Isai 65:12 - Bible azumeina

¹² an nga ni hagi woi avun ayîna. Agi pet mba grivigi kä á ngad’agiya, kayam an yagiya, wani agi hulongôn nga humba d’i, an dagi zlad’a, wani agi humugi nga d’uo mi. Wani agi lagi ni sun nda tchod’a avoronu, agi managi ni vama tan lan nga djivi kam mbuo na mi.

Isai 65:12 Iomraidhean Croise

Isai 1:16

Agi mbuzugi tagi woyo, agi mbud’ugi tagi woi yed’et, agi aragi sun magi d’a asa’at ta agi lat avoronda woyo, agi aragi tcho d’a led’a woi mi.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Isai 3:25

Ndak Jerusalem, sum ma’â, a mba tchazi ki mbigeu d’a fiyaka, grang ma’â, a mba tchazi avun ayîna.

Isai 34:2

Kayam Ma didina hurum mi zal yam andjaf suma pet, hur mam ma zal ma gugulu’â mi nga yam azigar mazina mi. Mi nga hurum á dabazi woyo, mba mi tchimizi woi ngingidjip mi.

Isai 34:5

Gola! Mbigeud’a hi Ma didinid’a ti ndeï woi kur akulod’a. Nga d’i ka suma Edom suma Ma didina mi kazi sariyad’a kazi á dabazi woina.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 41:28

An gola, wani sa nga d’i. Sama adigazi ma ndak á dan zlad’a d’oze mi hulongôn humba yam djop pa an mba ni djobota nga d’i.

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Isai 59:15

Gagazid’a ti nga d’i, sama min á le tchod’a d’uo na, a nga hurumumu. Ma didina mi wala ni tchod’a ni kayamba d’ingêra ti nga d’uo d’a.

Isai 63:6

Kur ayî mana an miret suma kä kasenu, an gurud’uzi woi kayî man ma bibiliuna, an vozi buzuwazi kä woi andaga mi.

Isai 65:3

Ni suma a nga zalan hurun burâ ki burâ bei ara ba na, ni suma a nga ngat ahle mazi suma ngat buzuna hur asinenina, a nga ngal dubang ma his djivid’ina yam yima ngal dubang ma his djivid’a ma a minim ki derengelîna.

Isai 66:16

Ni kakud’a ba, Ma didina nga mi ka sariya mamba, nga mi ngop suma pet ki mbigeu d’a fiyaka. Ablaud’a a mba bo abo Ma didina.

Jeremi 16:17

Kayam iran nga tinda yam tit mazid’a, ti nga ngeid’a iran ndi, tchila mazid’a nga vita iran nduo mi.

Jeremi 18:21

Kayam ndata, ang ar baktarad’a ti mba yam grozina, ang tchuguzi azi tazid’a avun ayî ma durâ. Ar amiyôzina a kak hawa bei grona, a ar modonod’a! Ar matna mi tchazi andjuviyoziya, ar azungeî mazina a tchazi woi avun ayîna ki mbigeu d’a fiyaka!

Jeremi 34:17

Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Jeremi 35:17

Ni kayam ndata ba, an Ma didina Alo ma ad’engên kal petna, Alona hi Israel-lîna, nga ni dagiya: Gola! An nga ni mba ki ndak ka an dat zlata yam suma Juda-na, yam suma a nga kaka kur Jerusalem-ma pet mi, kayam an dazi zlad’a, wani azi humun nga d’i; an yaziya, wani azi hulong nga humba d’uo mi.

Jeremi 7:13

An Ma didina nga ni dagiya: Ki tchetchemba, agi lagi wa tcho d’a lara ge pet. An dagi zlad’a, wani agi humun nga d’i; an yagiya, wani agi hulongôn nga humba d’i.

Jeremi 7:27

Ang Jeremi, le ang i dazi zla ndata hina pet pî, azi mba humung ngi. Le ang yazi pî, azi mba hulongông humba d’uo mi.

Sunda hi suma hi Levi-nid’a 26:25

An mba ni mba kayî ma durâ kur ambas magid’a á hlatchugulun yam vun ma djin ma an djinim ki sed’egina. Fata agi mba togogi kur azì magi ma nglonid’a, an mba ni sunï tugud’ei djabuma adigagiya, an mba ni hagi abo magi suma djangûna.

Zakari 7:7

Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?

Matiye 22:3

Mi sun azungeî mama á yumï suma mi yazi yam te ma telina, wani azi min á mba d’i.

Matiye 22:7

Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.

Jean 1:11

Ti mba avo hatad’u, wani sum matna a vat nga atazi d’i.

Gat ta a hat á mbàd’id’a 32:25

A mba tchazi ki mbigeu d’a fiyaka ir palumba; a mba bo avo hur azina abo mandarâ. Matna mba mi tchi suma pet, azungeîna, yuguneina, momorogeina, ki kem mba tchapona mi.