Isai 65:7 - Bible azumeina

⁷ An mba ni wuragagi yam tcho magid’a ki d’a habuyogi ngolod’a. Kayam a ngal dubang ma his djivid’ina yam ahuniyôna, a mbud’un zulona yam yima ndingâ mi. An mba ni wuragazi ndak memet yam sun mazi d’a azi lat adjeud’a.

Isai 65:7 Iomraidhean Croise

1 Amuleina 22:43

Mi le sun nda d’ingêra d’igi abum Asa na, mi lahle suma djivina avok Ma didina mi.

1 Amuleina 22:44

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’a kuana kä woi d’i.

2 Amuleina 12:3

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Amuleina 14:4

Hina pî mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Amuleina 15:35

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i. Ni Jotam ba, mi min vun agrek ma akulo nding ma avun gong nga kud’ora hi Ma didinid’ina.

2 Amuleina 16:4

Mi hahle suma ngat buzuna ki dubang ma his djivid’ina yam yima ndingâ, yam ahuniyôna, ad’u agu ma lara ma angusâ mi.

2 Sunda Hamuleinid’a 21:11

Joram mi min yima kud’or fileina yam ahina d’a Juda-d’a, mi zut suma avo Jerusalem-ma ki suma Juda-na á le gaulangâ mi.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 13:11

Ma didina mi dala: An mba ni ngop suma yam andagad’ina yam asa’at mazid’a, an mba ni ngop suma asa’atna yam tchila mazid’a, an mba ni hulong suma yam mba ad’enga yazi kä, an mba ni hulong suma subur tazi suma te yam suma kad’engina yazi kä mi.

Isai 22:14

Ma didin ma ad’engêm kal petna mi tagan zla ndata woyo. Mi dala mam mba mi vat hurum mbei yam tcho magi ndata d’i gak mat magina! Salad’a Ma didin ma ad’engêm kal petna mi de na.

Isai 26:21

Kayam Ma didina mi nde woi ata yam ma kaka á ngop suma yam andagad’ina yam tcho mazid’a. Andagad’a mba d’i ar yam buzuna hi suma a tchazina woi pid’agi, mba d’i ngei suma a tchazina kä d’uo d’a.

Isai 28:21

Kayam Ma didina mba mi tchol akulo d’igi mi tchol yam ahina d’a Perasim-mba na, mba mi tchol ki hur ma zala d’igi mi tchol ki hur ma zala kur hor ra Gabawon-nda na á le sun mam mba atchapa, á ndak vun sun mam mba yoyouna mi.

Isai 29:14

Kayam ndata, an nga ni zut sum ndazina á le atchap yam ahle man suma yoyouna kahle man suma ndandalâ avogovogo. Ned’a hi mazi suma ned’a mba d’i dap peyo, wed’a hi mazi suma wäd’u ahlenid’a mba d’i vit tei mi.

Isai 3:11

Wani ni zla d’a hohoud’a yam sama asa’atna! Mam mba mi fe ndaka, kayam a mba wuragam yam sun nda mam tam mi lat kabomba.

Isai 30:13

tcho ndata mba d’i ari kagi d’igi gong nga ti wak zizirik ti hal á dris kä woid’a hina, d’igi gulumun ma fiya’â mi wak mi zirik kä atogo zak na mi.

Isai 30:14

A mba tom mbei d’igi sama min deina mi tom mbei kikizek bei fe anduruna á yo kakud’a kur givina d’oze á gul ki mbina golong ba na.

Isai 57:12

An mba ni de woi yam d’ingêr magid’a ki sun magid’a; agi mba fagi va ki sun magid’a d’i.

Isai 57:7

Ni yam ahina d’a fiyak ka akulo dei ba, agi nga tinigi azang magi ma burâ kua á le tchod’a. Ni kua ba, agi nga djagagi á hagi ahle suma ngat buzuna mi.

Isai 59:18

Mba mi wurak nge nge pî ndak yam sun mamba, mba mi wurak mam suma huneîd’a kayî mama ndak yam sun mazid’a, mba mi wurak mam suma djangûna ndak yam sun mazid’a, mba mi wurak suma a nga kaka yam tilina ndak yam sun mazid’a mi.

