Isai 65:16 - Bible azumeina

¹⁶ Sama mi min ala mi b’e vuna kam ki simiyê ambasa na, mba mi b’e vuna kamî ki simiyên an Alo ma gagazina. Sama mi min gun tam ki simiyê ambasina mba mi gun tamî ki simiyên an Alo ma d’engzengâ, kayam ndak ka kal leid’a a mba mar rei kad’u, a mba ngeyet tei iran mi.

Isai 65:16 Iomraidhean Croise

Wana ni mbaktumba hi Job-pa 11:16

Ang mba mar rei yam ndak manga d’igi sana mi mar rei yam mbiyo ma djang ngeina na.

Sawal la giled’a 31:5

Ang mba sud’un ndei kur dau ma azi gunum kä gumun avorona, kayam angî sama ngomona.

Sawal la giled’a 63:11

A mba tchazi ki mbigeu d’a fiyaka, a mba mbut ni vama ved’a hi ngûnina.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Buzuk ka Abud’a 34:6

Ma didina mi kal avoromu, nga mi yi simiyêm ala: An ni Ma didina, an ni Ma didina, an nAlo ma we hohoud’a, an nAlo ma sumad’a, an nga ni mbut ayîna atogo d’i, an ni ma djivi manda kal teglesâ, an ni ma d’engzengâ mi.

Isai 11:16

Mba mi mal lovota avok mam suma a mba ar abo suma Asiri-nina d’igi mi mal lovota woi yam tu avok Israel-lâ kur bur ma mi buzuguzï woi kur ambas sa Ezipte-d’ina na.

Isai 19:18

Kur bur máma azì ma nglo ma Ezipte-na vahl suma kuruma a mba de ni vun Hebre-na, a mba gun tazi ki simiyê Ma didina. Azì ma dingâ adigazi tu a mba yum ala Azì ma ngol ma b’laka.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 48:1

Agi suma hi Jakob suma nga yagi tagi ki simiyê Israel-lîna, agi suma buzugugi ad’u andjafâ hi Juda-nina, agi suma nga gunugi tagi ki simiyê Ma didinina, agi suma nga tchenegi Alona hi Israel-lâ bei gagazid’a bei d’ingêra ba na, agi humugiya.

Isai 54:4

Ndak le mandar ri, kayam ndak mba d’i mbut zulona d’i; ndak tchuk susub’ok ki, kayam sa mba mi mangâk kei d’i. Wani ndak mba d’i mar rei yam zulo mak ma lak ki gogoro’â, ndak mba d’i djib’er yam zulo mak ma kur modono makina d’uo mi.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 65:19

An mba ni mbut Jerusalem hur man ma hapma, sum mana ni furî manda mi. A mba hum siwela hi tchina d’oze wulula kurut tuo mi.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 12:16

Le azi a hat gata hi sum manid’a, le azi nga gun tazi ki simiyên ala Ma didina ni ma bei matna ba na d’igi adjeu azi hat sum mana a gun tazi ki simiyê Bäl na ni, an mba ni tinizi aduk sum mana tua.

Jeremi 31:12

Azi mba mba yam yima nding ma Siyon-na ki sawal la furîd’a, tazi mba d’i lazi djivid’a yam ahle suma a mba fazi abo Ma didinina, nala, gemena, süm guguzlu d’a awilid’a, mbulâ, tumiyôna, b’ogeina kamuzleina mi. Azi mba mbut ni d’igi asine ma a nga rabam mbinina na. Va mba mi mbud’uzi mandar bugol luo d’a.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Daniel 12:11

A mba tin ad’ud’a kur bur ma a mba d’el ahle suma ngat buzu suma a hazi mAlona burâ ki burîna gak vama tcho ma ndjendje ma kal teglesâ a mba tinim akulo yam yima ngal ahle suma ngat buzuna, a mba le burâ 1290.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Romê-na 14:11

Kayam mbaktumba hAlonid’a ti dala: Ma didina mi dala: An ni Ma bei matna. Kayam ndata, suma pet a mba tchuk guguvazi kä avoronu, a mba de woi ala an nAlona mi.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

Filip-ma 2:11

ar suma pet a dala: Jesus Christ ni Salad’a mi, yam subura hAbum Alonid’a.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.