Isai 63:3 - Bible azumeina

³ Ni an tu ba, ni miret guguzlud’a ata yi mat ma mireta. Sa aduk sum mana sa mi nga ki sed’en ndi. Kayam ndata, kur ayî mana, an mired’ezi kä, an ndjirebezi woi kur ayî man ma bibiliuna, buzuwazi mi yam ata baru mana, mi tub’ak ata baru mana pepet mi.

Isai 63:3 Iomraidhean Croise

Ad’u Tinda 49:11

Ni ma koro mama nga djinda ata guguzlud’ina; gor koro mama nga djinda ata abuwatna. Mi nga mi mbus baru mama kä aduk süm guguzlud’a, mi nga mi mbus baru mam mba ngola kä aduk mbiyo vut guguzlu d’a hleud’a d’igi buzuna na d’a.

2 Amuleina 9:33

Jehu mi dazi ala: Agi zud’ud’ï kä ir fenetred’a. A zud’ud’ï kä. Ti ndeï kä, buzuwat mi djang huyok gonga, ata akulumeina mi. Jehu mi mired’et kä kasem akulumei mama.

Wana ni mbaktumba hi Job-pa 40:12

Andjawam mbad’enga d’igi agu sedrena na, sidei ma giglangâma mi nga zlapa ata yima tuna á hum ad’enga,

Sawal la giled’a 60:12

Ni ang Alo ma arami woina, ni ang ma i nga ki b’rang mamid’a avun ayîna d’uo na d’uo zu?

Isai 22:5

Kayam Salad’a Ma didina Alo ma ad’engêm kal petna mi suni ini tcha d’a tatad’a ki kusa ki zulona keya, wulul la ndindinga nga d’i b’ik kä b’ib’ik kur hor ra vana nde tam mbei ir sana kuad’a, tchi ma gandjauna nga mi i akulo yam ahuniyôna.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Isai 28:3

Mba mi miret avaval la subur tad’a hi suma Efraim suma a gurut ki sümina kä kasemu.

Isai 59:17

Mi tchuk d’ingêra atam d’igi sana mi tchuk kongrongâ atam na, mi kulup djum mba suta kam mi. Mi tchuk baru ma sä atchugula atamu, mi tchuk yungôra atam d’igi sana mi tchuk baru d’a ngola atam na mi.

Isai 63:6

Kur ayî mana an miret suma kä kasenu, an gurud’uzi woi kayî man ma bibiliuna, an vozi buzuwazi kä woi andaga mi.

Hor ma tchina 1:15

Salad’a mi noî suma gangrang suma dur ayî suma a nga ki sed’ena woyo, mi yi tok ka ngola hi azigarîd’a kan á b’lak azungeî mana woyo. Salad’a mi mired’en an gor wei d’a Juda-d’a kä kasem d’igi a miret vud’a guguzlud’a ata yat ma mireta na.

Joel 3:13

Agi yogi mbaragum magid’a, agi zazi d’igi awu ma mi ne dana na. Agi mbeyegï mired’eziya, kayam yima miret guguzlud’a mi oî wa, zula nga d’i sulul kä woi mi. kayam asa’at mazid’a ti kal ngola heî.

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Zakari 10:5

Azi mba mbut ni d’igi grang suma durâ na, a mba miret suma a duruzina kä kasezi d’igi a miret lubuna kä kur lovota na, a mba duruziya, kayam an Ma didina mba ni kak ki sed’eziya. Suma djang akulumeina hi mazi suma djangûnina a mba mbut zulona.