Isai 65:6

Gola! Ahle ndazina a nga b’ira kä avoronu. An mba ni kak mudjuk ki. An mba ni min zla mazid’a, an mba ni wuragazi ndak yam sun mazid’a memet.

Isai 66:4

Wani an mba ni mba ki ndaka kazi yam sun mazi d’a ndjendje ndata, an mba ni mba kahle suma mandarâ kazi kayam an yiya, wani sa mi hulongôn nga humba d’i, an de zlad’a, wani azi humun nga d’i. A le ni sun nda tchod’a avoronu, a man ni vama an tan nga d’i lan djivid’a kam mbuo na mi.

Jeremi 13:25

Ma didina mi dala: Ndak Jerusalem, wana ni vama an ngaksi ka’â, wana ni b’rau maka, kayam ndak maranu, kayam ndak tin huru’î yam zla d’a kad’a mi.

Jeremi 13:27

An we mizeu ma’â ki breî mak ka d’igi akulumeina na d’a ki gaulang mak ma akulo yam yima ndingâ kabagei kelâ, an we sun mak ka ndjendjed’a mi. Ndak Jerusalem, ni zla d’a hohoud’a kagu. Ndak mba mbut tak yed’et tuo hina gak mindja ge?

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 5:29

Ma didina mi dala: An mba ni ngop yam ahle ndazina d’uo zu? An mba ni hlatchugula kandjaf ma hina na d’uo zu?

Jeremi 5:9

Ma didina mi de kua ala: An mba ni ngop yam ahle suma hina na d’uo zu? An mba ni sä atchugula kandjaf ma hina na d’uo zu?

Ezekiyel 18:6

Sama hina na nga mi tahle suma a hazi mi fileina akulo yam ahuniyônina d’i, nga mi tin iram yam fileina hi Israel-lîna d’i, nga mi lop vun atchad’a hi ndram ma azinid’a d’i, nga mi hut go gen atchad’a ata yima buzuna mi fatna d’i,

Daniel 9:8

Gagazi, Salad’a, zulona nga mi lami ami kamulei mamina ki mami suma nglona kabuyomi ngolo yam tcho d’a ami langzid’a.

Wana ni mbaktumba hi Oze-d’a 11:2

Wani Israel-lâ a wal tazi woi ki an Ma ni yazina, a hahle suma ngat buzuna mi Bäl, a ngal dubang ma his djivid’ina mi fileina mi.

Wana ni mbaktumba hi Oze-d’a 2:13

An mba ni d’elet furî mata kur vun til matna, kur vun til mat ma ti luwum kur bur ma tilâ mi deî awilina, kur bur mat ma sabatna, kur vun til mat ma lara ge pet ma a ngama mi.

Sunda hi suma hi Levi-nid’a 26:39

Suma a mba ar adigagina, a mba mbut amangeîd’a yam tcho mazid’a kur ambasa hi mazi suma djangûnid’a, a mba mbut amangeîd’a yam tchod’a habuyozi ngolod’a mi.

Ndumba 32:14

Gola! Agi hlagi ni balum abuyogi d’igi ades ma le tchod’a na á djo ayîna hi Ma didinina ma bibiliuna akulo yam Israel-lâ kua.

Wana ni Zla d’a Djivi d’a Luc mi b’irita 6:38

Agi hagi mi suma, Alona mba mi hagi mi. Kur nga d’a djivi d’a kota, azi mba oyôgizi vunadigagiya, a mba gazad’u, mba d’i sulul kä woyo. Kayam Alona mba mi ngagi ni ki nga d’a agi ngagi ki mi suma dingîd’a.

1 Tasaloni’â 2:16

A hal á d’elemi á tchi wala mandjaf suma dingâ yam zla d’a ndak á sud’uzid’a. Hina azi nga ndak vun tcho mazid’a. Wani ayîna hAlonina mi mba wa kazi gagazi.