Isai 63:7 - Bible azumeina

⁷ An mba ni de woi yam o d’a bei dabid’a hi Ma didinid’a ki gile d’a ei gilei Ma didina yam djivi d’a mi lat ki sed’eid’a. An mba ni de woi yam djivi mam mba yam Israel-lîd’a, yam djivi d’a mi lat ki sed’ezid’a ki we hohou mamba ki o mam mba bei dabi d’a kal teglesa mi.

Isai 63:7 Iomraidhean Croise

1 Amuleina 8:66

Kur bur ma klavandina, amulâ mi tchuk suma avo hataziya. Azi mba, a gum depa, a i avo hatazi ki furîd’a. Tazi lazi djivid’a yam djivi d’a Ma didina mi lat kazong mama David ki mam suma Israel-lîd’a mi.

2 Sunda Hamuleinid’a 7:10

Kur bur ma dok mbà yam hindina hi til ma kid’iziyanina, Salomon mi tchuk suma avo hataziya. Azi le furîd’a, tazi lazi djivid’a yam djivi d’a Ma didina mi lat ki David ki Salomon ki mam suma Israel-lîd’a mi.

Nehemi 9:25

Azi yo azì ma nglo ma a minim ad’enga ngunguna kandaga d’a tub’ad’a mi, a yo azì ma nglo ma nga oîd’a kahle suma djivinina, golongeîna, guguzlud’a, agu olifâ kagu ma vuta ablaud’a mi. A te, a hoba, a d’ora, a kak kur duzîd’a ni yam djivi mang nga kal teglesa.

Nehemi 9:27

Ni kayam ndata ba, ang arazi abo mazi suma djangûna, a lazi ndaka. Wani ata yima azi nga kur ndakina, a tchi kangû, ang tang humuzï akulo dei. Yam we hohou mang nga ngola, ang hazi suma a prud’uzi woi abo mazi suma djangûnina.

Nehemi 9:31

Wani yam we hohou mang nga ngola, ang dabazi nga woi tchid’a d’i, ang arazi nga woi d’uo mi, kayam angî Alo ma sumad’a, ni ma we hohou sumina mi.

Nehemi 9:35

Kid’a azi nga kaka kur amul mazid’a yam ambas mazid’a tua d’a, a nga aduk ahle suma djivi suma ablau suma ang hazizina, a nga yam ambas sa bibini d’a tub’a d’a ang hazizid’a. Wan pî, a lang nga sun ndi, a ar nga sun mazi d’a tcho d’a a nga lata woi d’uo mi.

Sawal la giled’a 103:2

An min gile ni Ma didina, an nga ni mar yam djivi mam mba led’a tu d’i.

Sawal la giled’a 107:15

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 107:21

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 107:31

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 107:8

Ar a gile Ma didina yam o mam mba didinda, yam sun mam mba ndandal la mi lat yam sumid’a.

Sawal la giled’a 145:7

Ar azi de woi yam djivi mang nga ngola, ar azi de woi yam d’ingêr manga mi.

Sawal la giled’a 25:6

Ma didina, ang djib’er yam we hohou manga ki o mang nga ei dei gak didinda.

Sawal la giled’a 51:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 63:3

Kayam ndata, an nga ni golong kur gong mang nga kud’ora á wad’eng manga ki subur manga.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Sawal la giled’a 92:2

Ni vama djivina á suburung ang Ma didina, á gileng simiyêng ang Alo ma sä akulo ma kal teglesâ!

Buzuk ka Abud’a 18:9

Jetro mi le furîd’a yam djivi d’a Ma didina mi lat ki Israel-lîd’a ki prut ta mi prud’uzi woi abo Ezipte-nid’a mi.

Isai 26:13

Ma didina Alo mamina, suliyo d’a dinga a te kamiya, wani ni yam suma manga ba, ami nga yang simiyêng wana.

Isai 51:2

Agi gologi abugi ngolo Abraham azi ki Sara d’a vud’ugid’a. Ata yima mam mi vam tuna, an yumu, an b’e vunan kamu, an zulum andjavam mi.

Isai 54:10

Ma didin ma mi wak hohowo’â mi dala: Le ahuniyôna a djok keyo, le yima ndingâ mi giget pî, o man nda bei dabi d’a kaka mba d’i wal lei ki sed’ek ki, vun man ma djin ma yam halasina an mba ni bud’um mbei d’uo mi.

Isai 54:7

An arak kei ndjö, wani yam we hohou man nda ngola an mba ni vak atanu.

Isai 54:8

Ma didin ma mi wurak ka’â mi dala: Kur hur ma zala, an ngei tan ndei irak ndjö. Wani yam o man nda bei dabid’a an mba ni wak hohowogu.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Isai 64:5

Ami pet mbud’umi ni d’igi vama ndjendjed’a na, sun mami d’a d’ingêra pet ti mbut ni d’igi baru ma zozota na, ami pet nga yagami woi d’igi hum aguna mi yak kei na, tcho mamid’a nga d’i felemi woi d’igi simetna nga mi fel ahlena woi na mi.

Hor ma tchina 3:32

Wani ata yima mi gad’ama, mi wum hohowom yam o mam mba ngol la bei dabid’a.

Wana ni mbaktumba hi Oze-d’a 2:19

An mba ni tchi simiyê Bäl lei avunat tala ti djib’er yam simiyê alo ma teteng máma d’uo d’angû d’a.

Zakari 9:17

Azi mba ka’î suma djivina, suma djifâ mi. Gemena ki süm guguzlu d’a awilid’a a mba had’enga mazungeî mazina ki yugunei mazina mi.

Matiye 7:11

Le agi suma tchona agi wagi á hahle suma djivina mi grogina na ni, Abugi ma sä akulona mba mi hahle suma djivina mi suma a nga tchenema kal luo zu?

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Efes-sâ 2:4

Kid’a ei boi woi kur tchila meid’id’a, Alo ma we hohowa suma ki o mam mba ngol la mi lat keid’a, mi mbud’i arid’a zlapa tu ki Christ. Ni yam suma mamba ba, mi sud’ugi kiya.

1 Timote 1:14

Saleina mi van sumad’a ngola, mi han lovota á he gagazid’a á le o d’a ei zlabei tu kat yam Jesus Christ-sa.