Isai 64:4 - Bible azumeina

⁴ Ang nga tit ki sama tam nga d’i lum djivid’a á tit yam d’ingêrina, ki suma a nga djib’er kang kur tit mazid’ina mi. Wani ang hurung zal kami ni kayamba ami lami tchod’ïd’a. Le ami nga kurut hina baba ni, ami mba sud’umi woi ni nana ge?

Isai 64:4 Iomraidhean Croise

Ad’u Tinda 49:18

Ma didina, an djib’er ala ang nga sud’unu!

Esdras 9:7

Kur atchogoid’a habuyomi ngolod’a dei gak ini zlad’a vamiya. Ni kayam tcho mami ndata ba, ang hami woi kamulei mamina ki mami suma ngat buzuna abo amuleina hi suma dingîna, á tchamiya, á lami magomba, á hurumumi d’igi a nga lami irami houd’a gak ini na mi.

Sawal la giled’a 103:18

yam suma a nga ngom vun mam ma djindina, yam suma a nga djib’er yam gat mamba á ndagat memetna mi.

Sawal la giled’a 130:5

An nga ni tin hurun yam Ma didina ki tan pet, an nga ni djup mi zla mam mba ded’a.

Sawal la giled’a 31:19

Ar ang duk vun suma ka zla suma a nga de zla d’a tchod’a mi suma d’ingêrâ ki tum didi’â ki gol isina.

Sawal la giled’a 62:1

Ni sawal la gile d’a David mi hlat mi hat mi ma ngolâ hi suma hle sawalina ki Jedutun.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Isai 59:12

Kayam tchila mamid’a ti zul avorongû, tcho mamid’a nga d’i le glangâsâ kamiya, tcho mamid’a ti nga b’ala kamiya, ami wami tchila mamid’a.

Isai 66:8

Ni nge ba, mi hum zla d’a hina d’a yam tu ge? Ni nge ba, mi wahle suma hina na yam tu ge? Ambasa a vud’ut ni bur tu zu? Andjaf suma a vud’umî bur tu mi zu? Ata yima Siyon hurut nde tat á vutina, atogo hina zak ti vut grotna.

Daniel 9:15

Ki tchetchemba, Salad’a Alo mamina, angî ma buzugï sum mangâ woi kur ambas sa Ezipte-d’a kabong ma sib’ika á yi simiyêng d’igi nga mi yi ini na na. Ami lami tchod’a, zla d’a nga kami mi.

Daniel 9:5

Ami lami tchod’a, ami lami sun nda batranga, ami lami asa’ata, ami song vunangû, ami arami vun mang ma hed’a ki gat manga woyo.

Daniel 9:8

Gagazi, Salad’a, zulona nga mi lami ami kamulei mamina ki mami suma nglona kabuyomi ngolo yam tcho d’a ami langzid’a.

Wana ni mbaktumba hi Oze-d’a 7:7

Azi pet a gakud’a ni d’igi aku d’a füra na, a nga ngal mazi suma nglo suma avorozina, a nga tchamulei mazina woi mi. Wani sa adigazi tu pî, mi yan nga d’i!

Zakari 10:9

An mba ni ndjoyôzi woi aduk andjaf suma. Sä ata yima deina azi mba djib’er kanu, a mba kak ki grozina, a mba hulongî mi.

Matiye 25:34

Ata yi máma, an amulâ mba ni de mi suma yam bigan nda ndjufina ala: Agi suma Abun mi b’e vunam kagina, agi mbeyegïya, agi tagi leu d’a a minit kagi kad’u tinda hi duniyad’a deid’a.

Wana ni Zla d’a Djivi d’a Luc mi b’irita 2:25

Sana mi nga Jerusalem, simiyêm ala Simeon. Mam mi sama d’ingêrâ, ni ma nga mi ring mandar Alona, nga mi djup Ma sut Israel-lîna. Muzuk ma bei tchod’a ba na, mi nga ki sed’emu,

Jean 14:3

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

Romê-na 8:19

Kayam ahle suma pet suma Alona mi lazina a nga hat huruzi á djup bur ma Alona mba mi tak groma woina.

1 Korente-na 1:7

Kayam ndata, he d’a hawad’a hAlonid’a tu pî ti kid’agagi nga agi suma nga djubugi bur ma Saleina Jesus Christ mba mi nde woina d’i.

1 Tasaloni’â 1:10

á djup Gorom ma nga mi tcholï akulo mi mba na ge. Ni Goroma Jesus ma mam tcholom akulo aduk suma matnina, ni Ma nga mi sud’i woi kur ayîna hAlona ma nga mi mbana.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Hebre-na 11:16

Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

Jacques 5:7

B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.

1 Jean 4:10

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.