Siyon suma nga kaka Jerusalem-ma, agi mba tchigi d’uo d’a. Fata agi yumba, mba mi vagi sumad’a! Ata yima mba mi hum tchi maginina, mba mi hulongôgi humba mi!

Isai 32:18

Sum mana a mba kak ki b’leng nga halasa, a mba kak bei va lazi ba, a mba kak kur yima kak ma tchugotna mi.

Isai 45:19

An de nga zlad’a kur yima ngeid’a d’oze kur yima nduvunda d’i, an de nga mandjafâ hi Jakob-ma ala a halan hawa yagu d’i. An Ma didina ni de ni zla d’a d’ingêra, ni de ni zla d’a irata mi.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 57:13

Fata agi tchigid’a, ar filei magi ma ablauna mi prud’ugi woyo, ar simetna mi yozi woi pet, ar fod’a ti felezi woi mi. Wani sama ngei tam atana, mba mi tambasa djona, mba mi kak yam ahina man nda an tinit irat vata mi.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 65:15

Simiyêgi mba mi arî vama suma an manazina a ge ki vuna mi suma ala: Ar Salad’a Ma didina mi tchagi woyo na. Wani an ni tin azungeî mana simi ma dingâ.

Isai 65:22

Azi mba min azina, sama ding mba mi kak kua d’i; a mba paguna, sama ding mba mi tum vud’um mbuo mi. Kayam sum mana a mba te tatâ d’igi aguna mi te tatâ na, suma an manazina a mba le furîd’a yam sun nda a mba lat kabozid’a mi.

Ezekiyel 36:24

An mba ni yogï woi aduk andjaf suma dingâ, an mba ni togogï yam ambas sa agi b’rawagi woi kuad’a pet. An mba ni hulongôgï yam andaga magid’a.

Sofoni 3:20

An Ma didina nga ni dagi kua: Kur atchogoi ndata an mba ni hulongôgïya, natchogoi d’a an mba ni togogi kuad’a, kayam an mba ni mbud’ugi ni vama simiyêm yina ki vama giled’a aduk andjaf suma pet suma yam andagad’ina fata an hulongî magi suma a yozi magombina kä iragid’a.

Matiye 24:22

Wani ladjï Alona mi dadak burâ go d’uo ni, sana mba mi fe suta d’i. Wani ni kayam suma mi manazina ba, mi dadagï ki burâ wana.

Romê-na 11:28

Ni yam Zla d’a Djivid’a ba, Juif-fâ a mbut suma djangûna kAlona kagiya. Wani yam man nda Alona mi manazid’a, mi le kazi ngola ni yam abuyozi ngolo.