Isai 65:23 - Bible azumeina

²³ Azi mba le sun nda hawa yaka d’i, a mba vut grona bei mandarâ. Kayam azi nandjaf ma an Ma didina ni b’e vunan kama, grozina a mba kak zlapa ki sed’ezi mi.

Isai 65:23 Iomraidhean Croise

Ad’u Tinda 12:2

An mba ni zulung andjavang ngola, an mba ni b’e vunan kangû, simiyêng mba mi yï ngola; ang mba arî sedeî b’e vuna.

Ad’u Tinda 17:7

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

Wana ni mbaktumba hi Job-pa 21:8

Andjavazi nga mi fad’enga ki sed’ezi kä iraziya, grozina a nga zul avogovok kä irazi mi.

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Isai 49:4

Wani an dala: An kau tan ni hawa; ni hawa hina yak ba, an nga ni dap ad’engên ndeyo; doli wani zla manda nabo Ma didina, wurak manda nabo Alo mana mi.

Isai 55:2

Ni kayam me ba, agi wuragagi beged’a yam vama ala nga ni vama tena d’uo na ge? Ni kayam me ba, agi nga kawagi tagi yam vama nga mi hop sa d’uo na ge? Agi humunu, agi mba tagi vama djivina. agi mba d’orogi kahle suma mbul suma sor kä djudjuguna.

Isai 61:9

A mba wazi andjavazi aduk suma, a mba wazi grozi ngolona aduk suma mi. Suma pet suma a mba wazina a mba wala azi nandjaf ma Ma didina mi b’e vunam kama.

Isai 66:22

Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.

Ezekiyel 36:29

An mba ni mbud’ugi woi yed’et kur ndjendje magi d’a lara ge pet, an mba ni hagi gemena, an mba ni wulumu, an mba ni ar baktarad’a ti nde kagi d’uo d’a.

Sunda hi suma hi Levi-nid’a 26:20

Ad’eng magid’a mba d’i dap pei ni hawana, andaga magid’a mba d’i wul awuna d’uo d’a, agu magina mba mi vut awilid’a d’uo mi.

Sunda hi suma hi Levi-nid’a 26:22

An mba ni sunï amburei suma ayîna a mba vigigi grogina, a mba vigigi d’uwar magina; agi mba feyêgiya, lovot magid’a mba d’i se asuna.

Sunda hi suma hi Levi-nid’a 26:29

Agi mba mud’ugi grogi suma andjofâ ki grogi suma aropma mi.

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.

Wana ni mbaktumba hi Aze-d’a 2:19

Na ni awu nga kä kur avurei magina d’ei zu? Guguzlud’a, tuluma, agu grenatna kagu olifâ pî, a vut nga d’i, wani kur bur ma inina an nga ni b’e vunan ndei kagiya.

Malatchi 3:10

An min ala agi mbeyegi ki dima pet kur gong nga ngom ahlena, kayam tena mi kak kur gong man nda kud’ora. Agi kugun an Ma didin ma ad’engên kal petna hina gi, agi mba wagiya, le an malagi nga ir mbiyo ma akulona d’uo, le an hagi nga ahle suma djivina ngola kal kagi d’uo ni, agi mba wagi ko.

Sunda hi suma a sunuzinid’a 2:39

Kayam vun ma hle mama ni kagi ki grogina ki suma sä deina pet ki suma Salad’a Alo meina mba mi yazina pet mi.

Romê-na 4:16

Kayam Alona mi hlum vunamî yam he gagazid’a, kayam ti ka’î d’igi he d’a hawa mamba na yam andjafâ hi Abraham-ma pet; nga ni yam suma a ge yazi kä ad’u gatina hol li, wani ni yam suma a he gagazid’a d’igi Abraham na na. Mam nabui pet,

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.