Isai 63:4 - Bible azumeina

⁴ Kayam bur ma sä atchugula nga kurun adjeu dei, biza d’a wurak yam sum manid’a ti mba wa.

Isai 63:4 Iomraidhean Croise

Sawal la giled’a 107:2

Ar suma Ma didina mi prud’uzi woina a de na! Ar suma mi prud’uzi woi abo mazi suma djangûna,

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 1:27

Ma didina mba mi prut Siyon ndei ni fata ti tit yam d’ingêrid’a, mam mba mi sut suma kurutna woi ni fata a mbut huruzi yam tcho mazid’id’a mi.

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 13:9

Gola! Burâ hi Ma didinina nga mi mba. Ni bur ma bei we hohowa sa kur ba na, ni bur ma ayî ma bibiliuna. Mba mi b’lak ambasa woi mi mbud’ut fulâ, mba mi dap suma a le tchod’ina woi mi.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Isai 47:3

A mba fogok ahlena atak kei arak gandilad’a. Suma a mba we zulo ma’â. An mba ni sä atchugula, an mba ni ar sa tu d’i.

Isai 52:3

Ma didina mi dala: A guzugi woi ni hawa na, a mba hulongôgi ni hawa na bei wurak bege kagi ba mi.

Isai 61:2

á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina,

Jeremi 50:15

Agi nguyugizi ki sor ra ayîna. A nga bar aboziya, aziyazi nga mi dris kä, gulumun mazina nga mi to kä woyo, kayam ni bur ma sä atchugula hi Ma didinina. Agi sagi atchugula ki sed’eziya! Agi lazi d’igi azi ladjeu na mi!

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Ezekiyel 25:14

An mba ni he lovota mi man suma Israel-lâ a mba hlan atchugulun ki suma Edom-ma. A mba gad’azi ndak yam ayî mana, yam hur man ma zal ma gugulu’â mi, a mba tagazi atchugul manda. Ni an Salad’a Ma didina ba, ni de na.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Wana ni Zla d’a Djivi d’a Luc mi b’irita 21:22

Kayam bur máma ni bur ma sä atchugula á ndak vun ahle suma a b’irizi kur mbaktumba hAlonid’ina.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.