Isai 64:8 - Bible azumeina

⁸ Ma didina, ar hurung zal kal lei kang ngi, ar ang djib’er yam tcho mamid’a teteu d’uo mi. Ar ang wami ala ami pet ni sum mangâ.

Isai 64:8 Iomraidhean Croise

Wana ni mbaktumba hi Job-pa 10:3

Na ni djivid’a irang á lang tchod’a, á gol vama ang luma is, á ndjun zla d’a suma asa’atna a nga huruzi kata zu?

Sawal la giled’a 100:3

Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

Sawal la giled’a 119:73

Nabong ba, mi lanu, mi siran ni mam mi; ang han ned’a kayam an hat vun mang ma hed’a.

Sawal la giled’a 138:8

Ma didina, ang mba lahle suma djivina yam anu; Ma didina, o manga nga d’i dap pi, ang ar sun nda ang lat kabonga woi d’i.

Sawal la giled’a 74:1

Ni sawal la gile d’a Asaf mi hlata. Alo mamina, ni kayam me ba, ang arami woi ki irang hina fafat ke? Ni kayam me ba, hurung zal ata ami tumiyô mang suma ang nga polomina na ge?

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Buzuk ka Abud’a 32:12

Le ang le hina ni, Ezipte-na a mba dala: Mi buzuguzi woi kur ambas sa Ezipte-d’a ná lazi tchod’a, ná tchazi woi yam ahinad’a, ná dabazi woi yam andagad’a doliyo! Ma didina, ar hurung b’lengâ, ar ang le sum mangâ tchod’a d’i.

Buzuk ka Abud’a 4:22

Ang i de mi Faron ala: Ma didina mi dala: Israel ni gorona, ni goron ma ngolâ.

Isai 19:25

Ma didin ma ad’engêm kal petna mba mi b’e vuna kazi ala: An nga ni b’e vuna yam man suma Ezipte-na, yam suma Asiri sumala ni sun nda an lat kabonda d’a, yam Israel sumala ni djo mana na mi.

Isai 29:16

Agi vid’igi ni vid’a me tchotchod’a na ge? Na ni a mba ndjak sama min deina ki lubuna tu zu? D’oze vama sana mi luma mi de yam salam ma luma ala mi lan nga d’uo zu? D’oze deina mi de yam salam ma minima ala mi ni ma bei wed’a d’a zu?

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 43:7

Agi mbeyegï ki suma pet suma a nga yan simiyêna, suma pet suma an lazina, suma an tchuguzina, suma an minizi á tagan subur manda woina mi.

Isai 44:21

Ma didina mi dala: Agi Israel suma hi Jakob-ma, ar agi maragi d’i. Agi nazungeî mana, an minigi kayam agi kagagi azungeî mana. Agi Israel-lâ, an mba ni mar kagi d’i.

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Isai 45:11

Ma didin ma tin tam irat vat yam Israel ma mi minima mi dala: Na ni sana ndak á djobon yam vama nga mbana, d’oze mi han vuna yam grona ki sun nda an lat kabonda mi zu?

Isai 45:9

Ni zla d’a hohoud’a yam vama nga mi tchi tuguyod’a ki sama minima. Dei ma aduk dei ma andagad’a ma mba mi de mi sama minima ala: Ang le ni me na ge na nga zu? D’oze vama sana mi luma mba mi de mi sama mi luma ala: Na ni abong mi nga ko zi ge zu?

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Isai 63:16

Kayam angî Abumiya. Abraham mi wami nga d’i, Israel ko mi wami nga d’ala ami ni na d’a d’uo mi. Ni ang Ma didina tu ba, nAbumiya, ni ang ma yang kad’u tinda dedei ala Mami ma sutä na.

Isai 63:8

Adjeu mi dala: Gagazi, azi ni sum mana, azi ni gro suma bei ka zlad’a ba na. Kayam ndata, mam mi ma sud’uzina.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Malatchi 2:10

Na ni ei pet abui ni tu d’uo zu? NAlo ma tu máma ba, mi lei d’uo zu? Ni yam me ba, ei nga mbud’i ir tei á b’lak vun ma djin ma Alona djinim kabuyoina ge?

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Gat ta a hat á mbàd’id’a 32:6

Agi suma lilid’a, agi suma bei wad’ud’a, ni hina ba, agi tid’igi avok Ma didina zu? Mi nga nabugi ma lagina d’uo zu? Ni mam ba, mi lagi mi siragi mi d’uo zu?

Gat ta a hat á mbàd’id’a 9:29

Hina pet pî, azi ni mang suma ang tazi djonina, ni suma ang buzuguzï woi avo Ezipte ki sib’ik mang nga kal teglesa ki bigang nga nga zid’a kang akulo zid’ina.